ROMA 13:6 - Wunta Mempori

⁶ Onae koa mbo'u pu'uno ka impo'owahi sima'ulu. Hangano ondae anu me'anggao mongkona atuu onaemo anu mpo'anggaako Ira Ue Ala.

ROMA 13:6 ပူးပေါင်းရင်းမြစ်များ

2 Samueli 8:5

To Arami inso i Damasi me'aiwa ira mentulungio i Hadadeseri, mokoledo to Soba, sine ipepate ira i Daudi rua pulu ka orua nsowu to Arami atuudo.

1 Tawarika 18:14

Kanandiomo i Daudi moparenta a luwudo to Isaraeli. Iteahakono moleoa ka menteea a luwuno tongkuno.

Esera 4:13

Gagi, moiko ito'orio mokole, tewala umariomo winangu kota atuu, ka luwuno rere watuno umariomo, mia nami dompo'owahi mbo'u sima'ulu, peki'ue ke owahia susua, poko'ariano kota atuu mokorugio mokole.

Esera 4:20

Ka i ndi'ipua hinao ba'opia ira mokole anu pabawa i Yerusale, anu parentao luwuno wita i asatowano Koro Eparata, ka ndi ondae inowahi sima'ulu, peki'ue ka owahia susua.

Esera 6:8

Ka mbo'u muluarako akumo parenta mongkona hapa anu asalakono komiu meweweuo a luwuno mia pinemota'udo to Yahudi mongkona powangua Raha-Do Ue Ala: Inso a pohaweno poparentaa, inso a peki'uedo wita i asatowano Koro Eparata, owahino ka domewineeako luwu mia atuudo, kasi te'onto.

Nehemia 5:4

Hinao mbo'u motae, ”Omami asalakono mponsabo doi po'owahimami sima'ulu anu pinokonado mokole a bonde ka lere anggoromami.

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

ROMA 12:8

tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.

ROMA 13:5

Onaemo pu'uno ka tomenagio po'eheno koroi, komba butu hangano pontekudaako-Do Ue Ala, sine hangano koa mbo'u pompauno aroato.

ROMA 13:7

Ime'owahiomo a luwuno mia hapa anu asalakono komiu me'owahio: sima'ulu a mia anu tekona montarima sima'ulu, sima'ulu susua a mia anu tekona montarima sima'ulu susua; imedoito a mia anu tekona idinoitoako ka impelangkaio mia anu tekona ipinelangkai.