ROMA 12:9 - Wunta Mempori

⁹ Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 12:9 ပူးပေါင်းရင်းမြစ်များ

Po'unde-unde 101:3

Mataku nahi behe mongkita pompokonsiia; poweweu anu pansia ku'o'aliaakono, komba ku'ineheakono.

Po'unde-unde 119:104

Inso a luwuno parenta-Miu kupohawe ponto'ori, onaemo pu'uno ku'o'aliaakono luwuno pesalaa anu nahi mentee.

Po'unde-unde 119:163

Ku'o'aliaakono ka kumokoburuakono pegaupi, sine Songka-Miu kukekewoio.

Po'unde-unde 34:14

Tangkoroomo elomu inso anu mosa'o ka wiwimu inso a mpinau anu mompopo'oo;

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 45:7

Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

Po'unde-unde 55:21

Wali-wali atuu tumandeo kaeno te'aro ndi ondae anu tuwu manangai saru onae, ka lumimpaio dandino;

Po'unde-unde 97:10

Hei mia anu mehohawa Ira i Ue, o'aliaakonomo anu mosa'o! Ondae, anu mekariao penaano mia anu pinehohawa-Do, ta motola ira inso a ngkaeno mia mosa'o gauno.

Powadi 26:25

Tewala mauru pepauno, si pe'ala-alao, hangano opitu mokoburua kongko i laro aroano.

Powadi 8:13

Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

I MATIU 26:49

Ka montuturakoomo lumako tepohaweako Ira i Yesu ka ipotae, ”Tabe Guru.” Ka i'amba woo-woo Ira.

I YOHANE 12:6

Mongkona atuu ipauo komba hangano iperio ira mia memongkokolaro, tendeano hangano onae asa mia monako; mararu ipo'ala doi anu ninaa a laro ngkadu anu ininino.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

2 KORINTI 6:6

a molinono aroa, ponto'ori, sabaraa, ka pe'aroa; a laro Mpenaa Mempori ka pompehohawa anu nahi po'onde-onde;

2 KORINTI 8:8

Kupauo mongkona atuu komba kana parenta, tendeano, mopokitao peteahakodo mia susua mpontulungi, aku kumitao menteeno pompehohawamiu.

1 TESALONIKA 2:3

Hangano pompatudumami komba inso a pompokobulalingo ke inso a ntinoo anu nahi mentee ka komba tinondaako mbo'u pompopo'oo.

1 TESALONIKA 5:15

Impekokoongakono, ka si hina mia anu mombaloako mosa'o ka anu mosa'o, sine ime'ungkeakono mpiha anu moiko, ndi omiu nte'o'asa mia ka a luwuno mia.

1 TESALONIKA 5:21

Impepenteeomo luwuakoano ka ime'iniomo anu moiko.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 4:8

Sine anu lalu i wawono: imemambe pehohawamo ntu'u, hangano pompehohawa tumutuwio hadio ntu'u hala.