ROMA 12:8 - Wunta Mempori

⁸ tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.

ROMA 12:8 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Po'unde-unde 37:21

Mia mosa'o gauno monsabo ka nahi wali umowahio, sine mia mentee wela mompehohawa ka me'aroa.

Powadi 22:9

Mia anu moiko aroano ta rinonso, hangano onae tumiao hinaweno saru mia mongkokolaro.

Puu Pontutulu 11:6

Tempono mo'oru rawoomo iniimu, ka ngkiniwia si po'ineeo kaemu menaa-naa, hangano nahi uto'orio onaeke andio ke atuu anu ta mewua, ke oruano pada moiko.

Puu Pontutulu 9:10

Hapamo koa anu pinoko'anggano kaemu, anggaomo tompaano rosomu. Hangano, nahina anggaa, pontimbanga, ponto'ori ka monto'ori a ntolinodo mia mate, ba isua ta lakoamu.

Yesaya 32:5

Mia monge-monge nahi ta pinau mbo'u mia moiko peleluno, ka anu mompopo'oo nahi ta pinau mbo'u mia pinelangkai.

Yesaya 32:8

Sine mia me'aroa moiko montoo anu moiko, onae wela sumu'uo luwu anu moiko.

Yesaya 64:5

Omiu tumotowoo mia anu mawongko moweweu anu mentee, ka anu rumambe-Komiu a nsala anu tiniso-Miu! Menteeano, Omiu tekuda, hangano omami mentehala mompu'u i ndi'ipua se'eluno. Nde kami koa mengkinadudui?

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 13:12

Kumitao hapa anu gagiomo atuu, mompe'ala-alaomo guberenuu atuu; ikohali-haliakono pompaguru-Do i Ue.

WINEWEUDO TINENA 13:15

Mansano umari pobasaa songka Taura ka wuntado nabi, mpetena iramo petewawa a raha tepumpua mpesikeno ndi ondae, ”Luwumiu pepaekompo, tewala hinao pe'oliwi anu mowangu ka montarero bawaa andio, imempauako iramo!”

WINEWEUDO TINENA 15:32

I Yuda ka i Silasi, anu onaemo nabi ira koa mbo'u, tehine dopatudu ira pepaekompo atuudo ka mokorosoako ira aroado.

WINEWEUDO TINENA 20:2

Isompoo wita atuu ka hadio patudu mokorosoako ira aroado pepaekompo i tu'ai. Ka i'amba haweomo i wita Yunani.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 4:36

Kanandio koa mbo'u i Yusupu, anu domeneeakono tinena i Baranaba, pengkonaano ana pontarero, aasa to Lewi inso i Sipuru.

ROMA 12:13

Imentulungi iramo mia mempori a laro makurado ka po'ineeomo koroimu ka iwela koa mompowee peratoa!

ROMA 13:6

Onae koa mbo'u pu'uno ka impo'owahi sima'ulu. Hangano ondae anu me'anggao mongkona atuu onaemo anu mpo'anggaako Ira Ue Ala.

1 KORINTI 12:28

Ka Dopakosiomo Ue Ala ba opia mia a laro bawaa: ko'aasa gagi tinena, ko'orua gagi nabi, ko'otolu anu mompaguru. Ka i'amba ondae anu mpohawe pompowee ka dompoweweu anu kinohali-haliako, ka dompompokotompa, ka dompompekakaako, ka dompetewawa, ka dompepauako pau penaa.

1 KORINTI 14:3

Sine isema mompau anu ta gagi, onae mepau a mia, onae mowangu, mompatudu ka montarero.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

2 KORINTI 8:12

Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.

2 KORINTI 9:11

komiu mempinokokaea a mperupa-rupa pe'aroa, anu mompokohina pontarimakasi ndi Ondae Ue Ala hangano omami.

2 KORINTI 9:13

Ka hangano peteahakomiu a pompekakaakoa atuu, dome'unde-unde Ira Ue Ala hangano pomperorongeakomiu a Lele Mawongkoa-Do i Kerisituu ka hangano pe'aroamiu mpetia luwuakoano saru ondae ka saru luwuno mia,

2 KORINTI 9:7

Po'ineeomo singge mia mompowee montonda po'eheno aroano, si komba masusa aroa ke hangano dinadai, hangano Ondae Ue Ala mehohawao mia anu mompowee a mawongkono aroa.

EPESU 6:5

Hei luwuno ata, impomperorongeakomo a uemiu anu i wawontolino saru medoito ka mpondidi-ndidi, ka temoleo aroamiu mengkena kana impomperorongeako ndi Ondae i Kerisituu,

Winali 15:14

Asalakono upoweeakono pebakuno tehadio ntu'u inso a asa bawaa bembe bimbamu, inso a mposesaamu, ka a mpomporo'iamu. Asalakono upoweeakono menunu saru poronso anu Doweeakomu i Ue, Ue Alamu,

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

KOLOSE 3:22

Hei luwuno ata, impetenunumo a uemiu anu i wawontolino andio a luwuakoano, si komba butu mokonsanaa ira i arodo, tendeano a moleono aroa hangano doitoako Ira i Ue.

1 TESALONIKA 2:3

Hangano pompatudumami komba inso a pompokobulalingo ke inso a ntinoo anu nahi mentee ka komba tinondaako mbo'u pompopo'oo.

1 TESALONIKA 2:8

Kanatuumo omami, a pompehohawa anu langkai ndi omiu, komba butu inehemami mpontiaakomiu Lele Mawongkoa inso ndi Ondae Ue Ala, sine tuwumami mbo'u, hangano kimpehohawa komiumo.

1 TIMOTIU 4:13

Kontongaano atuu, ranta ka kuhawe temokua basaako ira bawaa Wunta Mempori, mompokomoroso ka mompaguru.

1 TIMOTIU 5:17

Luwuno penatua anu moiko ipetewawa tekona ipinelangkai meluka mpendua, tamoako ondae anu mpe'isei mpontutulu ka mpompaguru.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

IBARANI 10:25

Si tome'olaiakono luwuno tepumpuato mpesomba, kana domeleleoakono ba opia mia, sine aiwamo tomemambepatudu, ka komoku-mokuato meweweuo haweano oleo-Do i Ue anu umpedaomo.

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.

IBARANI 13:22

Ka kupatudu komiu, luwuno pepaekompo, ka imentarimao a moputeno aroa, maupo butu owowa wuntaku andio ndi omiu.

IBARANI 13:24

Pohaweomo tabea a luwuno petewawamiu ka luwuno mia mempori. Imentarimaomo tabea inso a luwuno pepaekompo i Italia.

IBARANI 13:7

Impewowolo ira koa petewawamiu, anu mempauomo pau-Do Ue Ala ndi omiu. Impepenteeo tompaano tumuwudo ka imempandirio pompe'ala-alado.