ROMA 12:3 - Wunta Mempori

³ Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia.

ROMA 12:3 ပူးပေါင်းရင်းမြစ်များ

Powadi 25:27

Mongkaa hadio siu hoani nahi moiko, kanatuu koa mbo'u mo'ungke luwuno pau po'unde-unde.

Powadi 26:12

Nde ukitaoke mia anu motae koroino pande mosongka? Pomperorohino mia monge-monge langkaiopo sekonopo a mia atuu.

Puu Pontutulu 7:16

Si petenunu lahi, pelelumu si ponto'ori lahi. Tembio ka komepateo koroimu omuemu?

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

I LUKASI 18:11

To Parisi atuu mentade ka ipekakai i laro aroano kanandio: Oo Ue Ala, montarima kasi aku ndi Omiu, hangano nahi kupengkena kana luwuno mia mehano, komba puu mporontu, komba mia lambaha, komba anu monsosabo ka komba kana puu popumpu sima'ulu andio;

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 12:16

Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande!

1 KORINTI 15:10

Sine hangano pompehohawa-Do Ue Ala ka kugagi kana teweweuku kanandio-andio, ka pe'aroa anu Doweeakune komba tetadi-tadi mpena. Tendeano laluaopo pe'iseiku mo'angga sekonopo luwudo; sine komba hangano ongkue, tendeano pompehohawa-Do Ue Ala anu kumongkomi aku.

1 KORINTI 3:10

Menunu saru pompehohawa-Do Ue Ala, anu Doweeakune, ongkue kana asa mia puu mpowangu anu pande monaa akumo pondasi, ka mia susua motilaloakono mowangu iwawono. Sine sompo-sompo mia asalakono ka ipepenteeo, ba kana'umpe ba ipowangu i wawono.

1 KORINTI 7:17

Ka i'amba asalakono sompo-sompo mia ka ikongko tuwu kana anu Dopakosiakonomo i Ue ka a nteweweu kana tempono Dopoboio Ue Ala. Ndiomo pompakosi anu kuweeako ira luwuno bawaa.

2 KORINTI 10:13

Sine omami nahi kimebehe memawongko komba da sa'uno, tendeano a luwuno koa mpiha tidano anggaa anu Dopakosiakami Ue Ala, anu tepalele hawe koa mbo'u ndi omiu.

2 KORINTI 12:13

Hangano mongkona anu isuake imempinokotelembui pinongkenaako saru luwuno bawaa susua, sangkadio mongkona andio, onaemo nine ongkue isa'a komba gagi aasa pokonsusamiu? Siimo impe'ihilaroo nahi moleoku andio!

2 KORINTI 12:7

Ka si kupompelangka-langkai hangano luwuno pepokomengkaa anu tedoa kinohali-haliako atuu, ka ongkue pinoweeako aasa rui a laro ihiku, onaemo asa mia tinenano i Mosa'o ka itidu aku meroku, ka si kupompelangka-langkai.

GALATIA 6:3

Hangano tewala potaeno asa mia, nine onae mentudu, kahinaano onae nahina ntu'u tuduno, ipopo'oo onaeno koroino.

EPESU 3:2

– lano imerongeomo mongkona anggaa weweua a mpe'aroa-Do Ue Ala, anu kupine'ala-alaako hangano omiu,

EPESU 3:4

Tewala imebasao, komiumo mpokonto'orio ponto'oriku rahasia-Do i Kerisituu,

EPESU 4:16

Insomo ndi Ondae asa ngkoroi, – anu tepotuda moiko ka inonggo gagi aasa hangano pompekakaakono luwuno parewa ngkoroi, menunu saru pinoko'anggano sompo-sompo parewa ngkoroi – montarima tuwuno ka wanguo koroino a laro pompehohawa.

PILIPI 2:13

hangano Ondaemo Ue Ala anu umanggao i laromiu moiko po'ehe maupo anggaa montonda po'ehe-Do.

KOLOSE 1:29

Onaemo anu kuteahakono ka kupelulukuakono tompaano roso menunu saru pabawa-Do, anu mo'angga moroso i laroku.

KOLOSE 2:13

Omiu mbo'u, maupo i ndi'upua memate hangano halamiu ka hangano nahi mpetindi montonda koroi ntolino, Dopotuwu komiumo Ue Ala meronga saru Ondae, umari-Do umanpunio luwuno halato,

1 TIMOTIU 1:14

Tendeano pompehohawa-Do Ueto atuu wineeako akumo hadio ntu'u saru pompe'ala-ala ka pompehohawa ndi Ondae i Kerisituu Yesu.

1 TIMOTIU 2:15

Sine beine ta kinadudui hangano onae me'ana, poolo ka ipompedato koa mpiha pompe'ala-alano ka mompehohawa memporia saru nahi maramba.

1 TIMOTIU 2:9

Kanandio koa mbo'u beine. Ka ipesangka koa anu tekona, montonda gau ka nahi maramba, wuuno ka sipiniu, ka si pompake wulaa ke mutiara ke maupo sangka anu masuli olino,

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

TITU 2:2

Tama anu memota'u asalakono ka domentuwu poolo ka isoompo, mempinelangkai, mempande mposongka, mentee a pompe'ala-ala, a pompehohawa ka mpompedato.

TITU 2:4

ka hangano kanandio paguru ira beine mongura mpehohawa ira tamado ka anado,

TITU 2:6

Kanatuu koa mbo'u mia memongura; imempatudu iramo ka domempabawaio koroido a luwuakoano

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”

1 PETURU 1:13

Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

3 YOHANE 1:9

Moburi akumo tedei a bawaa, sine i Dioterepesi anu ineheno gagi mia tinudu i olodo, nahi behe umakui kami.