ROMA 12:2 - Wunta Mempori

² Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 12:2 ပူးပေါင်းရင်းမြစ်များ

Esera 10:11

Sine kanandio-andio, ime'akuiomo i aro-Do i Ue, Ue Alado uempu'umiu, impoweweumo hapa anu pinemoiko-Do impeliahako inso luwuno tongku i wita andio, ka luwuno beinedo mia mehawe atuudo.”

Po'unde-unde 119:103

Mo'ahi ntu'u dandi-Miu atuu a eloku, mo'ahiopo sekono siu hoani a ngangaku.

Po'unde-unde 119:128

Onaemo pu'uno ka kutuwu moleo tumondao luwuno parenta-Miu; pesalaa nahi mentee ku'o'aliaakono.

Po'unde-unde 119:174

Kukekewoio tekaduduia inso ndi Omiu, oo Ue, ka Songka-Miu gagi ineheku ntu'u.

Po'unde-unde 119:72

Taura anu pinohawe-Miu masuliopo olino ndi ongkue sekonopo sowuno lempe wulaa ka salaka.

Po'unde-unde 119:97

Kukekewoio ntu'u Songka-Miu! Kupenootio hawe sumoo oleo.

Po'unde-unde 34:8

Mala'eka-Do i Ue mpekema lumimbu ira mia anu dumoitoako Ira, ka do'amba mpotola ira.

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Peluarakoa 23:2

Omue si tonda-tonda ira mia hadio mpoweweu mosa'o, ka tewala gagi sakosii mongkona asa kara-kara, si tonda-tonda ira mia hadio mpopelengkuako songka.

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 36:26

Aku moweeakomiu aroa anu wo'ohu ka penaa anu wo'ohu ilaro aroamiu. Aku tumadio inso a ngkoroimiu aroa anu motea ka moweeakomiu aroa anu molusa.

I MATIU 13:22

Anu rinawo a laro ewo rui onaemo mia anu rumongeo pau atuu, ka i'amba sala-larono wawontolino andio ka pompopo'oono kaeaa humidio pau atuu ranta nahi pewua.

I MARAKUSU 4:19

ka i'amba sala-larono wawontolino andio ka pompopo'oono kaeaa ka hadio rupa anu minosisiriako mewinso humidio pau-Do i Ue atuu ranta nahi pewua.

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

I YOHANE 15:19

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.

I YOHANE 17:14

Kuweeako iramo pau-Miu ka wawontolino umo'aliaako ira, hangano ondae komba inso i wawontolino, mengkena kana Ongkue komba inso i wawontolino.

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

ROMA 7:12

Gaagi songka Taura lano mempori, ka parenta mbo'u atuu mempori, mentee ka moiko.

ROMA 7:14

Hangano tomento'orio, nine songka Taura onaemo tuwu nsuruga, sine ongkue tuwu tolino, inasa a mpabawano hala.

ROMA 7:22

Hangano i laro aroaku ineheku songka-Do Ue Ala,

1 KORINTI 3:19

Hangano ponto'orino wawontolino andio Dopebenge-bengeo Ue Ala. Hangano hinao teburi, ”Ondae anu morako mia monto'ori a laro mpandeno mo'ungke akala.”

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 5:17

Onaemo pu'uno si mebenge-benge, sine impeteahakomo ka imento'orio po'ehe-Do i Ue.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

1 TESALONIKA 4:3

Hangano ndiomo po'ehe-Do Ue Ala: pokomemporiamiu, onaemo ka ime'olaiakono pebelesua,

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,

1 PETURU 2:3

tewala mentee ntu'u impenamiomo moiko-Do i Ue.

1 PETURU 4:2

ka si mempakeo tempo anu da hinao montonda mosisirino mia, sine montonda po'ehe-Do Ue Ala.

2 PETURU 1:4

Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

2 PETURU 2:20

Nde tewala ondae, hangano ponto'orido Ondae i Ue ka Puu Pongkaduduito, Ondae i Yesu Kerisituu, mpepotola iramo inso a luwuno mokoburuno wawontolino, sine ntewinso ira mbo'u i larono, ka poko'ariano teweweudo mosa'oopo sekono anu se'eluno.

1 YOHANE 3:13

Si mengkohali-hali, pepaekompo luwu-luwu, tewala i'o'aliaakomiu wawontolino.

1 YOHANE 5:19

Tomento'orio, nine mente'inso kita ndi Ondae Ue Ala ka asa wawontolino kongko i totono pabawano i Mosa'o.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.