ROMA 12:1 - Wunta Mempori

¹ Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

ROMA 12:1 ပူးပေါင်းရင်းမြစ်များ

Po'unde-unde 116:12

Kana'umpe aku sumuloo ndi Ondae i Ue luwuno poweweu-Do anu moiko ndi ongkue?

Po'unde-unde 19:14

Ikaduduiomo tetenaa-Miu inso a mpelelu mompelangka-langkai; ka si mansa onae pabawai aku! Ka ongkue gagi nahina tataaku ka tepotola inso a hala langkai.

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Podoaa 7:21

asa sapi lakino mongura, asa bimba lakino, ka asa bimba lakino tinuwuno asa nta'u weweua pesomba tinunu.

I LUKASI 7:47

Onaemo pu'uno Kupauakomu, Halano anu hadio atuu inampuniomo, hangano hadioomo pompehohawa wineweuno. Sine mia anu tedei inampuni, tedei koa mbo'u pompehohawa wineweuno.”

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 15:30

Sine hangano Ondae i Kerisituu, Ueto, ka hangano pompehohawa-Do Penaa, kupatudu komiu, pepaekompo, ka impokowali aku pekakaiakune ndi Ondae Ue Ala,

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

ROMA 6:16

Nde nahi imento'orioke, nine tewala impeweengakono koroimiu a asa mia gagi ata ka impetenunuio, omiumo atano mia atuu, anu asalakono impetenunuio, moiko a hala anu wawa komiu a matea, maupo a mpetenunu anu wawa komiu a menteea?

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 9:23

tendeano ka ipinokomengkaa kaeano maramba-Do a luwuno parewa pompehohawa-Do anu Dopatindaomo tiano marambaa,

1 KORINTI 1:10

Sine ku'oliwi komiu, pepaekompo, a nee-Do Ueto i Yesu Kerisituu, ka impe'asa mpau ka si hina teposisalaa i olomiu, sine tendeano ka imemoroso ntepo'asa ka mpe'asa aroa mpe'asa pompewowolo.

2 KORINTI 10:1

Ongkue, i Paulu, asa mia anu nahi sapa tewala tepo'aroakomiu, sine mosia ndi omiu tewala tepo'olai, kupopoto'oriakomiu a nee-Do i Kerisituu anu mauru ka me'aroa.

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 5:10

ka impepenteeo hapa anu pinemoiko-Do i Ue.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

PILIPI 4:18

Kanandio-andio kutarimaomo luwu anu kinereku inso ndi omiu, tendeano toreaomo. Mare'e akumo, hangano kutarimaomo oliwimiu inso ndi Epaporoditu, aasa pesomba anu mana mo'ahi, aasa pesomba anu inehe-Do ka Dopemoikoo Ue Ala.

1 TESALONIKA 4:1

Poko'ariano, pepaekompo luwu-luwu, kime'emao ka patudu komiu ndi Ondae Ue Yesu: Imerongeomo inso ndi omami ba kana'umpe asalakono imentuwu ka Dopemoikoo Ue Ala. Mongkona atuu lano imentondaomo, sine moikoopo imeweweuo lalu mpopesu'ui mbo'u.

1 TESALONIKA 4:10

Mongkona atuu imeweweuo koa mbo'u a luwuno pepaekompo i asa wawo wita Makedonia. Sine kimempatudu komiu, pepaekompo luwu-luwu, ka imeweweuo lalu mpompesu'ui mbo'u.

1 TESALONIKA 5:12

Kime'emao ndi omiu, pepaekompoku luwu-luwu, ka impelangkai ira anu mpe'isei mpo'angga i olomiu, anu wawa komiu ndi Ondae i Ue ka anu kumuahako komiu;

1 TIMOTIU 2:3

Onaemo anu moiko ka anu Dopemoikoo Ue Ala, Puu pongkaduduito,

1 TIMOTIU 5:4

Sine tewala aasa tuwu beine hinao anano ke ana'ueno, moikoano ondae atuu amba-ambano ka dompepaguru mpompekakaako a mpe'asa rahado ka mensuloo moikodo mia mota'u ka uedo, hangano onaemo anu pinemoiko-Do Ue Ala.

PILEMO 1:10

kupohaweo po'emaku ndi omue mongkona anaku anu hinaweku kontongaaku a laro torungku, onaemo I Onesimu

PILEMO 1:9

sine mewowoloo pompehohawamu atuu, moikoopo ku'emao inso ndi omue. Ongkue, i Paulu, anu mota'u akumo, metiangi mbo'u kanandio-andio tinorungku hangano Ondae i Kerisituu Yesu,

IBARANI 13:22

Ka kupatudu komiu, luwuno pepaekompo, ka imentarimao a moputeno aroa, maupo butu owowa wuntaku andio ndi omiu.

1 PETURU 2:20

Hangano polioke ipinau po'unde-unde, tewala memarasaiako komiu pontunduhi hangano mpoweweu komiu hala? Sine tewala mpoweweu komiu moiko ka onaemo pu'uno omiu asalakono ntebobarasai, ka onaemo atuu pe'aroa ndi Ondae Ue Ala.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.