ROMA 1:30 - Wunta Mempori

³⁰ Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,

ROMA 1:30 ပူးပေါင်းရင်းမြစ်များ

1 Mokole 20:11

Sine sumangki mokoledo to Isaraeli, ipotae, ”Pauomo! Mia anu da'iaopo ipotampi ponai, nahi moiko ba ipompelangka-langkai kana mia anu umariomo metea.”

2 Tawarika 19:2

Tempo atuu i Yehu anano i Hanani, puu mpongkita atuu, lumako tepohaweakono ka ipotae ndi mokole Yosapa, ”Pototono ke omiu tumulungio mia nahi perio Ira i Ue ka mesambe'eako ira anu umo'aliaako Ira i Ue? Hangano mongkona atuu Ondae i Ue tekuda ndi omiu.

2 Tawarika 25:19

Pinewowolomu, omue lano unangiomo Edomi, onaemo kau pompelangka-langkai kau pohawe pompelangkai. Kanandio-andio, po'iamo koa i raha. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Po'unde-unde 49:6

Tembio ka kudoito a luwuno oleo masolaa i tempono domengkadu aku puu pontowoki anu lambaha,

Po'unde-unde 5:5

Hangano Omiu komba Ue Ala anu memoikoo gau anu mosa'o; mia mosa'o wineweuno nahi ta merato ndi Omiu.

Po'unde-unde 52:1

Tiano petewawado anu mpenani. Penani pompaguruno i Daudi,

Po'unde-unde 81:15

i tempo koa mbo'u atuu iwalido Kupokompetuundu ira, ka i wawono luwuno iwalido Kupotiio kae-Ku;

Po'unde-unde 94:4

Ondae mpoluarako luwuno pau anu mosa'o, luwuno mia anu mpoweweu mosa'o mpompelangka-langkai.

Po'unde-unde 97:7

Luwuno mia anu mesomba a ntinaha ta mohawe mokoko'ii, kanatuu koa mbo'u anu mompelangka-langkaiako luwuno lahumoa; luwuno pinesombai mpenggolontu mpesomba ndi Ondae.

Po'unde-unde 99:8

Omiu Ue, Ue Alamami, Isangki kamimo, Omiumo Ue Ala anu umampuni ira, sine anu mbo'u mombalo a wineweudo.

Powadi 24:8

Isema wela mosongka mosa'oa ta pinotaeako anu mompopo'oo.

Powadi 25:23

Angi utara mowawa usa marombo, mepau mewuni-wuni mowawa rupa tekuda.

Powadi 30:17

Mata anu mompasinggiri ama ka mo'ondaha rumongeo ine ta tumungkuo paa-paa lembono ka ikaano anano rajawali.

Powadi 8:36

Sine isema nahi hawe aku, mokorugio koroino; luwuno mia anu umo'aliaakune, mongkekewoi matea.”

Puu Pontutulu 7:29

Kitaomo, butu onae ndio hinaweku: Dopokogagiomo Ue Ala mia anu moleo, sine mpo'ungke ira hadio pepokomenteedo.

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Yehesikieli 22:7

Luwuno ama ka ine i olomu pinokongkodei, ka i tonga-tongamu mia mpo'ala komba tiado a mia mehawe; nana'ote mbo'u anu nahina amano ka tuwu beine i olomu pinokonsii.

Podoaa 10:35

Sompo ipelungka burua pedandia atuu, motae i Musa, ”Ipentademo oo Ue, ka dontesiarawo iwali-Miu ka luwuno mia anu umo'aliaa-Komiu mpolai inso i aro-Miu.”

I MATIU 15:4

Hangano Ondae Ue Ala mepau: Pelangkai ira amamu ka inemu; ka mbo'u: Isema anu tumutundalio amano ke ineno manasa hinuku mate.

I MATIU 16:21

Mompu'u i tempo atuu Ondae i Yesu mompu'u mokomengkaao a ana guru-Do nine Ondae asalakono Ira lumako i Yerusale ka montembi hadio marasaia inso a mia memota'u, petewawado sando mpesomba ka guru agama, ka Do'amba pinepate ka winangu a oleo ko'otolu.

I LUKASI 21:16

Ka ira mpeweengakomiu mbo'u mia mota'umiu, pepaekompomiu, pe'etumiu ka luwuno sambe'emiu ka ba opia mia i olomiu ira mempinepate

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

WINEWEUDO TINENA 5:36

Hangano i ndi'upua horiomo i Teuda, anu motae onae mia pinelangkai ka hinao bara'ura pato etu mia anu tumondao; sine onae pinepate ka ntesiarawo iramo luwu anu mentondao ka tampula.

ROMA 2:17

Sine, tewala impotae omiu to Yahudi ka mpehonda a songka Taura, mawongko ndi Ondae Ue Ala,

ROMA 2:23

Omue mawongkoakono songka Taura, tembio ka omuemu isa'a mokongkodei Ira Ue Ala lumaloo songka Taura atuu?

ROMA 3:27

Tewala kanandio, hapake pu'uno ka tomemawongko? Nahina! Me'empehiako hapa? Me'empehiako wineweu? Naahi, tendeano me'empehiako pompe'ala-ala!

2 KORINTI 10:15

Nahi kimpehamba-hambaako anggaa anu wineweudo mia susua i wita mpo'anggaa anu nahi kimempinakosiako. Sine kimperorohio, nine tewala pompe'ala-alamiu koteti-tetiangino, kami mpohawe pompelangkai lalu langkai mbo'u i olomiu, tewala pinongkenaako saru wita po'anggaa anu kimempinakosiako.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

Winali 27:16

’Tetotonaaomo mia anu me'uru-uruo ineno ka amano.’ Luwuno tongku atuu, asalakono mpotae, ’Ami!’

Winali 7:10

Sine a mia anu umo'aliaako Ira, Ondae mombaloako pompepate ndi ondae. Nahi Doponaa-naa ka Doweweuo pombaloa a mia anu umo'aliaako Ira.

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TIMOTIU 3:2

Mia ta kumekewoio koroino onaeno ka gagi atano doi. Ira mengkopau-pau anu nahi mentee ka mpompelangka-langkai, ira megagi puu pomposebe, ira me'ewa a mia mota'u ka nahi domponto'ori mpontarimakasi, nahi domperioo agama,

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

YAKOBU 3:5

Kanandio koa mbo'u elo, maupo aasa parewano koroi anu kodei, sine mokompehamba-mabaako mongkona luwuno anu langkai. Kitao, maupo kana'umpe kodeino api, ipokosongkoo tobu langkai.

YAKOBU 4:16

Sine kanandio-andio mpehamba-hamba komiu a laro pompelangka-langkaimiu, ka luwuno pehamba-hamba anu kanandio saala.

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.