ROMA 1:3 - Wunta Mempori

³ mongkona Ana-Do, anu montonda ihi pine'anaako inso a inuleno i Daudi,

ROMA 1:3 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Po'unde-unde 2:7

Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

Yeremia 33:26

asalakono nahi Aku tumarimao inuleno i Yako ka tetenaa-Ku i Daudi, ka menaa-naa mompotoro mia inso a inuleno anu ta moparenta a inuleno i Burahima, i Saki ka i Yako. Hangano, Aku mokomoikoo teweweudo ka mehohawa ira.”

Amosi 9:11

”Ia oleo atuu Aku wali montadeo laikano i Daudi anu tebangkuomo; Aku tumutuwio umeteno rereno, ka Aku wali wanguo rereno anu tehoa; Aku wali wanguo kana se'eluno,

I MATIU 1:1

Ndiomo potudano anu umule Ira i Yesu Kerisituu, anano i Daudi, anano i Burahima.

I MATIU 1:16

i Yako me'anaakono i Yusupu kombiano i Maria, anu me'anaako Ira i Yesu anu nineeako i Kerisituu.

I MATIU 1:6

i Isai me'anaakono i mokole Daudi. I Daudi me'anaakono i Salomo inso a ngkombiano i Uria,

I MATIU 12:23

Ka mengkohali-hali iramo mia hadio atuu, dompotae, ”Onae andio bara'ura anano i Daudi.”

I MATIU 15:22

Ka haweomo aasa beine to Kana'a inso i wita atuu ka mebooli, ”Ipehohawa aku, oo Ue, Anano i Daudi, hangano anaku beine ipewinsokio onitu nsa'o ka tedoa mompemarasai.”

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

I MATIU 27:43

Onae momperorohi ndi Ondae Ue Ala: po'ineeomo Ondae Ue Ala kumadudui Ira, tewala Dopemoikoo! Hangano motaeomo: Ongkue Ana-Do Ue Ala.”

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I MATIU 9:27

Tempono Dopotilaloakono i Yesu pelempaa-Do inso i ra'ai, orua mia morawu tumondari Ira saru mebooli ka dopotae, ”Ipehohawa kamimo, hei anano i Daudi.”

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I LUKASI 1:69

Dopotuwuo aasa tandu tekaduduiato a laro inuleno i Daudi, tetenaa-Do atuu,

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:34

Ka kukita Iramo ka mesakosii: Ondaemo andio Ana-Do Ue Ala.”

I YOHANE 1:49

Motae i Natanae ndi Ondae, ”Guru, Omiu Ana-Do Ue Ala, Omiu Mokoledo to Isaraeli!”

I YOHANE 10:30

Ongkue ka Ondae i Ama aasa koa.”

I YOHANE 10:36

nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 20:28

Sumangki i Toma, ”Oo Ueku ka Ue Alaku!”

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 5:25

Kupauakomiu: Menteeano ta hawe tempono ka haweomo, nine mia memate ira merongeo suara-Do Ana-Do Ue Ala, ka ondae anu merongeo, ta tuwu.

I YOHANE 7:42

Hangano pinau a Wunta mempori, nine i Mesia inso a inuleno i Daudi ka inso i inia Beteleme, po'iangano i Daudi i ndi'upua.”

WINEWEUDO TINENA 2:30

Sine ondae aasa nabi ka doto'orio, nine Ondae Ue Ala medandi Iramo ndi ondae saru mesumpa, nine Ira montoroo asa mia inso a inuledo isa'a i Daudi a ngkadera poparentaado.

WINEWEUDO TINENA 3:13

Ondae Ue Alano i Burahima, i Saki ka i Yako, Ue Alado uempu'uto Dopokomaramba Iramo Tetenaa-Do, onaemo Ondae i Yesu anu pineweengakomiu ka nahi mentarima Ira i arono i Pilatu, maupo pohaweno i Pilatu, nine Ondae asalakono pinotola.

WINEWEUDO TINENA 8:36

Dopotilaloakono pelempaado, ka hawe i asa po'ianga anu hinao uwoi. Ka i'amba motae anu langkai potorono atuu, ”Kitao, i tu'ai hinao uwoi; hapake montombolei, ba kubinaho?” [

WINEWEUDO TINENA 9:20

Tempo koa mbo'u atuu ipalele Ira i Yesu a luwuno raha tepumpua, ka pauo nine Ondae i Yesu Ana-Do Ue Ala.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 4:1

Gaagi hapake kita mpotae mongkona i Burahima, uempu'uto montonda tuwu ngkoroi?

ROMA 9:3

Tendeano, ineheku tetotonaa ka teponsia inso ndi Ondae i Kerisituu hangano luwuno pepaekompoku, pe'asa tongkuku montonda tuwu ntolino.

ROMA 9:5

Ondae inuledo luwuno uempu'u, anu umule Ira i Mesia a nteweweu-Do kana mia, anu i wawono luwuakoano. Ondaemo Ue Ala anu asalakono inunde-unde ranta nahina tampulaano. Ami!

1 KORINTI 1:9

Ondae Ue Ala, anu moboi komiu a ntepo'asaa saru Ana-Do i Yesu Kerisituu, Ueto, anu nahi bali.

1 KORINTI 10:18

Impepentee ira tongku Isaraeli montonda ihi: kombake ondae anu mpongkaa hapa anu pinesombaako mpohawe tia a pompekakaakoa meda pontunua pesomba?

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

1 TESALONIKA 1:10

ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

2 TIMOTIU 2:8

Pewowoloomo andio: Ondae i Yesu Kerisituu, anu mewangu Iramo inso i olodo mia mate, anu pine'anaako Iramo gagi inuleno i Daudi, onaemo Lele Mawongkoa anu pinaleleku.

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

1 YOHANE 4:15

Ba isema mangaku, nine Ondae i Yesu onaemo Ana-Do Ue Ala, Ondae Ue Ala kongko mpiha i larono ka onae i laro-Do Ue Ala.

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

1 YOHANE 5:5

Isemake anu numangio wawontolino, ba nahi onae anu me'ala-alao, nine Ondaemo i Yesu Ana-Do Ue Ala?

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala: