ROMA 1:23 - Wunta Mempori

²³ Maramba-Do Ue Ala anu nahina tampulaano dome'euakono tinaha kana mia anu ta tampula, manu-manu, kondehora anu mekaru opaa ke kondehora anu melele.

ROMA 1:23 ပူးပေါင်းရင်းမြစ်များ

Po'unde-unde 106:20

Ue Alado anu maramba domentobosiakono lahumoa sapi lakino anu mongkaa ewo.

Yesaya 40:18

Gagi, saru isema komiu mpongkenaako Ira Ue Ala ka hapa anu komiu pokompengkenaako Ira?

Yesaya 40:26

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

Yesaya 44:13

Puu mpo'angga keu padindio koloro posongka ka mogaresi weweuno songka asa tadeno tinaha. Onae umanggaakono pa'o ka gumaresiakono jangka, ka i'amba weweuo tadeno kana asa tama, kana tekosino tadeno mia, ka ta ninaa a laro raha mpelahumoaa.

Yeremia 2:11

horioke asa tongku tumobosio pinesombaino kahinaano luwuno pinesombai atuu komba Ondae Ue Ala? Sine bawaa-Ku, Ue Alado anu maramba domentobosiakono luwuno pinesombai anu nahi mentudu.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

WINEWEUDO TINENA 10:12

I larono hinao mperupa-rupa kondehora mekaru opaa, kondehora melele ka manu-manu.

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

ROMA 1:25

Hangano mentee-Do Ue Ala dome'euakono pegaupi ka mpelangkaio ka mpesombaio anu tuwu sine domengkolupeo Anu Mokogagi ira anu asalakono inunde-unde ranta nahina tampulaano, ami.

1 KORINTI 12:2

Imento'orio, nine i tempono napi imento'ori Ira Ue Ala, nahi konde impompewowolo mempinadii komiu a luwuno lahumoa anu beebe.

Winali 5:8

Si mpoweweu tinaha tiamiu maupo kana hapa anu kongko i langi i wawono, ke anu kongko i tolino i totono, ke anu kongko a laro uwoi i totono tolino.

1 PETURU 4:3

Hangano hadioomo ntu'u tempo pinakemiu meweweuo po'ehedo mia anu nahi domento'ori Ira Ue Ala. Mentuwu komiumo a mperupa-rupa po'eheno koroi, mosisiria, molangua, mpogawe langkai, pelimbua mpo'inu ka pompesombaia lahumoa anu inonto.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,