ROMA 1:20 - Wunta Mempori

²⁰ Hangano hapa anu nahi tengkita inso ndi Ondae, onaemo roso-Do anu nahina tampulaano ka pabawa-Do, pinokompewowolo inso a inangga-Do mompu'u ipinokogagi wawontolino, ranta nahi domempolio mpokomenteeo koroido.

ROMA 1:20 ပူးပေါင်းရင်းမြစ်များ

Tegagia 1:1

Amba-ambano Ondae Ue Ala mokogagio langi ka tolino.

Tegagia 21:33

I Burahima mompaho asa mpu'u keu tamarisika i Bereseba, ka i ra'aimo ipoboio nee-Do i Ue, Ue Ala anu nahina tampulaa-Do.

Ayubi 12:7

Sine pesikenomo a ngkondehora, onae ta moweeakomu pompaguru, a manu-manu i laro meene, onae ta moweeakomu pompokomengkaa.

Po'unde-unde 104:31

Po'ineeomo maramba-Do i Ue kongko mpiha ranta nahina tampulaano, po'ineeomo Domawongko i Ue hangano luwuno wineweu-Do!

Po'unde-unde 104:5

Omiu motakoo tolino a wawo empehino, onaemo ka nahi ta telelu ranta nahina tampulaano.

Po'unde-unde 119:90

Petenunu-Miu nahi penaa-naa mapa'api-api inule; Ipontadeomo tolino ranta ka ipentade moroso.

Po'unde-unde 139:13

Menteeano, Omiumo anu weweuo wua horiku, weweu aku a laro mpe'anakaado ineku.

Po'unde-unde 8:3

Inso a ngangado nana'ote kodei ka nana'ote anu mo'uo Iwanguomo roso a mia anu umewai Komiu, mokompenaa-naao iwali ka anu monaa-naa aroa.

Po'unde-unde 90:2

Se'eluno luwuno torukuno pine'anaako, tolino ka wawontolino pine'anaako, inso i ndi'ipua hawe nahina tampulaano Omiumo Ue Ala.

Yesaya 26:4

Pe'ala-ala Iramo mpiha i Ue, hangano Ondae Ue Ala onaemo torukuno watu anu nahina tampulaano.

Yesaya 40:26

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 5:21

”Rongeomo andio, hei tongku anu monge-monge ka nahina akalano, anu hinao matano, sine nahi pongkita, anu hinao birino, sine nahi poronge!

Yeremia 51:15

Ondaemo i Ue anu mokogagiakono roso-Do tolino, saru ponto'ori-Do tumeahakono wawontolino, ka saru molinono pompewowolo-Do wileo langi.

I MATIU 5:45

Hangano anu kanatuu omiu megagi luwu ana-Do Amamiu anu i suruga, anu mosabao mata oleo tiado mia anu mpoweweu mosa'o ka mia anu mpoweweu moiko ka motiio usa tiado mia anu mentee ka mia anu nahi mentee.

I MARAKUSU 10:6

Hangano a pompu'uano wawontolino, Dopokogagi ira Ue Ala tama ka beine,

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 15:22

Bakana nahi Kuhawe ka nahi Kupepau ndi ondae, asalakono nahi dontehala. Sine kanandio-andio nahina popangkuano halado!

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

WINEWEUDO TINENA 22:1

”Hei pepaekompo ka luwuno ama, imerongeomo, hapa anu aku pauo ndi omiu gagi pe'alaakoku.”

ROMA 1:19

Hangano hapa anu pinokonto'orido mongkona Ondae Ue Ala mengkaa ndi ondae, hangano Dopokomengkaaomo Ue Ala ndi ondae.

ROMA 16:26

sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –

ROMA 2:1

Onaemo pu'uno, hei mia, maupo isema omue, anu mompokonsala mia susua, omuemu isa'a nahi tola inso a mpoweweu anu sala. Hangano, i larono mompokonsala mia susua, upokonsalao koroimu omuemu, hangano omue anu mompokonsala mia susua, weweu ira anu kanatuu pengkenano.

ROMA 2:15

Hangano kanatuu dompokomengkaao, nine ihino songka Taura hinao teburi i laro aroado ka pohaweno aroado metonda mesakosii ka pinewowolodo mambe tuluri ke mambe alaako.

1 KORINTI 1:20

Isua iramoke mia mponto'ori? Isua iramoke guru agama? Isua iramoke mia marampengenge inso i wawontolino andio? Kombake Doweweuomo Ue Ala ponto'orino wawontolino andio gagi monge-mongea?

Winali 33:27

Ondae Ue Ala anu nahi bali onaemo puu pongkaduduimu; i totomu hinao tokia anu nahina tampulaano. Dosaario iwali inso i aromu ka mepau, ’Ropuomo.’

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.

KOLOSE 1:15

Ondaemo gambara-Do Ue Ala anu nahi tengkita, anu amba-ambano, lalua Irapo sekono luwuno anu pinokogagi,

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 11:27

Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.