ROMA 1:16 - Wunta Mempori

¹⁶ Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 1:16 ပူးပေါင်းရင်းမြစ်များ

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 119:46

Aku mepau mongkona luwuno pepopoto'ori-Miu i arodo luwuno mokole, ka nahi aku mokoko'ii.

Yesaya 53:1

Isemake anu me'ala-alao lele anu rinongemami, ka ndi semake ipinokomengkaa pabawano kae-Do i Ue?

Yeremia 23:29

Kombake pau-Ku kana api, kanandiomo pau-Do i Ue ka kana palu-palu anu morawo pongku watu?

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I LUKASI 9:26

Nde ba isema mokoko'ii hangano Ongkue ka hangano pau-Ku, i Ana Manusia mbo'u Ira mokoko'ii hangano mia atuu, ba Dohawe te'ipua a laro maramba-Do ka a laro maramba-Do i Ama ka luwuno mala'eka mempori.

I YOHANE 7:35

To Yahudi atuudo mpepau-pau pada ondaedo, ”I suake Ira lumako, ranta nahi kita mpokohawe Ira? Onaeke tinoo-Do Ira lumako ndi ondae anu mpo'ia a mpelakopia, i olodo to Yunani, ka Dopaguru ira to Yunani?

WINEWEUDO TINENA 3:26

Ka omiumo amba-ambano Dowanguakomiu Tetenaa-Do ka tumena Ira ndi omiu, ka Doronso komiu saru wawa komiu singge mia mepokule inso a luwuno wineweumiu anu mosa'o.”

ROMA 10:17

Gaagi, pompe'ala-ala tepu'u inso a mporongea, ka anu rinonge pau-Do i Kerisituu.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

ROMA 2:9

Marasaia ka ma'isoa ta umaluo sompo mia anu tuwu moweweu anu mosa'o, amba-ambano to Yahudi ka to Yunani mbo'u,

ROMA 4:11

Ka tondonino petindi atuu itarimao gagi petondoni menteea me'empehiako pompe'ala-ala anu pinopokitano se'eluno napi petindi. Kanandiomo ka ipokogagi amado luwuno mia mpompe'ala-ala anu nahi dompetindi, ka menteea pinototoi ndi ondae,

1 KORINTI 15:2

Hangano Lele Mawongkoa atuu ka imengkinadudui, poolo ka impe'ini moroso ndi onae kana anu kupaleleakomiumo – sangkadio tewala nahina tuduno impompe'ala-ala.

1 KORINTI 2:2

Hangano kupakosiomo ka si kuponto'ori hapa-hapa i olomiu sangkadio Ondae i Yesu Kerisituu, onaemo Ondae anu pinaso a ngkeu pinotamba.

1 KORINTI 2:4

Moiko pinauku maupo pompaleleku komba kupohaweakono pau ponto'ori anu ta pine'ala-ala, sine saru pompe'ala-ala a roso-Do Penaa,

1 KORINTI 9:12

Tewala mia susua hinao pohawado pomperorohi anu kanatuu inso ndi omiu, kombake omami hinao pabawa anu lalu langkai? Sine komba kipakeo pabawa atuu. Tendeano kitembio luwuakoano, ka si kipompokohina pontombolei a pompalelea Lele Mawongkoa-Do i Kerisituu.

1 KORINTI 9:18

Tewala kanandio hapake tamboku? Tamboku onaemo andio: nine moiko kupompalele Lele Mawongkoa nahina tambo, ka nine nahi kupompake pabawaku kana pompalele Lele Mawongkoa.

2 KORINTI 2:12

Tempono kuhawe i Toroasi paleleo Lele Mawongkoa-Do i Kerisituu, kuhaweo nine Do'ungkahiomo i Ue sala a mpo'anggaa i ra'ai.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

2 KORINTI 9:13

Ka hangano peteahakomiu a pompekakaakoa atuu, dome'unde-unde Ira Ue Ala hangano pomperorongeakomiu a Lele Mawongkoa-Do i Kerisituu ka hangano pe'aroamiu mpetia luwuakoano saru ondae ka saru luwuno mia,

GALATIA 1:7

anu menteeano komba Lele Mawongkoa. Butu hinao mia anu mopo'oo komiu ka anu tinoodo mewowalitekio Lele Mawongkoa mongkona Ondae i Kerisituu.

1 TESALONIKA 2:13

Ka onaemo pu'uno nahi otu-otu kime'une-unde Ira mbo'u Ue Ala, hangano imentarimaomo pau-Do Ue Ala anu pinalelemami atuu, komba kana paudo mia, sine – ka lano mentee ntu'u kanandio – kana pau-Do Ue Ala, anu mo'angga koa mbo'u i laromiu anu mpompe'ala-ala.

1 TIMOTIU 1:11

anu me'empehiako Lele Mawongkoa inso ndi Ondae Ue Ala anu maramba ka tekona inunde-unde, kana anu pine'ala-alaako ndi ongkue.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 1:16

Po'ineeomo Ondae i Ue ka Dopopokitao pe'aroa-Do a nsomborino i Onesiporu anu mararuomo ipokomawongkoo aroaku. Nahi mokoko'iino tepohaweakune a laro torungku.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.

1 PETURU 4:16

Sine, tewala onae marasai gagi to Kerisituu, ka siimo imokoko'ii, tendeano moikoomo ipelangkai Ira Ue Ala a nee-Do i Kerisituu atuu.