ROMA 1:14 - Wunta Mempori

¹⁴ Ongkue mepasua moiko a nto Yunani, maupo a mia komba to Yunani, moiko a mia tepaguru, maupo a mia nahi tepaguru.

ROMA 1:14 ပူးပေါင်းရင်းမြစ်များ

Powadi 1:22

”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Powadi 8:5

Hei mia anu napi hina pinembasaino, ungkeomo pande, hei mia monge-monge, to'oriomo i laro aroamu.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

I LUKASI 10:21

I tempo koa mbo'u atuu mawongkoomo aroa-Do i Yesu a laro Penaa Mempori ka Dopotae, ”Montarima kasi Aku ndi Omiu, Ama, Ueno langi ka tolino, hangano luwuno atuu Iwuniako ira mia pande mposongka ka mia mempande, sine Ipokomengkaao a mia kodei. Oo Ama, onaemo atuu anu pinemoiko-Miu.

WINEWEUDO TINENA 22:21

Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”

WINEWEUDO TINENA 28:2

Mia mpo'ia a ntogo atuu ntedoa ira mpe'aroaakami. Pompotuwu ira api langkai ka dome'oluakami luwu melako i tu'ai hangano mompu'uomo usa ka tedoa morini.

WINEWEUDO TINENA 28:4

Mansado mengkitao mia atuudo ule atuu mendoe-ndoe a ngkaeno i Paulu, mpepau-pau iramo pada ondaedo, ”Mia andio manasaomo mia mompepate, hangano, maupo tolaomo inso a ntahi, nahi dopo'ineeo Pe'uea Beine Moleo ba ituwu.”

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 1:22

Mpoweweu ira kana mebukeako ira ponto'ori anu mentee, sine megagi iramo memonge-monge.

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 12:16

Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande!

ROMA 13:8

Si mpepasua hapa-hapa maupo ndi semamo koa, sine asalakono ka imambepehohawa. Hangano ba isema mehohawao pe'asa miano, i'ihiiomo songka Taura.

ROMA 16:19

Lele mongkona pomperorongeakomiu domerongeomo luwuno mia. Onaemo pu'uno ka kupo'undeakomiu. Sine po'eheku ka imempande mposongka a hapa anu moiko, ka ime'olaiakono hapa anu mosa'o.

ROMA 8:12

Gaagi, pepaekompo, ontae andio mia mpepasua, sine komba a ntuwu ntolino, ka tomentuwu montonda tuwu ntolino.

1 KORINTI 14:11

Sine tewala nahi kuto'orio pengkonaano pau atuu, gagi aku mia hawe a mia anu mepauako ka onae mia hawe ndi ongkue.

1 KORINTI 14:16

Hangano, tewala omue butu montarimakasiako penaamu, kana'umpeke mia anu mehawe mporonge mpokompotae ”ami” a mpontarimakasimu? Kombake onae nahi to'orio hapa anu pinaumu?

1 KORINTI 2:13

Ka hangano mpompau kami pengkonaano mongkona penaa ndi ondae anu hinao Penaa, mpepauako kami pau anu komba kimempinaguruako ponto'orino mia, mongkona luwuno pompowee-Do Ue Ala.

1 KORINTI 3:18

Ka si hina mia mopo'oo koroino onaeno. Tewala hinao i olomiu anu potaeno onae monto'ori montonda wawontolino andio, po'ineeomo ka igagi benge-benge, ka iponto'ori koa.

2 KORINTI 10:12

Lano nahi kimensapa me'alu doao koroimami ke mpengkenaako ira mia mehano anu me'unde-undeo koroido ondaedo. Ondae mesongkaakono posongkado ondaedo koroido ka mpongkenao koroido saru koroido ondaedo! Tedoa iramo mebenge-benge!

2 KORINTI 11:19

Nde inehemiu mensabara a mia benge-benge, hangano mempande komiu ntu'u mposongka:

KOLOSE 3:11

mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.