ROMA 1:1 - Wunta Mempori

¹ Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 1:1 ပူးပေါင်းရင်းမြစ်များ

1 Tawarika 23:13

Luwuno anano i Amarami, onaemo i Haruni ka i Musa. I Haruni pinakosi saru inuleno hawe nahina tampulaano ka dompopokomempori parewa anu tedoa mempori, ka dompotunu pesomba i aro-Do i Ue, ka dompekakaako Ira ka mompowee ronso a nee-Do hawe nahina tampulaano.

Yesaya 49:1

Ronge akumo, hei luwuno togo, pekokoongakonomo, hei tongku anu me'olai! Dopoboi akumo i Ue mompu'u inso a mpe'anakaa; Dopauomo neeku mompu'u inso a laro kompodo ineku.

Yeremia 1:5

”Se'eluno napi Kupokogagiko a laro mpe'anakaano inemu, Kuto'orikomo, ka se'eluno napi upeluarako inso a mpe'anakaa, Kupokomemporikomo, Kupakosikomo gagi nabido luwuno tongku.”

I MARAKUSU 1:14

Umarino rinako i Yohane hawe Iramo i Yesu i Galilea paleleo Lele Mawongkoa-Do Ue Ala,

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

I YOHANE 15:20

Impewowoloomo hapa anu umari Kupauakomiu: Aasa tetenaa nahi lalua inso a ueno. Tewala domeweweu nsa'o Akumo, ira meweweu nsa'o komiu mbo'u; tewala domentondaomo pau-Ku, ira koa mentondao mbo'u pinaumiu.

WINEWEUDO TINENA 13:9

Sine i Saulu, nineeako mbo'u i Paulu, anu bukeako Penaa Mempori, kumokontoo,

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:40

Mansano umeheakono petewawado sorodadu atuu i Paulu, lumakoomo mentade a ensa ka itandeo kaeno moweeako ira petondoni a mpalili atuu; mansado mperodo-rodo, mompu'uomo mepauako ira a mpau Ibarani, ipotae:

WINEWEUDO TINENA 22:21

Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”

WINEWEUDO TINENA 22:7

Ka tebangku akumo a wita ka kurongeo suara anu mepauakune: Saulu, Saulu, tembio ka ubobarasai Aku?

WINEWEUDO TINENA 26:1

Motae i Ageripa ndi Paulu, ”Omue pinoweeako tempo ka uteakakono koroimu.” Itandeo i Paulu kaeno ka i'amba pompowee peteahako kanandio,

WINEWEUDO TINENA 26:14

Ntebangku kami luwu a wita ka kurongeo aasa suara anu mepauakune a mpau Ibarani: Saulu, Saulu, tembio ka ubobarasai Aku? Motungko komesumpe a ntuko montaso.

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 11:13

Kupauakomiu, hei luwuno tongku komba to Yahudi. Hangano ongkue Tinena a luwuno tongku komba to Yahudi, kutuduo atuu marambano pompekakaakoku,

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

1 KORINTI 1:1

Inso ndi Paulu, anu hangano po'ehe-Do Ue Ala pinoboi gagi tinena-Do i Kerisituu Yesu, ka inso ndi Sositene, pepaekompoto,

1 KORINTI 9:1

Kombake ongkue tinena? Kombake ongkue mia malua? Kombake kukita Iramo i Yesu, Ueto? Kombake omiu wuano inanggaku ndi Ondae i Ue?

2 KORINTI 1:1

Inso ndi Paulu, anu hangano po'ehe-Do Ue Ala gagi tinena-Do i Kerisituu Yesu, ka inso ndi Timotiu pepaekompoto, hawe a bawaa-Do Ue Ala i Korinti saru luwuno mia mempori i asa wawo wita Akaya.

2 KORINTI 11:5

Sine montonda pohaweku maupo tedei nahina makuraku sekonopo luwuno tinena anu nahina pengkenado atuu.

2 KORINTI 11:7

Nde salake poweweuku, tewala me'urumako aku ka imempinelangkai, hangano kupaleleo ndi omiu, Lele Mawongkoa-Do Ue Ala nahi kupo'ema tambo?

2 KORINTI 12:11

Mentee ntu'u gagi akumo benge-benge; sine omiu anu medadai aku. Bakanaano omiu asalakono me'unde-unde aku. Hangano maupo tedei nahina pengkonaaku, sine a luwuakoano nahi kutenangi a luwuno tinena anu lalua ponto'orido atuu.

2 KORINTI 2:12

Tempono kuhawe i Toroasi paleleo Lele Mawongkoa-Do i Kerisituu, kuhaweo nine Do'ungkahiomo i Ue sala a mpo'anggaa i ra'ai.

2 KORINTI 4:5

Hangano komba koroimami anu pinalelemami, sine Ondae i Yesu Kerisituu anu Ue, ka koroimami gagi atamiu hangano po'ehe-Do i Yesu.

GALATIA 1:1

Inso ndi Paulu, asa mia tinena, komba hangano mia, komba mbo'u hangano asa mia, tendeano hangano Ondae i Yesu Kerisituu ka Ondae Ue Ala, Ama, anu wangu Iramo inso i olodo mia mate,

EPESU 1:1

Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 4:11

Ka Ondaemo anu moweeako ira moiko luwuno tinena maupo luwuno nabi, moiko luwuno anu mompalele Lele Mawongkoa maupo luwuno puu pompakambi ka luwuno anu mompaguru,

Winali 10:8

I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

PILIPI 1:1

Inso ndi Paulu ka i Timotiu, Tetenaa-Do i Kerisituu Yesu, a luwuno mia mempori ndi Ondae i Kerisituu Yesu i Pilipi, saru luwuno petewawado bawaa ka diakee.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

KOLOSE 1:1

Inso ndi Paulu, tinena-Do i Kerisituu, hangano po'ehe-Do Ue Ala, ka i Timotiu pepaekompoto,

KOLOSE 1:25

Gagi akumo puu pompekakaako bawaa atuu menunu saru anggaa anu Dope'ala-alaakune Ue Ala ka kupauakomiu luwu pau-Do,

1 TESALONIKA 2:2

Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.

1 TESALONIKA 2:8

Kanatuumo omami, a pompehohawa anu langkai ndi omiu, komba butu inehemami mpontiaakomiu Lele Mawongkoa inso ndi Ondae Ue Ala, sine tuwumami mbo'u, hangano kimpehohawa komiumo.

1 TESALONIKA 2:9

Hangano da impewowoloo, pepaekompo luwu-luwu, peteahakomami ka pe'iseimami. Mpo'angga kami meene wongi, ka si gagi pokonsusano isemamo koa i olomiu, kimempaleleo ndi omiu Lele Mawongkoa inso ndi Ondae Ue Ala.

1 TIMOTIU 1:1

Inso ndi Paulu, tetenaa-Do i Kerisituu Yesu montonda petena-Do Ue Ala, Puu pongkaduduito, ka Ondae i Kerisituu Yesu, pu'uno pomperorohito,

1 TIMOTIU 2:7

Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

2 TIMOTIU 1:11

Tianomo Lele Mawongkoa andio ka kupinakosimo gagi puu pompalele, gagi tetenaa ka gagi guru.

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

IBARANI 5:4

Ka nahina maupo te'asa mia anu umalao pompelangkai atuu tiano koroino onaeno, sine onae atuu Dopoboiakono Ue Ala, kana anu gagiomo ndi Haruni.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

YAKOBU 1:1

Tabea inso ndi Yakobu, tetenaa-Do Ue Ala ka Ondae i Yesu Kerisituu, hawe a hopulu ka orua suku a mpelakopia.

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 22:6

Ka Do'amba motaeakune, ”Luwuno pau andio kona ntu'u ka mentee, ka Ondae i Ue, Ue Ala anu mompowee penaa a luwuno nabi, montena Iramo mala'eka-Do ka dotisoako ira tetenaa-Do hapa anu asalakono ronga gagi.”

MENGKAAA 22:9

Sine ipotaeakune, ”Si poweweu kanandio! Ongkue onaemo ata, mengkena kana omue ka luwuno pepaekompomu, luwuno nabi ka luwudo anu mentondao luwuno pauno wunta andio. Pesombai Iramo Ue Ala!”