Puu Pontutulu 9:3 - Wunta Mempori

³ Ndiomo urasa'o a laro luwuakoano anu gagi i totono mata'oleo: teweweuno luwuno mia mengkena. Aroado anano mia mbo'u bukeako anu mosa'o, ka anu nahi mentudu kongko a laro aroado asa ntinuwu, umarino atuu ondae mpe'aro a mpo'iangado mia mate.

Puu Pontutulu 9:3 ပူးပေါင်းရင်းမြစ်များ

Tegagia 6:5

Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena.

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

Ayubi 15:16

tamoako mbo'u mia anu mokoburu ka mosa'o gauno, anu montele molengkua kana uwoi.

Ayubi 21:26

Sine ondae meronga-ronga tepombole a laro pampawu, ka wingo mpehowu i wawodo.

Ayubi 9:22

Luwuno mengkena koa, onaemo pu'uno ka kupotae: anu mentee ka anu sala, oruano Dopokotampulao.

Po'unde-unde 51:5

Hangano kupokonto'orio polimpa'iku, wela aku masusaakono halaku.

Po'unde-unde 64:7

Ondae mposongka luwuno molengkua, ”Ntetinda kamimo, sinongka sompoomo.” Tedoa ntu'u ondalo laro aroano ka aroano mia!

Powadi 14:32

Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

Puu Pontutulu 1:17

Kupokobobotoliomo aroaku ka kupokonto'orio ponto'ori ka pande, anu nahina tuduno ka benge-bengea. Sine, kupokonto'orio nine mongkona mbo'u andio perokuhi mobuani angi.

Puu Pontutulu 12:7

ka pampawu mekule gagi wita kana se'eluno ka penaa tuwu mekule ndi Ondae Ue Ala anu mewengakono.

Puu Pontutulu 2:14

Matano mia monto'ori kongko a uluno, sekono mia anu benge-benge melempa a laro wongi-wongia, sine kuto'orio koa mbo'u nine teweweu anu mengkena umalu ira luwu.

Puu Pontutulu 7:2

Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono.

Puu Pontutulu 7:25

Kupo'aroo pompekokoongakoku ka kupokonto'orio, paresao, ka mo'ungke ponto'ori ka tepakosiano, saru ka kuto'orio tedoa benge-bengeno gau mosa'o atuu ka tedoa nahina tuduno benge-benge atuu.

Puu Pontutulu 8:11

Hangano pohuku a wineweu mosa'o nahi ronga pinolempa, aroado anano mia buke pontoo ira mpoweweu mosa'o.

Puu Pontutulu 9:11

Ka mbo'u kukitao i totono mata'oleo nine ponangia a mpetandia komba tiano anu magasi, ka peteaa komba tiano anu moroso, ka roti mbo'u komba tiano anu monto'ori, pompoli komba tiano anu pande mompewowolo, ka pompelangkai komba tiano anu pande mo'ungke akala, hangano tempo ka teweweuno dompembasaio luwu.

Puu Pontutulu 9:2

Luwuakoano mengkena a luwuno mia; teweweu atuu mengkena moiko a mia mentee maupo a mia mosa'o gauno, a mia moiko peleluno ka mempori maupo a mia mokoburu, a mia anu mompesombaako pesomba maupo anu nahi pompesombaako pesomba; Kana'umpe mia moiko peleluno, kanatuu koa mbo'u mia tehala; kana'umpe mia mesumpa, kanatuu koa mbo'u mia anu doito mesumpa.

Puu Pontutulu 9:4

Sine, isema anu tewinso i olono mia tuwu hinao pompe'osaia, hangano dahu anu tuwu moikoopo sekonopo singa anu mate.

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 17:9

Aroa atuu hadio akalano lumaloio luwuakoano, ka nahi tepomule; isema anu mokonto'orio?

I LUKASI 15:17

Ka i'amba mokompewowoloo teweweuno, ipotae: Hadio ntu'u mia tinambodo amaku anu mare'eako kaanga, sine ongkue i ndi'ai mate mokoninggo.

I LUKASI 6:11

Ka ntekuda iramo ntu'u, ka do'amba nteriso, ba hapa anu ira meweweuo ndi Ondae i Yesu.

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.

WINEWEUDO TINENA 26:11

A luwuno raha tepumpua mararu kubobarasai ira ka dumadaio ka ihapuo pompe'ala-alano ka a laro ntekuda anu lansara kululu ira, tendeano hawe a ngkota susua.”

WINEWEUDO TINENA 26:24

Kontongaano i Paulu pauo luwuno atuu ta tumutuluo luwuno inanggano, mepauomo meroku i Pesutu, ”Mekombeko Paulu! Tino'orimu anu hadio atuu mokomekombeko.”

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

2 PETURU 2:16

Sine i Bilea mohawe pompopoto'ori montaso a mpoweweuno anu mosa'o, hangano kalide pontekea anu beebe mepau kana mia ka umontoo monge-mongeno nabi atuu.