Puu Pontutulu 9:2 - Wunta Mempori

² Luwuakoano mengkena a luwuno mia; teweweu atuu mengkena moiko a mia mentee maupo a mia mosa'o gauno, a mia moiko peleluno ka mempori maupo a mia mokoburu, a mia anu mompesombaako pesomba maupo anu nahi pompesombaako pesomba; Kana'umpe mia moiko peleluno, kanatuu koa mbo'u mia tehala; kana'umpe mia mesumpa, kanatuu koa mbo'u mia anu doito mesumpa.

Puu Pontutulu 9:2 ပူးပေါင်းရင်းမြစ်များ

Tegagia 24:3

ka kupo'ala sumpamu a nee-Do i Ue, Ue Alano asa wawo langi ka tolino, nine nahi komo'alaakono anaku beineno inso i olono ana beinedo to Kana'a i olono po'iangaku.

Ayubi 9:22

Luwuno mengkena koa, onaemo pu'uno ka kupotae: anu mentee ka anu sala, oruano Dopokotampulao.

Po'unde-unde 73:3

Hangano mosa'o aroaku ndi ondae anu melaba mpau, tewala kukitao manangaido mia mosa'o gaudo.

Puu Pontutulu 2:26

Hangano, a mia anu Dopekonoo Dopoweeakono ponto'ori ka mawongko, sine mia tehala Dotenao ka ipopumpu ka mohowu hapa-hapa anu lembuino asalakono iweeakono mia anu Dopekonoo Ue Ala. Ndio mbo'u nahina tuduno ka perokuhi mobuani angi.

Puu Pontutulu 3:19

Hangano teweweuno mia mengkena saru teweweuno kondehora, teweweu anu mengkena umalu ira; kana'umpe imate anu asa, kanatuu koa mbo'u anu susua. Oruano hinao penaa anu mengkena, ka mia nahi me'uraopo sekono kondehora. Menteeano, luwuno nahina tuduno.

Puu Pontutulu 6:6

Ande-andeno onae tuwu pendua asa nsowu nta'u, ba nahi pompesanaa, kombake poko'ariano luwuakoano te'aro a asa po'ianga?

Puu Pontutulu 7:18

Moikoomo tewala omue uminio anu asa, sine anu susua mbo'u si potolao, hangano mia anu doitoako Ira Ue Ala umolaiakono oruano.

Puu Pontutulu 7:2

Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono.

Puu Pontutulu 9:11

Ka mbo'u kukitao i totono mata'oleo nine ponangia a mpetandia komba tiano anu magasi, ka peteaa komba tiano anu moroso, ka roti mbo'u komba tiano anu monto'ori, pompoli komba tiano anu pande mompewowolo, ka pompelangkai komba tiano anu pande mo'ungke akala, hangano tempo ka teweweuno dompembasaio luwu.

Puu Pontutulu 9:3

Ndiomo urasa'o a laro luwuakoano anu gagi i totono mata'oleo: teweweuno luwuno mia mengkena. Aroado anano mia mbo'u bukeako anu mosa'o, ka anu nahi mentudu kongko a laro aroado asa ntinuwu, umarino atuu ondae mpe'aro a mpo'iangado mia mate.

Yeremia 43:6

tama, beine, nana'ote, luwuno ana beineno mokole ka sompo mia anu ipeweengakonomo i Nebusaradani, petewawa sorodadu mpodagai mokole, ndi Gedalia anano i Ahikami anano i Sapani; saru mbo'u Nabi Yeremia ka i Baruki anano i Neria.

Maleaki 3:15

Kanandio-andio, mpotae kita mia mompelangka-langkai manangai. Mia anu mpoweweu gau mosa'o atuu komba butu me'ura, sine toola koa mbo'u maupo dome'ara-arahako Ira Ue Ala.”

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

1 Samueli 14:26

Mansado palili mehawe a ntobu atuu domengkitao siu hoani nte'i'iti i ra'ai, sine nahina maupo te'asa mia anu tumineo kaeno ka sumile'io, hangano medoito ira a sumpa atuu.