Puu Pontutulu 9:1 - Wunta Mempori

¹ Menteeano, luwuno andio kupekokoongakonomo, luwuno andio kuparesaomo: mia mentee ka mia monto'ori saru luwuno wineweudo kongko a ngkae-Do Ue Ala, moiko pompehohawa ke maupo mbo'u po'o'aliako; mia nahi to'orio maupo hapa anu sumikorio.

Puu Pontutulu 9:1 ပူးပေါင်းရင်းမြစ်များ

Ayubi 12:10

nine a ngkae-Do ipo'ia penaano luwuno anu tuwu ka penaano sompo mia?

Ayubi 27:12

Menteeano, luwumiu imengkitaomo liomiu; tembio ka impepau anu nahina pengkonaano?

Ayubi 5:8

Sine ongkue, manasa aku umungke Ira Ue Ala, ka ndi Ondae Ue Ala aku pohaweo teweweuku.

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 119:109

Tuwuku wela pino'aroako masolaa, sine Songka-Miu nahi kukolupeo.

Po'unde-unde 31:5

Iluarako akumo inso a buani anu dompota'oakune mia, hangano Omiumo pepekaduduiaku.

Po'unde-unde 73:3

Hangano mosa'o aroaku ndi ondae anu melaba mpau, tewala kukitao manangaido mia mosa'o gaudo.

Powadi 16:3

Peweengakonomo wineweumu ndi Ondae i Ue, asalakono gagi luwu sinongkamu.

Puu Pontutulu 1:17

Kupokobobotoliomo aroaku ka kupokonto'orio ponto'ori ka pande, anu nahina tuduno ka benge-bengea. Sine, kupokonto'orio nine mongkona mbo'u andio perokuhi mobuani angi.

Puu Pontutulu 10:14

Mia benge-benge hadio pauno, kahinaano mia nahi to'orio hapa anu ta gagi. Isemake anu ta pauakono hapa anu ta gagi umarino onae?

Puu Pontutulu 7:15

A laro ntumuwuku anu nahina tuduno kukitaomo luwu mongkona andio: hinao mia mompe'ala-ala anu mate a laro pompe'ala-alano, hinao mia mosa'o gauno anu tuwu ranta mota'u a laro wineweuno mosa'o.

Puu Pontutulu 7:25

Kupo'aroo pompekokoongakoku ka kupokonto'orio, paresao, ka mo'ungke ponto'ori ka tepakosiano, saru ka kuto'orio tedoa benge-bengeno gau mosa'o atuu ka tedoa nahina tuduno benge-benge atuu.

Puu Pontutulu 8:14

Hinao asa anu nahina tuduno gagi i wawontolino: hinao mia mentee anu membasaio hapa anu tekona tiano wineweuno mia mosa'o gauno, ka hinao mia mosa'o gauno anu membasaio hapa anu tekona tiano wineweuno mia mentee. Kupotae, ”Ndio mbo'u nahina tuduno!”

Puu Pontutulu 8:16

Tempono kupokobobotoliomo aroaku aku me'ihilaroo ponto'ori ka kumitao poweweu anu wineweuno mia i wawontolino anu nahi dompepusu meene ka wongi,

Puu Pontutulu 8:7

Menteeano, nahina maupo te'asa mia tumo'orio hapa anu ta gagi, isema anu ta motaeakono kana'umpe mongkona atuu ta gagi?

Puu Pontutulu 9:6

Moiko pompehohawa, po'o'aliako, maupo mosirido tehineomo tetadi, ka ranta nahina tampulaano nahina mbo'u tiado a laro luwuakoano anu gagi i totono mata'oleo.

Yesaya 26:12

Oo Ue, Omiu anu mompatindaakami rodoa, hangano luwuakoano anu inanggamami, Omiumo anu weweuakami.

Yeremia 43:6

tama, beine, nana'ote, luwuno ana beineno mokole ka sompo mia anu ipeweengakonomo i Nebusaradani, petewawa sorodadu mpodagai mokole, ndi Gedalia anano i Ahikami anano i Sapani; saru mbo'u Nabi Yeremia ka i Baruki anano i Neria.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 Samueli 2:9

Dokongkomio pelempado mia pinehohawa-Do, sine mia mosa'o gauno ira memate a wongi-wongiano, nde komba hangano roso onaeno, mia gagi pabawa.