Puu Pontutulu 7:9 - Wunta Mempori

⁹ Siimo ronga tekuda i laro aroa, hangano tekuda mo'ia mpiha a laro radano mia benge-benge.

Puu Pontutulu 7:9 ပူးပေါင်းရင်းမြစ်များ

Tegagia 4:8

Motae i Kai ndi Abeli, uaino, ”Aiwa ka tolako a mpada.” Tempono ondae kongko a mpada, borono i Kai sumapoio i Abeli, uaino, ka ipepateo.

2 Samueli 13:22

I Abisalo nahi pauakono i Aminoni mongkona hapamokoa, anu moiko ke anu mosa'o. Sine i Abisalo umo'aliakono i Aminoni, hangano i solangio i Tamari, uaino.

2 Samueli 13:28

Ka i'amba i Abisalo parenta ira miano kanandio, ”Pepenteeomo! Tempono aroano i Aminoni mawongko hangano anggoro, ka aku mepau ndi omiu: Tunduhiomo i Aminoni ka pepateo. Si medoito, kombake ongkue anu parentako? Pokorosoo aroamiu ka imegagimo mosia!”

2 Samueli 13:32

I Yonada anano i Simea, akano i Daudi, mepau, potaeno, ”Si ko'aro-aroa nine luwuno mia mongura, ana ntamado mokole atuu, mempinepate iramo. Butu i Aminoni anu mate, nde mongkona atuu gagiomo pompakosi aroano i Abisalo mompu'u i Aminoni sumolangio i Tamari, uaino.

2 Samueli 19:43

Mesangki ira to Isaraeli a nto Yehuda, ”Omami anu lalu pabawa sekono omiu ndi ondae Mokole Daudi, hangano omami hopulu suku. Tembio ka impe'uru-uru kami? Komba omamike anu amba-ambano me'emao ka dopinokule mokole mami?” Sine pepaudo to Yehuda merokuopo sekono pepaudo to Isaraeli.

Powadi 14:17

Isema ronga tesingka, moweweu nahi mentee, sine mia anu pande mosongka, sabara.

Powadi 14:29

Mia anu sabara langkai ponto'orino, sine isema anu ronga tekuda mokolangkaio benge-bengeno.

Powadi 16:32

Mia anu mauru lumaloio asa sorodadu, mia anu mokompeteao aroano lumaloio mia anu mompoko'ala kota.

Powadi 25:8

si madara pekara-karaakono. Hangano a mpoko'ariano, hapake anu pinokoweweumu, tewala pe'asa miamu mokoko'iiko?

Puu Pontutulu 7:10

Sii potae, ”Tembio tempo i ndi'ipua moikoopo sekono tempo kanandio-andio?” Hangano, komba me'empehiako ponto'ori upesikenoakono mongkona atuu.

Yunu 4:3

Gagi kanandio-andio, oo Ue, po'ineeomo I'alaomo penaaku, hangano laluopo kumate sekonopo kutuwu.”

Yunu 4:8

Tempono saba oleo, a pompakosi-Do Ue Ala mepuuriomo angi sabaano oleo anu mokula ntu'u, ranta wantano oleo mokomahakio uluno i Yunu, ka i'amba tebangkuomo telusa. Ka i'amba mo'ema ka imate, ipotae, ”Laluopo kumate sekonopo kutuwu.”

Yunu 4:9

Pau-Do Ue Ala ndi Yunu, ”Tekonake utekuda hangano keu hulu-hulu atuu?” Sangkino, ”Tekonaomo kutekuda ranta kumate.”

I MARAKUSU 6:19

Onaemo pu'uno i Herodia monaa-naa aroa ndi Yohane ka montoo ta mepateo, sine nahi pokompepateo,

I MARAKUSU 6:24

Nana'ote atuu lumako ka sumikenoo ineno, ”Hapa anu asalakono kupo'ema?” Sumangki ineno, ”Uluno i Yohane Puu Mpobaho!”

YAKOBU 1:19

Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda;