Puu Pontutulu 7:2 - Wunta Mempori

² Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono.

Puu Pontutulu 7:2 ပူးပေါင်းရင်းမြစ်များ

Po'unde-unde 90:12

Ipaguru kamimo dumoao luwuno oleomami, ka kimpohawe aroa anu pande mosongka.

Puu Pontutulu 2:14

Matano mia monto'ori kongko a uluno, sekono mia anu benge-benge melempa a laro wongi-wongia, sine kuto'orio koa mbo'u nine teweweu anu mengkena umalu ira luwu.

Puu Pontutulu 2:16

Hangano, nahina rorambea anu nahi ta bali moiko a mia monto'ori maupo mia benge-benge. A oleo anu ta hawe luwuno tehineomo ikinolupe. Mia monto'ori mate koa mbo'u kana mia benge-benge!

Puu Pontutulu 3:19

Hangano teweweuno mia mengkena saru teweweuno kondehora, teweweu anu mengkena umalu ira; kana'umpe imate anu asa, kanatuu koa mbo'u anu susua. Oruano hinao penaa anu mengkena, ka mia nahi me'uraopo sekono kondehora. Menteeano, luwuno nahina tuduno.

Puu Pontutulu 3:20

Oruano te'aro a asa mpo'ianga. Oruano gagi inso a pampawu ka oruano mekule a pampawu.

Puu Pontutulu 6:6

Ande-andeno onae tuwu pendua asa nsowu nta'u, ba nahi pompesanaa, kombake poko'ariano luwuakoano te'aro a asa po'ianga?

Puu Pontutulu 9:2

Luwuakoano mengkena a luwuno mia; teweweu atuu mengkena moiko a mia mentee maupo a mia mosa'o gauno, a mia moiko peleluno ka mempori maupo a mia mokoburu, a mia anu mompesombaako pesomba maupo anu nahi pompesombaako pesomba; Kana'umpe mia moiko peleluno, kanatuu koa mbo'u mia tehala; kana'umpe mia mesumpa, kanatuu koa mbo'u mia anu doito mesumpa.

Puu Pontutulu 9:3

Ndiomo urasa'o a laro luwuakoano anu gagi i totono mata'oleo: teweweuno luwuno mia mengkena. Aroado anano mia mbo'u bukeako anu mosa'o, ka anu nahi mentudu kongko a laro aroado asa ntinuwu, umarino atuu ondae mpe'aro a mpo'iangado mia mate.

Puu Pontutulu 9:5

Hangano, mia anu tuwu domento'orio nine ira memate, sine mia anu mate nahi ponto'ori hapa-hapa, nahina mbo'u tambodo, maupo rorambeado tampulaomo.

Yesaya 47:7

Horiko mepau, ”Ranta nahina tampulaano aku gagi mpiha mokole beine!” sine nahi upekokoongakono ka nahi upewowoloo pokotampulaano luwuno atuu.

Yeremia 16:8

Si pewinso a rahano mia anu moweweu pelimbua komentoro mongkaa ka mo'inu saru ondae.

Hagai 1:5

Kanandio-andio, kanandiomo pau-Do Ueno luwuakoano: Impekokoongakonomo pelempano tumuwumiu!

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

Podoaa 23:10

Isemake anu hori dumoao awuno i Yako ka isema anu hori momporoko tepumpuno awuno i Isaraeli? Bakanaano aku mate kana mateno mia moleo bakanaano mateaku kana mateado.”

I MATIU 5:4

Me'uraomo mia mompemasusa, hangano ira mentinarero.

Winali 32:29

Tewala mempande ira pompewowolo, manasa ira mento'orio anu kanandio, ka mperioo tampulaado.

Winali 32:46

ipotaeako ira, ”Impekokoongakonomo luwuno pau anu kupopoto'oriakomiu a oleo andio, kai parenta ira luwuno anamiu ka dompetenunu meweweuo luwuno pauno songka Taura andio.

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,