Puu Pontutulu 6:2 - Wunta Mempori

² Mia anu Dopoweeakono Ue Ala pompoli, arataa ka marambaa, ranta nahina makurano hapamo koa anu ineheno, sine mia atuu nahi Dopoweeakono Ue Ala roso ka iperapiakono, tendeano mia susua anu merapiakono! Onaemo andio anu nahina tuduno ka marasaia mapari.

Puu Pontutulu 6:2 ပူးပေါင်းရင်းမြစ်များ

1 Mokole 3:13

Hapa mbo'u anu nahi u'emao Aku weeakomu, moiko pompolia maupo marambaa, ranta asa ntinuwumu nahi ta hina te'asa mia kana omue i olodo luwuno mokole.

1 Tawarika 29:25

Ondae i Ue weweuo i Salomo tedoa langkai a pongkitado luwuno to Isaraeli ka moweeakono marambano poparentaa anu nahi hori hina a luwuno mokole anu moparenta i Isaraeli se'eluno onae.

1 Tawarika 29:28

Onae mate i tempono moputeomo wuuno, melai tiniwuno, tedoa mompoli ka maramba. Ka i'amba i Salomo, anano, gagi mokole umeuo.

2 Tawarika 1:11

Ondae Ue Ala mepau ndi Salomo, ”Hangano onaemo atuu ineheno aroamu ka nahi upo'ema pompoli, arataa, marambaa ke penaano anu umo'aliaakomu ka mbo'u nahi upo'ema tinuwu melai, sine tendeano omue mo'ema pande mompewowolo ka ponto'ori ka upolio gagi puu mpobitira a bawaa-Ku anu hangano ondae Kupotorokomo gagi mokole.

Po'unde-unde 17:14

Ipingko iramo, oo Ue, saru kae-Miu, Ipingko iramo inso i tolino, ka si dompohawe tia i olodo mia anu mentuwu, kompodo po'ineeomo ka ibukeako hapa anu ninaa-Miu, ranta luwuno anado gagi menteende, ka toreano domebintao tiado luwuno nana'ote kodeido.

Po'unde-unde 39:6

Kitao, butu ba opia otuwe koa Itantuio tinuwuku; ka tempo tumuwuku kana mooa i aro-Miu. Oo, mia butu tuwu tempono hinao penaano! Sela

Po'unde-unde 73:7

Hangano mewalo, matado memungku, aroado luluaako pontuluri.

Puu Pontutulu 4:4

Kukitao nine luwuno pene'isei ka luwuno pandeno mo'angga a laro anggaa mompu'u inso a mosisirino asa mia a mia susua. Ndio mbo'u nahina tuduno ka perokuhi mobuani angi.

Puu Pontutulu 4:8

Hinao asa mia tuwu asa-asano, nahina anano tama ke pepaekompo tama. Nahi hori menaa-naa pine'isei mo'angga ka matano mbo'u nahi pesompoo pompolino. Ipotae, ”Tiano isema pine'iseiku ka tumempuo pompesanaa?” Ndio mbo'u nahina tuduno ka marepaa anu mompokomasusa.

Puu Pontutulu 5:13

Pompoli atuu moliu hangano inangga mosa'o, ranta ka ihina anano nahina maupo hapamo koa ndi onae.

Puu Pontutulu 5:16

Tendeano ipingkoo oleo ntumuwuno a laro wongi-wongia, saru hadio pe'o'ole, marasaia, ka tekudaa.

Puu Pontutulu 5:18

Ka sompo mia anu Dopoweeakono Ue Ala pompoli ka arataa saru pinoweeako roso ka ipakeo, tumarimao tiano ka mawongko a laro mpe'iseiano. Atuu mbo'u pompowee-Do Ue Ala.

Puu Pontutulu 5:19

Menteeano nahi mararu irambeo tinuwuno, hangano Dopo'ineeo Ue Ala ka imarepaako sanaano aroano.

Yesaya 55:2

Tembio ka impo'oliako doi anu komba kaanga, ka tambono pe'iseimu anu nahi mompokomowohi? Ronge Akumo asalakono komiu mpongkaa anu moiko ka pongkaa kaanga anu mo'ahi ntu'u.

Ponsabangi 5:2

Tia pusakamami telimba a mia susua, luwuno rahamami a mia mehawe.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Hosea 7:9

Mia hawe kumaano ka ipingko rosono, sine onaeno nahi to'orio; uwano mbo'u hadioomo, sine onaeno nahi pokonto'orio.

Winali 28:33

Asa tongku anu nahi imento'orio ira mengkaano hasilino witamiu ka luwuno hasilino pe'iseiamiu; komiu wela mepinokonsii ka melinolanda.

Winali 28:43

Mia hawe anu kongko i tonga-tongamiu ta tewuatako mantande lumaloi komiu, sine komiu ta ntepotii i totono.

Puu Mpobitara 18:10

Ba mpewinso komiumo, komiu kumita ira palili anu mentuwu manangai, ka wita atuu malua i manggali ka i koana. Asalakono, Ondae Ue Ala Ira meweengakono ia ngkaemiu. I tu'aimo po'ianga anu nahina makurano i wawo ntolino.”