Puu Pontutulu 5:8 - Wunta Mempori

⁸ Asa urano wita a laro nteweweu kanatuu onaemo tewala mokoleno pinelangkai i wita atuu.

Puu Pontutulu 5:8 ပူးပေါင်းရင်းမြစ်များ

2 Tawarika 26:10

Iwangu ira mbo'u menara i pada one ka mongkeke hadio sumuru, hangano hadio pinotuwuno, moiko a Lembono maupo a wita Mantandeano. Onae hinao puu mpelereno ka puu mpodagaino lere anggoro, a luwuno torukuno ka wita anu mewalo, hangano i'ineheno mepinopaho.

Ayubi 24:23

Ondae Ue Ala moweeakono rodoa anu gagi pomperorohiano, ka dumagaio luwuno pesalaano.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 55:9

Aku ronga mo'ungke pelingoaku te'aro a opue ka angi mokora.”

Po'unde-unde 82:1

Penani po'unde-undeno i Asapi. Ondae Ue Ala mentade a nterisoa suruga, i olodo pinesombai Ondae mobitara,

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Powadi 22:16

Mia anu mompokonsii mia molema ka ime'uraakono koroino ke moweeakono pompowee a mia kaea, butu mokorugio mpena koroino.

Powadi 24:12

Tewala omue mepau, ”Mentee ntu'u nahi kimento'orio mongkona atuu!” Ondae anu paresao aroa nde nahi Dopokonto'orioke? Ondae anu dumagaio sumangamu nde nahi Doto'orioke, ka sumuloakono mia montonda wineweuno?

Powadi 8:17

Ongkue mehohawao mia anu mehohawa aku, ka mia anu mokua umungke aku ta humawe aku.

Puu Pontutulu 3:16

Hinao mbo'u anu kinitaku i totono mata'oleo: a mpebitaraa, i tu'ai hinao poweweu mosa'o, ka a mpo'ianga moleoa, i tu'ai hinao poweweu nahi moleo.

Puu Pontutulu 4:1

Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

Puu Pontutulu 5:9

Isema mongkekewoi doi nahi ta mesompoo doi, ka isema mongkekewoi hadio arataa nahi ta mesompoo hinaweno. Ndio mbo'u nahina tuduno.

Puu Pontutulu 7:7

Mentee ntu'u, morontu doi mokobenge-bengeo mia monto'ori, ka doi pompowee nahi pototono monsolangi aroa.

Puu Pontutulu 8:9

Luwuno andio kukitaomo ka kupekokoongakono luwuno poweweu anu wineweu i totono mata'oleo, tempono mia anu asa pabawaio anu susua ranta ka imasola.

Yesaya 10:12

Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai.

Yesaya 3:15

Hapa pabawamiu bobarasai ira bawaa-Ku ka umisao ka imotutu rupado mia tepokonsii?” Kanandiomo pau-Do Ue Alano luwuakoano.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yesaya 5:7

Hangano lere anggoro-Do Ueno luwuakoano onaemo sukudo to Isaraeli, ka to Yehuda onaemo bonde anu inehe-Do; Dosikorio moleoa, sine butu lambaha anu hinao, Dosikorio menteea, sine butu marisua anu hinao.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yehesikieli 18:18

Amano, anu mo'ala komba tiano, hinao rinontuno, ka weweu ira anu nahi moiko i tonga-tongano tongkuno, mentee ntu'u, onae ta mate hangano salano.

Amosi 5:12

Kuto'orio kana'umpe hadio ntu'u wineweumiu anu mosa'o ka kogagi-gagino ntu'u halamiu, hei omiu anu pokonsii ira mia mentee, anu montarima pompowee nahi pototono ka anu mebungkui ira mia mongkokolaro a mpewowa langkai.

Amosi 6:12

Mpelulu irake ngara a wawo pongku watu, ke pompadekoako ira sapike mia i ra'ai? Mentee ntu'u, imebaliomo moleoa gagi rasu ka wuano menteea gagi rasu mopa'i!

Mika 2:9

Luwuno kombia inso i olodo bawaa-Ku imensaari ira inso a raha anu kinekewoido; inso a luwuno nana'ote ime'ala iramo mpiha, marambaa anu Kuweeako iramo.

Sakaria 8:6

Kanandiomo pau-Do Ueno luwuakoano: Tewala i tempo atuu luwuno toreano tongku andio mpotae mongkona atuu tedoa kinohali-haliako, nde Aku koa mbo'u motaeke tedoa kinohali-haliako? Kanandiomo pau-Do Ueno luwuakoano.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I LUKASI 1:32

Ira gagi langkai tuwu-Do ka Ira nineeako Ana-Do Ue Ala Anu Lalu i Wawono. Ka Ondae Ue Ala weeako Ira kadera poparentaano i Daudi, uempu'u-Do,

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I LUKASI 1:76

Ka omue, hei anaku konineeako nabi-Do Ue Ala Anu Lalu i Wawono; hangano komelempa mese'elungi Ira i Ue patindaako Ira pesalaa-Do.

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

1 PETURU 4:12

Luwuno pepaekompo anu pinehohawa, siimo imengkohali-haliakono langano api pobobarasaia anu hawe ndi omiu gagi po'arahako, kana hinao bahapa anu tedoa langkai gagi ndi omiu.

1 YOHANE 3:13

Si mengkohali-hali, pepaekompo luwu-luwu, tewala i'o'aliaakomiu wawontolino.