Puu Pontutulu 4:1 - Wunta Mempori

¹ Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

Puu Pontutulu 4:1 ပူးပေါင်းရင်းမြစ်များ

Ayubi 16:4

Aku koa mokompepau mbo'u kana omiu, ande-andeno omiu a mpo'iangaku; aku mompotuda pau ndi omiu, ka kupobitu-bitu uluakomiu.

Ayubi 35:9

Mia mperaali hangano hadiono pompokonsii, mpebooli mepetulungi hangano pobobarasaido mia anu mempabawa.

Ayubi 6:29

Impepokulemo, siimo ihina gagi poweweu molengku, impepokulemo, manasa ongkue mentee.

Ayubi 9:24

Tolino pineweengakoomo a ngkaedo mia mosa'o gaudo, ka matado puu mpobitarano Dotutuwiomo; tewala komba Ondae, isema mbo'u?

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 142:4

Tempono rosoku molema telusa a laro ngkoroiku, Omiumo anu tumo'orio pesalaaku. A nsala anu asalakono kutondao, dompota'oakune oho.

Po'unde-unde 142:5

Pengkitamo i koana ka kitaomo, nahina maupo te'asa mia anu merio aku; polaiaku tetadiomo, nahina maupo te'asa mia anu merio aku.

Po'unde-unde 42:3

Sumangaku mokorangaako Omiu Ue Ala, Omiu Ue Ala anu tuwu. Te'ipiake moiko ku'aiwa kumitao rupa-Miu Ue Ala?

Po'unde-unde 42:9

Ondae i Ue parentao pompehohawa-Do tempono meene, ka tempono wongi ongkue menaniako penani, aasa pekakai ndi Ondae Ue Ala tuwuaku.

Po'unde-unde 69:20

Omiu tumo'orio tataaku, mokoko'ii ka mokoko'iiaku; luwuno iwaliku kongko i aro-Miu.

Po'unde-unde 69:21

Rosoku ipuduomo pontataa atuu, tedoa aku molema; monsikori aku mia anu metonda mompemasusa, sine nahina, sumikori ira anu mpontarero, sine nahi kupohawe.

Po'unde-unde 80:5

Ueno luwuakoano, opiapo mbo'u tehineno itensila tekuda-Miu maupo dompekakai bawaa-Miu?

Peluarakoa 1:16

”Tewala montulungi komiu beine to Ibarani ba dompe'ana, asalakono i poposoo hapa anano atuu: tewala tama anano, asalakono i pepateo, sine tewala beine, po'ineeomo ka ituwu.”

Peluarakoa 1:22

Ka i'amba i Pirao moluarako parenta a luwuno palilino, ”Impetadiako ira luwuno ana ntama anu pine'anaakodo to Ibarani a ngkoro Nili, sine luwuno ana anu beine impo'inee iramo mentuwu.”

Powadi 19:7

Mia mongkokolaro dome'o'aliaakono luwuno pepaekompono, tamoako mbo'u luwuno sambe'eno me'olaiakono. Ilulu ira, moboi ira sine nahi domekongko mbo'u.

Powadi 28:3

Mia mongkokolaro anu mompokonsii mia molema onaemo kana usa marombo, sine nahi pompowee kaanga.

Powadi 29:2

Tewala mia mentee tetiangi hadio, mpo'unde iramo palili, sine tewala mia mosa'o gauno moparenta, pompau iramo pinemasusado palili.

Puu Pontutulu 3:16

Hinao mbo'u anu kinitaku i totono mata'oleo: a mpebitaraa, i tu'ai hinao poweweu mosa'o, ka a mpo'ianga moleoa, i tu'ai hinao poweweu nahi moleo.

Puu Pontutulu 5:8

Asa urano wita a laro nteweweu kanatuu onaemo tewala mokoleno pinelangkai i wita atuu.

Puu Pontutulu 7:7

Mentee ntu'u, morontu doi mokobenge-bengeo mia monto'ori, ka doi pompowee nahi pototono monsolangi aroa.

Puu Pontutulu 8:9

Luwuno andio kukitaomo ka kupekokoongakono luwuno poweweu anu wineweu i totono mata'oleo, tempono mia anu asa pabawaio anu susua ranta ka imasola.

Yesaya 5:7

Hangano lere anggoro-Do Ueno luwuakoano onaemo sukudo to Isaraeli, ka to Yehuda onaemo bonde anu inehe-Do; Dosikorio moleoa, sine butu lambaha anu hinao, Dosikorio menteea, sine butu marisua anu hinao.

Yesaya 51:23

Sine, Aku meweengakono a ngkaeno anu mokonsiiko anu hieno motae ndi omue, ’Petuundumo, ka kintelalo lumolanda komiu!’ Ka bungkumu upetunduakono merete wita, gagi pesalaano mia anu telalo i wawono.”

Yesaya 59:7

Karudo magasi mpoweweu anu mosa'o, liu ira mpo'uwu reano mia nahina salano. Tinoodo onaemo tinoo anu mosa'o, matea ka tekale-kalea kongko a luwuno pesalaado.

Yeremia 16:7

Nahina mia anu monsiba-sibaakono roti mia anu mo'inombo ka tumareroo hangano matea atuu. Tendeano nahina mia anu ta moweeakono mo'inu inso a mpiala pontareroa hangano mateano ama ke ineno.

Ponsabangi 1:16

Onaemo ka kupengese, mataku mompowaa uwoi; hangano olai pontarero inso ndi ongkue anu mompokomadoo sumangaku; ntededengke iramo anaku, hangano iwaliku tedoa moroso.”

Ponsabangi 1:17

Sioni tumineo kaeno, sine nahina tumareroo; mongkona i Yako, Ondae i Ue tumena ira mia petengi-tengino gagi ewaino. Yerusale gagi mokoburu i olodo.

Ponsabangi 1:2

Ia wongi onae sensedu mengese, uwoi matano tewaa a kombisi; inso a luwuno pinehohawano, nahina maupo te'asa mia anu tumareroo. Luwuno walino nahi dompetenunu, ondae megagi iwalino.

Ponsabangi 1:9

Mokoburuno metako a tompa sawuno; nahi ipewowoloo poko'ariano, tedoa ondalo itedonta, nahina mia tumareroo. ”Oo, Ue, kitaomo tebobarasaiku, hangano iwaliku mompelangka-langkai!”

Amosi 3:10

”Nahi domponto'ori mpoweweu anu mentee,” kanadiomo pau-Do i Ue, ”Ondae mpompokonsii ka pobobarasai i luwuno bentedo.”

Amosi 3:9

Paleleomo a luwuno bente i Asidodi ka a luwuno bente i wita Masiri, pauomo, ”Impepumpumo a ntorukuno Samaria ka mengkitaomo tewukaa langkai i tongano kota atuu ka popokonsiia anu hina i tu'ai.”

Maleaki 2:13

Ndiomo anu ko'orua imeweweuo: Imentutuwiakono uwoi mata meda pontunua pesomba ndi Ondae i Ue, saru mpengese ka mpe'anaiki, hangano nahi Dopewolili mbo'u a mpesomba ka nami Dobehe tumarimao inso a ngkaemiu.

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 26:56

Sine luwuno andio gagi ka i'inihii anu hinao binuri a wuntado nabi.” Ka do'amba ana guru atuudo binta Ira ka dompolai.

Winali 28:33

Asa tongku anu nahi imento'orio ira mengkaano hasilino witamiu ka luwuno hasilino pe'iseiamiu; komiu wela mepinokonsii ka melinolanda.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

Puu Mpobitara 4:3

Mpebooli iramo to Isaraeli ndi Ondae i Ue, hangano hinao osio etu kareta labuno i Sisera ka ipokonsii ira to Isaraeli rua pulu nta'u tehineno.