Puu Pontutulu 3:7 - Wunta Mempori

⁷ hinao tempo moberi ka hinao tempo monseu; hinao tempo komino ka hinao tempo mepau;

Puu Pontutulu 3:7 ပူးပေါင်းရင်းမြစ်များ

Tegagia 37:29

Tempono ipekule i Rube a nsumuru atuu, ikitao i Yusupu nami kongko mbo'u i larono. Ka i'amba berio lembano

Tegagia 37:34

I Yako berio lemba meloeno, ka i'amba mokonao sawu po'inombo a ntongano. Onae mompemasusa i larono ba'opia oleo tehineno hangano anano atuu.

Tegagia 44:18

Ka i'amba i Yehuda rumangkuhio i Yusupu ka ipotae, ”Tabeamiu, ueku, Po'ineeomo atamiu andio mompohawe pau ndi omiu ueku. Siimo itekudaakono atamiu andio, hangano omiu ueku kanamo i Pirao.

Tegagia 44:34

Hangano kana'umpe aku mekule ndi ondae amaku, tewala nana'ote atuu nahi perongaakune? Nahi aku polio kumitao masusano aroado amaku.”

2 Samueli 1:11

Ka i'amba i Daudi uminio sangkano ka ipeberisakono, kanatuu koa mbo'u luwuno mia anu merongaakono.

2 Samueli 3:31

Motae i Daudi ndi Yoabi ka a luwuno sorodadu anu merongaakono, ”Impeberisakonomo sangkamiu ka impokonaomo sawu mpo'inomba ka imposabangimo i arono wata ngkoroino i Abinere.” Ondae mokole Daudi melempa i bungkuno kati wata ngkoroi.

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

2 Mokole 18:36

Sine, palili butu komino ka nahi domesangkio maupo te'asa mpali pau, hangano hinao parentado mokole, anu motae, ”Si mesangkio!”

2 Mokole 5:7

Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

2 Mokole 6:30

Rumongeo pinauno beine atuu, i mokole berio sangkano. Hangano onae melempa a wawo rere watuno kota, domengkitao mia hadio nine onae mompokona sawu po'inombo a ngkoroino.

Esetere 7:4

Hangano omami, tetenaamiu saru tongkuno tetenaamiu, inasaomo ta pinokotampula, pinepate ka pinokoropu. Tewala ande-andeno butu kami me'inasa gagi ata tama ka beine, manasa tetenaamiu ta menoro-noro, sine masukaraa andio nahina pengkenano i olono masolaa anu umalukomiu mokole.”

Ayubi 2:13

Ka do'amba mpentoro saru onae a wita i larono opitu oleo ka opitu wongi. Nahina maupo te'asa mia anu mepau te'asa mpudu pau ndi onae, hangano domengkitao tedoa mobea pompemarasaino.

Po'unde-unde 39:2

Ndiomo pomputusiku, ”Aku dumagaio peleluku, nahi kutehalaako eloku; aku umontoakono sama ngangaku i larono mia mosa'o gauno da kongko i aroku.”

Puu Pontutulu 3:6

hinao tempo mo'ungke ka hinao tempo rugi; hinao tempo monaa ka hinao tempo montadi;

Yesaya 36:21

Sine luwuno mia mperodo-rodo ka nahi domesangkio maupo te'asa mpudu pau, hangano hinao parentano mokole, unino, ”Si mesangkio!”

Yeremia 36:24

Moiko mokole maupo luwuno pegawaino anu rumongeo luwuno pau atuu nahi domedoito ka nahi domeberio sangkado.

Yeremia 8:14

Tembio ka tobutu mpentoro-toro? Mpempumpumo ka aiwamo tomelako a luwuno kota mebente ka memate i ra'ai! Hangano Ondae i Ue, Ue Alato, mo'inee kita memate, moweeakita mpo'inu rasu, hangano mentehala kitamo ndi Ondae i Ue.

Ponsabangi 3:28

Po'ineeomo ka ipentoro asa-asano ka menoro-noro tewala Ondae i Ue monaakono pasanga.

Yoeli 2:13

Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Amosi 5:13

Onaemo pu'uno mia anu moleo pinewowolono ta mo'ia i tempo atuu, hangano tempo atuu tempo anu mosa'o.

Amosi 8:3

Luwuno penani a mpo'ianga mempori ta gagi ponsabangi ia oleo atuu,” kanandiomo pau-Do Ue Ala. ”Hadio wata ngkoroi. Mia mpetadiakono isua-suamo koa. Penoro-noromo!”

Mika 7:5

Si mpe'ala-alao walimu, si pomperorohi a nsambe'e! Dagaiomo wiwimu, tamoako a beine anu mepombole a mpa'amu!

WINEWEUDO TINENA 4:20

Hangano komba kami komino ka nahi kipepau mongkona hapa anu kinitamami ka anu kirongeomo.”

WINEWEUDO TINENA 9:39

Ka mompakaleomo i Peturu ka ipelungka merongaako ira. Mansano hawe i ra'ai, onae winawa a bolongko i wawono ka luwuno tuwu beine me'aiwa mpentade umpeda ndi onae ka kontongaado mpengese domentisoakono luwuno lemba ka sangka, anu wineweuno i Dorokasi tempono da ituwu.

1 Samueli 10:16

Ipotae i Saulu ndi maamano, ”Dopauakami nine kalide atuudo mehinawe iramo.” Sine i Saulu nahi tutuluako ira hapa anu pinaudo i Semueli mongkona potoro mokole.