Puu Pontutulu 3:2 - Wunta Mempori

² Hinao tempono pine'anaako ka hinao tempono mate, hinao tempo mompaho ka hinao tempo mobuta anu pinaho;

Puu Pontutulu 3:2 ပူးပေါင်းရင်းမြစ်များ

Tegagia 17:21

Sine pedandia-Ku, Aku pakosio saru Isaki, anamu anu ta pine'anaakono i Sara ta'u ramai a tempo kanandio.”

Tegagia 47:29

Mansano umpedaomo mateano i Isaraeli, ipoboio i Yusupu, anano, ka ipotaeakono, ”Tewala mohawe aku pompehohawamu, po'ineeomo ka unaao kaemu i totono puu mpa'aku, ka pesumpamo nine omue komopokitao pompehohawa ka petenunumu ndi ongkue: Si kaburu aku i Masiri.

1 Mokole 13:2

Ka i'amba hangano mpetena-Do i Ue onae mebooli a meda pontunua pesomba atuu, ipotae, ”Hei meda pontunua pesomba, hei meda pontunua pesomba! Kanandiomo pau-Do i Ue: Menteeano asa nana'ote ta pine'anaako a inuleno i Daudi, i Yosia neeno. I wawomu onae anu ta sumumbele ira sando mpesomba pongku wita pesombaa anu mpotunu pesomba i wawomu, luwuno mbo'u wukudo mia ta tinunu i wawomu”

2 Mokole 4:16

Motaeomo i Elisa, ”A tempo kanandio mbo'u, ta'u ramai komongkopui asa ana ntama.” Sine sumangki beine atuu, ”Siimo ueku, oo tetenaa-Do Ue Ala, siimo ipegaupi ndi atamiu andio!”

Ayubi 14:14

Tewala mia mate, ipolioke tuwu mbo'u? Aku momperorohi a laro luwuno oleo pompemasusaku, ranta ka ihawe tepotolaaku.

Ayubi 14:5

Tewala luwuno oleono manasaomo, porokono wulano manasaomo ndi Omiu, ka luwuno tidano umariomo Ipakosio, ranta nahi pokolimpaio,

Ayubi 7:1

”Kombake mia asalakono memate-mateako i tolino, ka luwuno oleono kana oleono mia tinambo?

Po'unde-unde 113:9

Dopontoroo beine anu biita a raha gagi inedo nana'ote, buke mawongko. Haleluya!

Po'unde-unde 52:5

Omue kumekewoio anu mosa'o laluaopo sekono anu moiko, ka pegaupi sekonopo pau anu mentee. Sela

Powadi 24:27

Pokomoikoo anggaamu i bungkuno, patindaomo atuu tiamu i lere; umarino atuu ka u'amba montadeo rahamu.

Yesaya 28:24

Sompo oleoke mia mompadeko, mobingku ka mongkambu witano ka iporawo inii?

Yesaya 38:1

I tempo atuu i Hisikia mahaki ka tedeipo imate. Nabi Yesaya anano i Amosi aiwa ka ipotae ndi onae, ”Kanandiomo pau-Do i Ue: pobintamo pe'oliwi a nsomborimu, hangano omue komate, nahi kotompa mbo'u.”

Yesaya 38:5

”Lakomo ka pauakonomo i Hisikia: Kanandiomo pau-Do i Ue, Ue Alano i Daudi, uempu'umu: Kurongeomo pekakaimu ka Kukitaomo uwoi matamu. Menteeano Aku mokomelaio tumuwumu hopulu ka olima nta'u mbo'u.

Yesaya 54:1

Mengkokora-koramo mawongko, hei beine bita anu nahi hori me'ana! Po'undemo saru mengkokora-kora mawongko ka pebolikimo, hei omue anu nahi hori mompembasai mahaki me'ana! Hangano luwuno anano beine anu bininta asa-asano ta laluaopo hadio anano sekonopo nana'ote inso a beine anu hinao tamano, pau-Do i Ue.

Yeremia 1:10

To'oriomo, a oleo andio Kupotoroko a luwuno tongku ka a luwuno poparentaa ka upobuta ka mompobangku, ka upompepate ka mongkale-kale, ka upowangu ka mompaho.”

Yeremia 45:4

Pauakono: kanandiomo pau-Do i Ue: Menteeano, hapa anu winangu-Ku Aku betao, ka hapa anu pinaho-Ku Aku butao, maupo asa wawo wita!

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I MATIU 15:13

Sumangki Ira i Yesu, ”Sompo pinopaho anu nahi Dopahoo Ama-Ku anu i suruga ta binuta saru luwuno hakano.

I LUKASI 1:13

Sine ipotae mala'eka atuu ndi onae, ”Si doito, hei Sakaria, hangano pekakaimu ininduomo ka i Elisabe, beinemu, ta me'anaakomu aasa ana ntama ka asalakono konumeeakono i Yohane.

I LUKASI 1:20

Menteeano kogagi beebe ka nahi komokompepau hawe a oleo, ka igagi luwuno andio, hangano nahi upe'ala-alao pinauku anu ta mengkaa menteeano a tempono.”

I LUKASI 1:36

Ka menteeano, i Elisabe, potehamu atuu, onae mbo'u kontongaano mentiaakono aasa ana ntama i tempono mota'uomo ka ndio ko'onoo wulanomo onae, anu pinau biita atuu.

I YOHANE 16:21

Aasa beine mompemasusa tempono ipe'ana, sine umarino me'anaakono anano, nami pewowoloo mbo'u marasaino, hangano mo'unde nine aasa mia hinaomo i wawontolino.

I YOHANE 7:30

Dome'ungkeakono ka dompokorako Ira, sine nahina maupo te'asa mia anu dumanggi Ira, hangano napi haweako tempo-Do.

WINEWEUDO TINENA 7:17

Sine korangku-rangkuno ihiiano dandi anu Doweeakono Ue Ala i Burahima, koteti-tetiangino hadiodo tongku atuu i wita Masiri,

WINEWEUDO TINENA 7:20

I tempomo atuu ipine'anaako i Musa ka onae montama a pongkita-Do Ue Ala. Otolu wula tehineno ipinekaria a rahano amano.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

Winali 34:5

Ka i'amba i Musa tetenaa-Do i Ue atuu mate I ra'ai, i wita Moabi, menunu saru pau-Do i Ue.

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,

1 Samueli 2:5

Mia anu hieno mowohi, kanandio-andio ipetamboakono koroino hangano kaanga, sine mia anu hieno mokoninggo, kanandio-andio naamo mbo'u. Sekonopo mia bita me'ana opitu, sine mia anu hadio anano, me'i'isei aroano.