Puu Pontutulu 2:3 - Wunta Mempori

³ Kupepenteeakono pinewowoloku kana'umpe mokorosoakono anggoro koroiku, kontongaano pinewowolo molinoku kongkono metewawaako ponto'ori, ka kana'umpe mbioano benge-bengea, ranta ka kuto'orio hapa anu moiko tiado anano mia ka domeweweuo i totono langi asa ntinuwudo.

Puu Pontutulu 2:3 ပူးပေါင်းရင်းမြစ်များ

Tegagia 47:9

Sumangki i Yako ndi Pirao, ”Tempo pelakopiaku gagi mia mehawe onaemo asa etu ka tolu pulu nta'u. Tempoku tuwu atuu sarai ka bukeako masusaa, napi haweo tinuwudo uempu'uku tempono dompelakopi gagi mia mehawe.”

Ayubi 14:14

Tewala mia mate, ipolioke tuwu mbo'u? Aku momperorohi a laro luwuno oleo pompemasusaku, ranta ka ihawe tepotolaaku.

Po'unde-unde 104:15

anggoro anu mokonsanaao aroano mia, lana anu mokomewantao rupa, ka mperupa-rupa kaanga anu mokomadooo aroano mia.

Powadi 20:1

Anggoro atuu pasinggiri, inua mokora atuu mompokogagi pohohoi, nahi komba pande mosongka mia anu kobangku-bangku hangano onae.

Puu Pontutulu 1:17

Kupokobobotoliomo aroaku ka kupokonto'orio ponto'ori ka pande, anu nahina tuduno ka benge-bengea. Sine, kupokonto'orio nine mongkona mbo'u andio perokuhi mobuani angi.

Puu Pontutulu 10:19

Maroa pengingisido mia mpopatinda kaanga; anggoro mokomawongkoo tumuwu ka doi mokohinao luwuno atuu.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Puu Pontutulu 2:24

Nahina anu lalu moiko a mia sekonopo mongkaa mo'inu ka mesana-sanaa a laro mpine'iseino. Kupokonto'orio nine andio mbo'u inso a ngkae-Do Ue Ala.

Puu Pontutulu 5:18

Ka sompo mia anu Dopoweeakono Ue Ala pompoli ka arataa saru pinoweeako roso ka ipakeo, tumarimao tiano ka mawongko a laro mpe'iseiano. Atuu mbo'u pompowee-Do Ue Ala.

Puu Pontutulu 6:12

Hangano, isemake anu tumo'orio hapa anu moiko a mia a laro ntinuwuno anu sarai, anu linalono kana eo-eo? Isemake anu polio pauakono mia hapa anu ta gagi i totono mata'oleo umarino onae?

Puu Pontutulu 7:18

Moikoomo tewala omue uminio anu asa, sine anu susua mbo'u si potolao, hangano mia anu doitoako Ira Ue Ala umolaiakono oruano.

Puu Pontutulu 7:25

Kupo'aroo pompekokoongakoku ka kupokonto'orio, paresao, ka mo'ungke ponto'ori ka tepakosiano, saru ka kuto'orio tedoa benge-bengeno gau mosa'o atuu ka tedoa nahina tuduno benge-benge atuu.

Puu Pontutulu 8:15

Onaemo pu'uno, ku'unde-undeo mawongkoa, hangano nahina anu pinemoikono mia i totono mata'oleo, sangkadio mongkaa mo'inu ka memawongko ntu'u. Onaemo atuu anu kumongkomio a laro mpine'iseino asa ntinuwuno anu Doweeakono Ue Ala i totono mata'oleo.

I MATIU 6:24

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

Puu Mpobitara 9:13

Sine sangkino keu anggoro atuu ndi ondae: Nde kana'umpe ke ka aku menaa-naa moluarako uwoi wua anggoroku, anu inehe-Do Ue Ala ka mia, ka butu mekawe-kawe iwawono keu?

1 Samueli 25:36

Mansano hawe i Abigai ndi Naba, onae kontongaano morame-rame langkai i rahado kana porame-ramedo mokole. Mawongko ntu'u aroano i Naba ka tedoa molangu. Onaemo pu'uno ranta ka isaba oleo, beine atuu nahi pompauakono hapa-hapa ndi Naba.