Puu Pontutulu 2:10 - Wunta Mempori

¹⁰ Nahi ku'onsoio mataku inso a hapamo koa anu ineheno, ka nahi ku'ontoo aroaku inso a mawongkoa hapamo koa, hangano aroaku mawongkoakono luwuno pine'iseiku. Onaemo wuano luwuno pine'iseiku.

Puu Pontutulu 2:10 ပူးပေါင်းရင်းမြစ်များ

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

Tegagia 6:2

luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo.

Ayubi 31:1

”Moweweu akumo dandi a mataku, kana'umpe ka aku mompekokoongako ana beine?

Po'unde-unde 119:37

Ilimbaomo pengkitaku inso a hapa anu nahina tuduno, Iweweu akumo tuwu a mpo'ehe-Miu!

Po'unde-unde 128:2

Omue kokumaano hasilino pe'iseino kaemu, me'urakomo hangano moiko teweweumu!

Powadi 23:5

Tewala upepenteeo, onae moliu, hangano onae mansa mepani, ka i'amba menee i laro meene kana rajawali.

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Puu Pontutulu 2:1

Mepau aku a laro aroa, ”Hio, Aku mo'arahako mo'unde! Membasaio sanaa! Sine kitao, atuu mbo'u nahina tuduno,”

Puu Pontutulu 2:22

Hapa anu mentudu hinaweno mia inso a luwuno pine'isei ka po'eheno aroa anu wineweuno i totono mata'oleo?

Puu Pontutulu 2:24

Nahina anu lalu moiko a mia sekonopo mongkaa mo'inu ka mesana-sanaa a laro mpine'iseino. Kupokonto'orio nine andio mbo'u inso a ngkae-Do Ue Ala.

Puu Pontutulu 3:22

Kukitao nine nahina anu lalu pinemoikono mia sekonopo mawongko a laro inanggano, hangano onaemo tiano. Menteeano, isema anu ta mopokitaakono hapa anu gagi umarino onae?

Puu Pontutulu 5:10

Tekense hadio arataa, tekense hadio mbo'u mia anu mokopingkoo. Ka i'amba hapake urano anu me'ueo sangkadio kumitao?

Puu Pontutulu 5:17

Kitaomo, anu kupemoikoo ka koona ntu'u a mia onaemo mongkaa mo'inu ka mesana-sanaa a laro luwuno rinokuhi anu wineweu pine'isei i totono mata'oleo asa ntinuwu, anu Doweeakono Ue Ala, hangano onaemo tiano.

Puu Pontutulu 5:18

Ka sompo mia anu Dopoweeakono Ue Ala pompoli ka arataa saru pinoweeako roso ka ipakeo, tumarimao tiano ka mawongko a laro mpe'iseiano. Atuu mbo'u pompowee-Do Ue Ala.

Puu Pontutulu 6:2

Mia anu Dopoweeakono Ue Ala pompoli, arataa ka marambaa, ranta nahina makurano hapamo koa anu ineheno, sine mia atuu nahi Dopoweeakono Ue Ala roso ka iperapiakono, tendeano mia susua anu merapiakono! Onaemo andio anu nahina tuduno ka marasaia mapari.

Puu Pontutulu 6:9

Moikoopo butu kumitao sekono tumondao po'eheno koroi. Ndio mbo'u nahina tuduno ka merokuhi mobuani angi.

Puu Pontutulu 8:15

Onaemo pu'uno, ku'unde-undeo mawongkoa, hangano nahina anu pinemoikono mia i totono mata'oleo, sangkadio mongkaa mo'inu ka memawongko ntu'u. Onaemo atuu anu kumongkomio a laro mpine'iseino asa ntinuwuno anu Doweeakono Ue Ala i totono mata'oleo.

Puu Pontutulu 9:6

Moiko pompehohawa, po'o'aliako, maupo mosirido tehineomo tetadi, ka ranta nahina tampulaano nahina mbo'u tiado a laro luwuakoano anu gagi i totono mata'oleo.

Puu Pontutulu 9:9

Pesanaaomo tuwu saru kombiamu anu pinehohawamu asa ntinuwumu anu nahina tuduno, anu Doweeakomu i Ue i totono mata'oleo asa ntinuwumu anu nahina tuduno. Hangano onaemo tiamu a laro ntumuwu ka a wineweu anu pine'iseiakomu i totono mata'oleo.

1 YOHANE 2:16

Hangano luwuno anu kongko i wawontolino, onaemo minosisiriakono koroi ka minosisiriakono mata saru tuwu mompelangka-langkai, komba mepu'u inso ndi Ondae i Ama, tendeano inso i wawontolino.

Puu Mpobitara 14:2

Mekuleomo ka ipauako ira amano ka ineno, ”I Timena kukitao asa beine to Pilisiti. Kanandio-andio, ilakomo umalao gagi beineku.”