Puu Pontutulu 2:1 - Wunta Mempori

¹ Mepau aku a laro aroa, ”Hio, Aku mo'arahako mo'unde! Membasaio sanaa! Sine kitao, atuu mbo'u nahina tuduno,”

Puu Pontutulu 2:1 ပူးပေါင်းရင်းမြစ်များ

Tegagia 11:7

Laluopo Topetii ka Toposisinggeo paudo i ra'ai, ranta nahi dontepoto'ori mbo'u paudo.”

2 Mokole 5:5

Sumangki mokoledo to Arami, ”Moiko, lakomo ka aku mo'oliwi wunta ndi mokoledo to Isaraeli.” I Na'ama lumako saru mowawa hopulu talenta salaka ka nomo nsowu sikala wulaa ka hopulu mpole sangka pe'eu.

Po'unde-unde 10:6

Onae mepau i laro aroano, ”Nahi aku telelu. Nahi ta umalu aku masolaa mapa'api-api inule.”

Po'unde-unde 14:1

Tiano petewawado anu mpenani. Inso ndi Daudi. Mia monge-monge motae i laro aroano, ”Nahina Ue Ala.” Mosa'o ka mokoburu poweweudo, nahina moweweu moiko.

Po'unde-unde 27:8

Mongkona Omiu ipotae aroaku, ”Ungkeomo rupa-Ku” ka rupa-Miu ku'ungkeo, oo Ue.

Powadi 14:13

Maupo a laro mpengingisi aroa polio me'i'isei, ka po'undea polio metompaako a laro masusaa.

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Puu Pontutulu 2:10

Nahi ku'onsoio mataku inso a hapamo koa anu ineheno, ka nahi ku'ontoo aroaku inso a mawongkoa hapamo koa, hangano aroaku mawongkoakono luwuno pine'iseiku. Onaemo wuano luwuno pine'iseiku.

Puu Pontutulu 2:15

Motae aku mbo'u i laro aroa, ”Teweweuno mia benge-benge ta koa mbo'u umalu aku. Hapa tuduno ongkue i ndi'ipua tedoa monto'ori?” Ka ku'amba mepau i laro aroa nine andio mbo'u nahina tuduno.

Puu Pontutulu 2:25

Hangano isema mokompongkaa ka menamio mo'ahino sangkadio ndi Ondae?

Puu Pontutulu 7:4

Aroano mia monto'ori kongko a raha matea, sine aroano mia benge-benge kongko a raha mawongkoa.

Puu Pontutulu 8:15

Onaemo pu'uno, ku'unde-undeo mawongkoa, hangano nahina anu pinemoikono mia i totono mata'oleo, sangkadio mongkaa mo'inu ka memawongko ntu'u. Onaemo atuu anu kumongkomio a laro mpine'iseino asa ntinuwuno anu Doweeakono Ue Ala i totono mata'oleo.

Yesaya 5:5

Gagi kanandio-andio, aku pauakomiu hapa anu aku weweuo a lere anggoro-Ku atuu: Aku tumuehio wala ruino, ranta lere atuu ipingko kinaa, aku mobangkuo rere watuno, ranta ka ilinolanda lere atuu;

Yesaya 50:11

Menteeano, omiu luwu anu mpopokomelanga api ka mpeparewaako pana-pana api, impewinsomo a laro langano apimiu, ka a ntongano pana-pana api anu imempasaomo! Kae-Kumo anu ta mokogagio mongkona atuu ndi omiu; komiu mpepombole a mpo'ianga tebobarasaia.

Yesaya 50:5

Biriku Do'ungkahiomo Ue Ala, ka nahi ku'umewa, nahi kupewolili mbo'u i bungkuno.

I LUKASI 12:19

Umarino atuu aku motaeakono sumangaku: Sumangaku, ndi omue hadio parewa, tehowu tiano mapata'u-ta'u tehineno; penaa-naamo, pongkaamo, po'inumo ka pesana-sanaamo!

I LUKASI 16:19

”Hinao asa mia kaea anu wela mesangkaako lemba meloe wungo ka sawu alusu, ka sompo oleo onae mo'unde a laro mare'ea.

I LUKASI 16:23

Mia kaea mbo'u atuu mate, ka i'amba kinaburu. Ka kontongaano mompemarasai a mpo'iangado mia mate ka ipentombu, inso olai ikitao i Burahima, ka i Lasaru mentoro i'awio.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

YAKOBU 4:13

Gaagi kanandio andio, hei omiu anu mpotae, ”Oleo andio ke tisomo kami mpelungka melako i kota anu, ka i ra'ai kami mpo'ia asa nta'u ka mpebalu-balu saru mpohawe ura,”

YAKOBU 5:1

Gaagi kanandio-andio hei omiu mia mengkaea, impengesemo ka mensabangiomo marasaia anu ta umalukomiu!

YAKOBU 5:5

Mentuwu komiumo a laro mare'ea ka mpompemana-manangai i tolino, impotendeomo aroamiu mengkena kana a oleo ponsumbelea.