Puu Pontutulu 11:9 - Wunta Mempori

⁹ Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Puu Pontutulu 11:9 ပူးပေါင်းရင်းမြစ်များ

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

Tegagia 6:2

luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo.

1 Mokole 18:12

Bara'ura ta gagi, tempono kulako inso ndi omiu, Penaa-Do i Ue tumande komiu a mpo'ianga anu nahi kuto'orio. Tewala hawe aku pauakono i Ahabi ka nahi hawe komiu, manasaomo ta mepate aku, kahinaano atamiu andio mompu'u da kodei dumoitoako Ira i Ue.

1 Mokole 18:27

I tempono ntonga oleo i Elia mompu'u umani-ani ira, ipotae: ”Poboiomo temeroku, kombake onae Ue Ala? Bara'ura tekonai mompewowolo, bara'ura hinao orusuano, ke tekonai melakopi. Bara'ura kontongaano moturi, ka asalakono kai winangu.”

1 Mokole 22:15

Sa haweno ndi ondae mokole, mesikenoomo mokole ndi onae, ”Mika, moiko koa ke kami melako mpetea umewaio Ramoti-Gilea, ke siimo?” Sangkino ndi onae, ”Lakomo ka komiu monangi. Ondae i Ue meweengakono a ngkaemiu mokole.”

Ayubi 31:7

Tewala pelempaku pansia inso a mpesalaaku, ka aroaku tumondao pongkitano mataku, saru mokoburu anu metako a ngkaeku,

Po'unde-unde 81:12

Sine bawaa-Ku nahi domerongeo pepau-Ku, ka i Isaraeli nahi behe ndi Ongkue.

Puu Pontutulu 12:1

Pewowolo Iramo Anu mokogagiko i tempono umongura, se'eluno napi hawe oleo anu urasa'o ka me'umpedaako ta'u anu pinaumu, ”Nahina pompesanaaku i larono”;

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Puu Pontutulu 2:10

Nahi ku'onsoio mataku inso a hapamo koa anu ineheno, ka nahi ku'ontoo aroaku inso a mawongkoa hapamo koa, hangano aroaku mawongkoakono luwuno pine'iseiku. Onaemo wuano luwuno pine'iseiku.

Puu Pontutulu 3:12

Kuto'orio nine nahina anu lalu dompemoikoo sekonopo memawongko ka mpembasaio sanaa a laro ntumuwudo.

Puu Pontutulu 3:17

Kupotae i laro aroa, ”Ondae Ue Ala Ira mobitara, moiko mia mentee maupo mia moweweu mosa'o, hangano tiano luwuakoano ka luwuno anggaa hinao tempono.”

Puu Pontutulu 6:9

Moikoopo butu kumitao sekono tumondao po'eheno koroi. Ndio mbo'u nahina tuduno ka merokuhi mobuani angi.

Puu Pontutulu 7:14

A oleo me'ura mawongkomo, sine a oleo urasa'o pewowoloomo nine maupo oleo urasa'o andio Dopokogagio Ue Ala kana koa mbo'u oleo me'ura, ka mia si pohawe maupo hapa mongkona oleo ramaino.

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 7:24

Sine nahi domebehe mperorongeakono ke menta'oo birido, tendeano mentondao luwuno tinoo ka moteano aroado anu mosa'o, ka ondae mpopokitao bungkudo ka komba arodo.

Ponsabangi 3:27

Moikoomo asa mia tama tumembio pasanga tempono imongura.

Podoaa 15:30

Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

Podoaa 22:32

Mepeu Iramo Mala'eka-Do i Ue ndi onae, ”Tembio kausepio kalidemu hawe pentolu? Kitao, Ongkue meluarako gagi ewaimu, hangano a pongkita-Ku sala andio te'aro a masolaa.

I MATIU 5:28

Sine Kupauakomiu: Sompo mia anu mokokonto beine ka imosisiriakono, monsosaboomo saru onae i laro aroano.

I LUKASI 12:19

Umarino atuu aku motaeakono sumangaku: Sumangaku, ndi omue hadio parewa, tehowu tiano mapata'u-ta'u tehineno; penaa-naamo, pongkaamo, po'inumo ka pesana-sanaamo!

WINEWEUDO TINENA 14:16

A tempo anu telaloomo Ondae Ue Ala mo'inee ira luwuno tongku mpotonda salado ondaedo,

WINEWEUDO TINENA 24:25

Sine mansano mepau i Paulu mongkona menteea, meteao po'eheno koroi ka pobitaraa anu ta hawe, i Pelikisi gagi doito ka ipotae, ”Sompoomo ari ka kanandio-andio lakomo; tewala hinao tempo moiko, ka ku'amba metena moboiko.”

ROMA 14:10

Sine omue, tembio ka ubitarao pepaekompomu? Ke tembio ka upokongkodeio pepaekompomu? Hangano luwuto asalakono mewinawa i arono kadera pobitaraa-Do Ue Ala.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

Winali 29:19

Sine tewala asa mia i tempono rumongeo pau sumpa andio, irekeo koroino kongko rinonso, ka ipotae: ”Aku koa tekadudui, maupo kupe'ulu watu.” Ranta kai tampula, moiko wita anu me'uwoi maupo anu motu'i.

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,

Yosua 7:21

Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.