Puu Pontutulu 11:1 - Wunta Mempori

¹ Petadiakonomo rotimu a uwoi, asalakono kowali humaweo tehine umarino atuu.

Puu Pontutulu 11:1 ပူးပေါင်းရင်းမြစ်များ

2 Samueli 17:29

siu hoani, susu baaku, bembe, bimba, ka susu sapi anu pinokobaaku tiano i Daudi ka luwuno mia anu merongaakono, gagi kaangado, hangano dompotae, ”Mia andiodo manasa memokoninggo, memokendo ka memokoranga iramo i pada one.”

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Powadi 22:9

Mia anu moiko aroano ta rinonso, hangano onae tumiao hinaweno saru mia mongkokolaro.

Puu Pontutulu 11:6

Tempono mo'oru rawoomo iniimu, ka ngkiniwia si po'ineeo kaemu menaa-naa, hangano nahi uto'orio onaeke andio ke atuu anu ta mewua, ke oruano pada moiko.

Puu Pontutulu 3:6

hinao tempo mo'ungke ka hinao tempo rugi; hinao tempo monaa ka hinao tempo montadi;

Yesaya 32:20

Me'ura komiumo anu moiko imporawo umpeda a waaano uwoi, anu mokompopotola sapi ka kalide mpelempa mpongkaa ewo!

Yesaya 32:8

Sine mia me'aroa moiko montoo anu moiko, onae wela sumu'uo luwu anu moiko.

Imama 19:25

A nta'u ko'olima ka i'amba moiko impokaa wuano, kai mentiniangiako hasilino. Ongkuemo Ue, Ue Alamiu.

I MATIU 10:13

Tewala tekona domentarimao, petabemiu atuu metii i wawodo, tewala naahi, petabemiu atuu mekule ndi omiu.

I MATIU 10:42

Ka ba isema mompowee uwoi morini maupo te'asa sangkirimo koa a mia anu kodei andio, hangano onae ana guru-Ku, Kupauakomiu: Menteeano nahi ta tetadi tambono inso ndi onae.”

I MATIU 25:17

Ata mbo'u anu montarima orua talenta atuu moweweu mbo'u kanatuu ka mohawe tetiangino orua talenta.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I LUKASI 14:14

Ka kome'ura, hangano nahina hapa-hapa ira mensuloakomu. Hangano komohawe sulono a oleo pewanguado mia mentee.”

2 KORINTI 9:6

Impe'ihilaroomo andio: Mia anu morawo tedei, ta sumowi tedei koa mbo'u, ka mia anu morawo hadio, ta sumowi hadio koa mbo'u.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.