Puu Pontutulu 10:8 - Wunta Mempori

⁸ Ba isema mongkeke bolo ta tedonta i larono, ka ba isema morumpa rere watu ta tumungkuo ule.

Puu Pontutulu 10:8 ပူးပေါင်းရင်းမြစ်များ

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Samueli 18:15

Ka i'amba hopulu ata anu mpowawa sangka peteano i Yoabi, melimbuo i Abisalo ka domentunduhio ranta mate.

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Po'unde-unde 57:6

Po'ineeomo Ipinokomantande wawoio langi, oo Ue Ala! Po'ineeomo maramba-Miu wawoio asa wawontolino!

Powadi 11:6

Mia nahi pegaupi ipotolao menteeno, sine anu mompau nahi mentee kona rako hangano po'eheno aroano.

Powadi 26:27

Isema mongkeke aa ta tedonta i larono, ka isema molundi watu, watu atuu ta mewolili dumunsio.

Puu Pontutulu 10:9

Ba isema mompeha watu ta mobelaako watu; ba isema mobansi keu ta mobelaako keu.

Amosi 5:19

Kana asa mia molai inso a nsinga, asa berua tumowokio, sahaweno i raha metumboakono kaeno a rere, asa ule tumungkuo!

Amosi 9:3

Maupo dompewuni i punsuno torukuno Karameli, Aku mepo'ungke ka Aku umala ira inso i ra'ai; maupo dompewuni a empehino tahi inso a mata-Ku, Aku parentao ule ka itungku ira i ra'ai.

Puu Mpobitara 9:5

Lumakoomo ia rahano amano i Opara, ka ipepate ira pitu pulu pepaekompono, luwuno anano i Yeruba'ala, i wawono asa watu. Sine i Yota, tompasusuno i Yeruba'ala kongko tuwu, hangano mewuni.