Puu Mpobitara 9:54 - Wunta Mempori

⁵⁴ Mompari-pari moboio tetenaano anu mo'ini sangka peteano ka ipotae, ”Butao ponaimu ka upepate aku, kasihina paudo mia mongkona ongkue, ’Aasa beine mepateo’.” Ka i'amba tetenaano tumoboo ranta ka imate.

Puu Mpobitara 9:54 ပူးပေါင်းရင်းမြစ်များ

2 Samueli 1:10

Kurangkuhi ira ka kupepate ira, nde kuto'orio, nami ira tuwu mansado tebangku. Ku'alao ramba-ramba uludo ka mala-mala a ngkaedo, ka kuwawao ndi omiu ueku.”

2 Samueli 1:7

Mansano mewolili i bungkuno, ikita aku ka ipoboi aku. Motae aku, ’O, ueku.’

2 Samueli 1:9

Motae iramo ndi ongkue, ’Aiwamo ramai ka upepate aku, nde tedoa akumo mompemarasai, mokoa penaaku anu kongko.’

2 Samueli 23:37

i Seleki, to Amoni; i Naharai, to Beeroti; puu mpowawa parewa peteano i Yoabi anano i Seruya;

1 Tawarika 10:4

Motae i Saulu a puu mpowawano parewa mpetea, ”Butaomo ponaimu ka tobo akumo, kasi mansa mia anu nahi dompetindi andio mpemae-maeakune.” Sine puu mpowawano parewa mpetea nahi behe, hangano onae tedoa doito. Ka i'amba i Saulu umalao ponai atuu ka ipebangkuako i wawono.

1 Tawarika 10:5

Kumitao i Saulu mateomo, puu mpowawa parewa mpeteano mbo'u mebangkuako i wawono ponai ka imate.

1 Tawarika 11:39

i Seleki, to Amoni; i Naharai, to Beeroti, puu mpowawa parewa peteano i Yoabi, anano i Seruya;

Puu Mpobitara 4:9

Motae i Debora, ”Moiko, aku metonda! Butumokoa, nahi komohawe pompelangkai ia pelempaamu andio, nde Ondae i Ue ta mewengakono i Sisera ia ngkaeno asa beine.” Mentadeomo i Debora merongaakono i Bara lumako i Kedesi.

Puu Mpobitara 9:55

Mansado mengkitao to Isaraeli motae mateomo i Abimele, melako iramo pada mpekule a mpo'iangaado.

1 Samueli 14:12

Mpebooli iramo sorodadu mpodagai atuu ndi Yonata ka atano anu mowawa sangka mpeteano, ”Iporakemo ramai! Kami mpoweeakomiu patudu.” Ipotaeakono i Yonata anu mowawa sangka peteano, ”Tonda aku, Dopeweengako iramo i Ue a ngkaedo to Isaraeli.”

1 Samueli 14:13

I Yonata saru anu mowawa sangka mpeteano umo'ambau mewuatako i wawono. Luwuno mia atuudo ntebobangku i arono i Yonata ka anu mowawa sangka mpeteano rumopu ira inso ibungkuno.

1 Samueli 14:14

Tenangia anu amba-ambano anu wineweuno i Yonata saru anu mowawa sangka mpeteano, mompepate bara'ura rua pulu mia a wita anu molueno entonga lere pompadekoa.

1 Samueli 14:17

Ipotaeako ira i Saulu palili anu mentondao, ”Imemparesao ka imengkitao isema anu nami kongko ndi ontae.” Domemparesao baresido, i Yonata ka anu mowawa sangka mpeteano nami dokongko.

1 Samueli 14:7

Motae anu mowawa sangka mpeteano ndi onae, ”Weweuomo tinoono aroamu. Po'asao aroamu, aku tumondao.”

1 Samueli 16:21

Kanandiomo i Daudi hawe ndi Saulu ka igagi puu pompekakaakono. Onae tedoa ipehohawao i Saulu, ka onae gagi puu mpowawa sangka mpeteano.

1 Samueli 31:6

Kanandiomo teweweuno i Saulu, otolu ira anano, ka mia anu mowawaakono sangka mpeteano, saru luwuno miano memate ira luwu oleo atuu.