Puu Mpobitara 9:15 - Wunta Mempori

¹⁵ Sangkino ewo rui a luwuno keu atuu: Ba lano inehemiu ntu'u mempotoro aku gagi mokolemiu, ime'aiwa mpo'ia i totoku. Sine ba naahi, po'ineeomo api ka ipeluarako te'inso ia ewo rui ka itunuo luwu keu arasi Libano.

Puu Mpobitara 9:15 ပူးပေါင်းရင်းမြစ်များ

2 Mokole 14:9

Sine i Yoasi, mokole i Isaraeli montena mia lumako ndi Amasia, mokole i Yehuda, saru pe'oliwi, ”Laro rui i Libano me'oliwi a ngkeu arasi i Libano, unino: Peweengakonomo anamu beine a anaku tama gagi kombiano. Sine kondehora mo'ila anu kongko i Libano telalo ka lumandao laro rui atuu.

Po'unde-unde 104:16

Luwuno keu-Do i Ue gagi mowohi, luwuno keu arasi i Libano anu pinaho-Do,

Po'unde-unde 29:5

Suara-Do i Ue puduo keu arasi, tendeano Ondae i Ue mobangkuo keu arasino Libano.

Yesaya 1:31

Anu moroso gagi kana ewo mokari, inanggano gagi kana bunga api; oruano ta mo'ai meronga ka nahina anu mokompepateo.

Yesaya 2:13

umewaio luwuno keu arasi i Libano anu kontasi-tasi ondau ka moleo, umewaio luwuno keu tarabanti i Basani;

Yesaya 30:2

Ondae mpelungka melako i Masiri nahi dompo'ema pomputusi-Ku, ira mpepekadudui ndi Pirao ka mpepetaloi i totono pabawano Masiri.

Yesaya 37:24

Molalo luwuno tinenamu upokongkodei Iramo i Ue. Upotae, ’Saru hadiono karetaku ongkue mewuatako a luwuno po'ianga mantande a mentorukuno, a mpo'ianga anu lalu olai i torukuno Libano; kutuehi ira keu arasino anu me'ondau ka langkai, keu sinobarino anu tebiniki; hawe akumo a punsuno anu lalu mantande, a ntobuno anu mokapa.

Ponsabangi 4:20

Mia anu inurapi-Do i Ue, penaano tumuwumami, kona rako a laro mpobolodo, onae anu potaemami, ”A laro mpe'engoiano kami mentuwu i olodo tongku.”

Yehesikieli 19:14

Ka i'amba meluarakoomo api inso a sampano anu kumaano sampa motutuno ka wuano, ranta nahina mbo'u ndi onae sampa anu moroso ka nahina tuko poparentaa.” Ndiomo ponsabangi ka ta pinake gagi ponsabangi.

Yehesikieli 31:3

Kitaomo Asuri, i ndi'ipua keu arasi i Libano, mesampa tekosi ka melewe marombo; keuno tedoa ondau, punsuno i olono laro nseru.

Danieli 4:12

Leweno ntekokosi, wuano hadio ntu'u, ndi onae hinao kaangado luwuno anu mentuwu. I totono kondehora a mpada mpo'ungke pe'engoa, a sampa-sampano manu-manu i laro meene mpeseno, ka inso ndi onae luwuno anu tuwu mpohawe kaangado.

Hosea 14:7

Luwuno sampano ta tetiangi hadio, mewantano ta kana keu saitu ka mana mo'ahino kana hadio keu Libano.

Podoaa 21:28

Hangano api meluarako inso i kota Hesiboni, langano api inso a ngkota po'iangano i Sihoni, anu pingko kumaano Ari-Moabi, ondae anu pabawaio luwuno pongku wita asa ngkeu Koro Aranoni.

I MATIU 13:32

Lano wuku mpinopaho atuu anu lalu kodei inso a luwuno rupano wuku mpinopaho, sine ba tuwuomo, rawoho atuu langkaiopo sekono inahu anu susua, tendeano gagi keu ranta manu-manu i laro meene aiwa mpeseno a sampa-sampano.”

Puu Mpobitara 9:14

Ka dompotae luwuno keu atuu ia ewo rui: Aiwa, gagi mokolemami!

Puu Mpobitara 9:16

Gaagi, mentee ke mpetenunu komiu ka moleo aroa mempotoroo i Abimele gagi mokole? Mentee ke moikoomo wineweu miu ndi Yeruba'ala ka pe'etuno ka imensuloo menunu pe'aroano?

Puu Mpobitara 9:20

Ba nahi, po'ineeomo ipeluarako api inso ndi Abimele ka itunu ira luwu mia i kota Sikeme ka Beti-Milo, ka po'ineeomo ipeluarako api inso i kota Sikeme ka Beti-Milo tumunuo i Abimele.”

Puu Mpobitara 9:44

I Abimele ka puu mpetea anu merongaakono mensapoio ka mpentorokio pewowano kota, sine orua puu mpetea mehano mesapoi ka mepate ira luwu mia anu mekongko a mpada.

Puu Mpobitara 9:49

Ka do'amba palili atuu pada pompole sampa keu ka domentondao i Abimele. Domenaao i wawo aa ka domentunuo aa atuu i wawo uludo mia atuu. Kanandiomo luwuno palili Menara-Sikeme domemate, bara'ura asa nsowu tama ka beine.