Puu Mpobitara 8:27 - Wunta Mempori

²⁷ Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.

Puu Mpobitara 8:27 ပူးပေါင်းရင်းမြစ်များ

Po'unde-unde 106:35

tendeano dompesaloako ira luwuno tongku, ka mentondao luwuno wineweudo.

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Po'unde-unde 73:27

Hangano menteeano, isema anu olai inso ndi Omiu ta mate; Ipepate ira luwu mia, anu nahi petenunu mbo'u ndi Omiu.

Peluarakoa 23:33

Ondae nahi ira mpo'ia mpiha i wita miu, kasi dompokontehala komiu ndi Ongkue, hangano mpesomba a lahumoado, nde anu kanarau gagi winggaro ndi omiu.”

Peluarakoa 32:4

Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 34:16

Kanatuu koa mbo'u tewala mpo'alakomiu ana beinedo gagi kombiado anamiu tama, ana beinedo ira mponsosabo mpotonda a anu pinesombaido, ba mansa dompopandei ira anamiu tama mponsosabo ka mpetonda a anu pinesombaido.

Yesaya 8:20

ka ipohawe pompaguru ka pe'oliwi?” Isema anu nahi sangki menunu saru pau kanatuu, ndi onae nahi pesabaako towea.

Yehesikieli 7:20

Peramba-ramba tekosi dompokonao gagi pompelangka-langkai. Inso a mperamba-ramba atuu domeweweuo luwuno tinaha anu mokoburu ka luwuno lahumoado. Onaemo pu'uno, Aku weweuo tesosa'ai ndi ondae.

Hosea 2:2

kasi mansa Kulohuo sangkano ranta kai kolambe-lambe, ka mo'ineeo kana a oleo ipine'anaako, weweuo kana pada one, weweuo kana wita mokari, ka mo'ineeo kai mate mokoranga.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Puu Mpobitara 17:5

I Mika andio hinao raha pesombaano. Iweweuo lemba epo ka terapi ka ipotoroo asa anano anu tama gagi sando mpesomba.

Puu Mpobitara 18:14

Mpotae iramo mia olima atuu anu umari mempadasoo wita Laisi atuu. Mpotae ira ia pe'etudo, ”Imento'orioke, motae ilaro raha andiodo hinao lemba epo, terapi, tinaha ka tinaha hinola? Onae ka imento'oriomo hapa anu ta wineweumiu!”

Puu Mpobitara 18:17

Ka olima ira anu melako iramo padasoo wita atuu mpelempa mpiha, mpewinso i larono ka dome'alao tinaha, epo, terapi, tinaha hinola atuu. Sando mpewomba atuu mentade ia mpewowa kota, saru nomo'etu mia anu mpesangka mpetea atuu.

Puu Mpobitara 2:2

sine omiu, sii mpoweweu pedandia saru palili wita andio. Pontunua pesombado asalakono ka impobangkuo. Sine nahi imperorongeakono pau-Ku. Tembio ka imempoweweu kanandio?

Puu Mpobitara 2:3

Onaemo ka Kupepau mbo'u: Komba Aku sumaari ira mia atuudo te'inso i aromiu, ranta ka domegagi iwalimiu ka anu pinesombaido ta gagi ohomiu.”

Puu Mpobitara 6:11

Ka i'amba hawe Mala'eka-Do i Ue, mentoro ia totongkeu tarabanti i Opara, anuno i Yoasi, to Abieseri atuu. I Gideo ka anano monsesa gandu a mpotirisaa anggoro, kai tewuni te'inso a nto Midia.

Puu Mpobitara 6:24

Onaemo ka i Gideo mowangu pontunua pesombaa i ra'ai tia-Do i Ue ka ineeakono: Ondae i Ue pu'uno manangaia. Pontunua pesombaa atuu da kongkoo mpiha hawe tempo andio ndi Opara, i kotado to Abieseri.

Puu Mpobitara 8:26

Mobeano luwuno tole-tole wulaa anu inemano atuu asa nsowu pitu etu sikala wulaa, napi saru enu-enu, tole-tole ka sangka anu wungo-wungo, anu pinakedo mokole to Midia, ka enu-enu rante ia we'uno untado.

Puu Mpobitara 8:28

Kanandiomo to Midia domentenangi a to Isaraeli ka nahi dompokompe'ewa mbo'u. Rodoomo wita atuu pato pulu nta'u tehineno tempono i Gideo.