Puu Mpobitara 8:26 - Wunta Mempori

²⁶ Mobeano luwuno tole-tole wulaa anu inemano atuu asa nsowu pitu etu sikala wulaa, napi saru enu-enu, tole-tole ka sangka anu wungo-wungo, anu pinakedo mokole to Midia, ka enu-enu rante ia we'uno untado.

Puu Mpobitara 8:26 ပူးပေါင်းရင်းမြစ်များ

Esetere 8:15

Ka i Modekai meluarako inso i arodo mokole mompokona sangka poparentaa inso a nsawu wungo ntu'u ka sawu lena saru mompokona ramba-ramba ulu inso a wulaa anu tekosi ntu'u saru lemba meloe inso a nsawu lena alusu ka sawu wungo-wungo. Onaemo ka dompeboo-booli ka mpo'unde i kota Susani.

Powadi 31:22

Onae moweweu umpeo tekosi tiano koroino, lena alusu ka sawu wungo sangkano.

Yesaya 3:18

A oleo atuu Ondae i Ue Ira tumadio luwuno peramba-rambado: mala-mala karu, ramba-ramba ulu anu pinotako a ra'i ka ramba-ramba rada;

Yeremia 10:9

Salaka pinalu winawa inso i Tarasisi, ka wulaa inso i Upasi; lahumoa atuu wineweuno puu mpo'angga ka wineweuno kaeno mia pande mo'angga wulaa. Sangkano inso a nsawu wungo motu'a ka sawu wungo mongura, luwuno wineweuno kaeno mia anu pande mo'angga.

Yehesikieli 27:7

Sombamu wineweu inso a lena alusu anu mpesora-sora inso i wita Masiri; onaemo atuu tondonimu. Tendamu wineweu inso a nsawu wungo motu'a ka sawu wungo mongura inso i wiwi ntahi Elisa.

I LUKASI 16:19

”Hinao asa mia kaea anu wela mesangkaako lemba meloe wungo ka sawu alusu, ka sompo oleo onae mo'unde a laro mare'ea.

I YOHANE 19:2

Sorodadu mpo'ena aasa ramba-ramba ulu inso a haro rui ka domenaao a wawo ulu-Do. Dompokonaako Ira lemba meloe wungo,

I YOHANE 19:5

Ka Do'amba i Yesu meluarako meramba-ramba uluako rui ka melemba meloe wungo. Ka ipotaeako ira i Pilatu, ”Kita Iramo Mia atuu!”

MENGKAAA 17:4

Ka beine atuu mesangka sawu wungo ka sawu kirimisi anu rinamba-rambaako wulaa, paramata ka mutiara, ka a ngkaeno hinao aasa tonde wulaa bukeako luwuno mokoburua ka mokoburuno pebelesuno.

MENGKAAA 18:12

onaemo balu-balu me'inasa inso a wulaa ka salaka, paramata ka mutiara, lena alusu ka sawu wungo, sabe ka sawu kirimisi, mperupa-rupa balu-balu inso a ngkeu anu mana mo'ahi woono, mperupa-rupa balu-balu inso a ntindu, mperupa-rupa balu-balu inso a ngkeu anu masuli olino, inso a mala, labu ka puala,

MENGKAAA 18:16

dompotae, ”Masola, masola, kota langkai, anu mesangka lena alusu, ka sawu wungo ka sawu kirimisi, ka anu rinamba-rambaako wulaa, ka paramata ka mutiara, hangano i larono asa langku koa kaeaa hadio atuu tampulaomo.”

Puu Mpobitara 8:21

Motaeomo i Sebaha ka i Salamuna, ”Aiwamo, omuemo koa mepate kami, nde kana miano, kanatuu koa mbo'u morosono.” Lumakoomo i Gideo, mepateo i Sebaha ka i Salamuna. Ka i'amba umalao peramba-ramba anu a we'uno untado.

Puu Mpobitara 8:25

Mesangki ira, ”A mawongkono aroa mami kami mpeweengakono.” Onaemo ka domewileo asa hawu, ka sompo-sompo mia mewunoakono tole-tole anu pinomuruno i wawono hawu atuu.

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.