Puu Mpobitara 7:9 - Wunta Mempori

⁹ Ia wongi atuu mepau Ira i Ue, ndi onae, ”Pewangumo, petiimo sapoi ira ia kemado atuu, nde Kupeweengako iramo ia ngkaemu.

Puu Mpobitara 7:9 ပူးပေါင်းရင်းမြစ်များ

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

Ayubi 4:13

tempono mo'ia mewowoloo mongkona linolaro wongi, tempono mia tesese a laro mpoturino rodo.

I MATIU 1:20

Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 2:13

Mansado mpelungka to majusi atuudo, tengkitaomo mala'eka-Do i Ue ndi Yusupu a laro mo'ipi ka ipotae, ”Pewangu, alaomo Nana'ote atuu saru ine-Do, polaimo i wita Masiri ka po'iamo i ra'ai hawe ka Kupepau ndi omue, hangano I Herode umungkeo Nana'ote atuu ta mepateo.”

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 11:6

Mepau Iramo i Ue ndi Yosua, ”Sii doito umaropi ira, nde tisomo bara'ura kana langku kanandio, Aku meweengako ira memate luwu a nto Isaraeli. Ngarado asalakono impepate ira, karetado asalakono imentunuo.”

Yosua 2:24

Dompotae ndi Yosua, ”Ondae i Ue dopewengakonomo luwuno inia ndi'ai a ngkaeto, ka luwuno palili i inia atuu medoito ira umaropi kita.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

Puu Mpobitara 3:10

Penaa-Do i Ue pabawaio ka igagi petewawado to Isaraeli. Lumakoomo metea, ka Ondae i Ue mewengakono i Kusani-Risataimi, mokoledo to Arami, onaemo ka inangio i Kusani-Risataimi.

Puu Mpobitara 3:28

Motaeomo ndi ondae, ”Imentonda aku, nde Ondae i Ue Dopewengakonomo iwalimiu to Moabi atuu ia ngkaemiu.” Mpetii iramo mentondao, domerontuo pesakiakoa i koro Yarade, tetutu i Moabi. Nahina maupo te'asa mia dompo'ineeo mesakiako.

Puu Mpobitara 7:10

Sine ba doitoko metii i loane, petiimo saru i Pura, atamu, ia pekemaado atuu,

Puu Mpobitara 7:8

Mia anu otolu etu ira atuu mpo'ala kaangado ka tawuwua inso a palili. Ka i'amba tumena ira to Isaraeli pada mpekule ia kemado, sine otolu etu mia atuu itena ira mpo'ia. Kemado to Midia mo'ia i totono, i lembono.

1 Samueli 14:8

Motae i Yonata, ”Kanandio-andio kita telalo a mia atuudo ka mepopokita ndi ondae.

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”