Puu Mpobitara 7:20 - Wunta Mempori

²⁰ Kanatuumo otolu ntia puu mpetea atuu mempuurio tawuwua ka mempehao kusi, manggalido mpo'ini pansona ka ikoanado tawuwua anu ta pinuuri, ka dompebooli, ”Ponai a nee-Do i Ue, ka a neeno i Gideo!”

Puu Mpobitara 7:20 ပူးပေါင်းရင်းမြစ်များ

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Yeremia 47:6

Ha, ponai-Do i Ue, opiapo mbo'u tehineno ka u'amba menaa-naa? Wali pewinso a laro tampimu, pomperodomo ka penaa-naamo!

1 KORINTI 15:52

i larono asa mpiniro, i tempono unino tawuwua pokotompa. Hangano tawuwua ta pino'uni ka mia memate ira mewinangu a ngkoroi anu nami ta mate ka kita mebinali luwu.

2 KORINTI 4:7

Sine arataamami andio a laro bolusa wita pulu, ka imengkaa, nine roso anu langkai ntu'u atuu inso ndi Ondae Ue Ala, komba inso ndi omami.

1 TESALONIKA 4:16

Hangano i tempono pinowee petondoni, onaemo tempono ipebooli petewawado mala'eka ka tawuwua-Do Ue Ala me'uni, ka Ondae i Ue Ira metii inso i suruga ka ondae anu memate ndi Ondae i Kerisituu ira ntese'elu mpewangu;

IBARANI 11:4

Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

Yosua 6:16

Anu kopepintuno, sando mpesomba domempuuriomo sangkakala, mepauomo i Yosua ia tongku atuu, ”Impeboolimo, nde Ondae i Ue Dopeweengakonomo inia andio ndi omiu!

Yosua 6:20

Mpebooli iramo to Isaraeli, ka mpopuuri tawuwua, mansado merongeo unino tawuwua mpebooli iramo to Isaraeli tedoa meroku. Tehoaomo bente Yeriko, mpomaru ia bente mpewinso ia kota, ka dompoko'alao kota atuu.

Yosua 6:4

ka opitu ira sando mpesomba mpowawa tawuwua tandu bimba i arono burua pedandia. Sine i oleo ko'opitu, pepintu imebolilio kota atuu, ka sando mpesomba mpopuuri tawuwua.

2 PETURU 1:15

Sine aku koa me'usaha, ka i'umariku mbo'u lumako atuu ka iwela koa mpewowoloo luwuno atuu.

Puu Mpobitara 7:19

I Gideo ka anu asa etu mia anu tumondao hawe ia tompano pekemaado atuu itempono pompu'uano po'eua daga ntonga wongi. Ka do'amba mempuurio tawuwua ka domempehao kusi a ngkaedo.

Puu Mpobitara 7:21

Kontongaano atuu kongkodo mpentade a mpo'iangado lumimbuo pekemaa atuu, luwudo sorodadu iwali mpolai, ka mpebooliki ira.

1 Samueli 11:11

Tisomono i Saulu tumiao palili gagi otolu ntia. Umpeda meene, dompewinsokio pekemaado iwali ka napi ntonga oleo donangi iramo to Amoni. Luwuno mia anu tola ntesiarawo ka nahina molai nte'o'orua mia.