Puu Mpobitara 7:14 - Wunta Mempori

¹⁴ Ka i'amba sumangki walino, ”Ndio asalakono ponaino i Gideo anano i Yoasi, to Isaraeli atuu. Dopeweengakonomo Ue Ala to Midia ka luwuno kema andio ia ngkaeno.”

Puu Mpobitara 7:14 ပူးပေါင်းရင်းမြစ်များ

Ayubi 1:10

Kombake Omiu anu moweweu wala lumimbuo ka somborino saru luwuno anu pine'ueno? Hapa anu inanggano Ironsoomo ka hapa anu pine'ueno koteti-tetiangino i wita atuu.

Podoaa 22:38

Sine, sumangki i Bilea ndi Bala, ”Kitaomo, kanandio-andio hawe akumo ndi omue. Sine, nahina rosoku ba aku mompau maupo hapa? Pau anu ta ninaa-Do Ue Ala a laro ngangaku, onaemo anu aku pauo.”

Podoaa 23:20

To'oriomo, mohawe aku parenta ka kuporonso ka tewala Ondae moronso, nahi aku polio mosuleo.

Podoaa 23:5

Ka Do'amba i Ue numaao pau a laro ngangano i Bilea ka mepau, ”Pekulemo ndi Bala ka pauomo kanandio.”

Yosua 2:24

Dompotae ndi Yosua, ”Ondae i Ue dopewengakonomo luwuno inia ndi'ai a ngkaeto, ka luwuno palili i inia atuu medoito ira umaropi kita.”

Yosua 2:9

ka motaeako ira, ”Kuto'orio, nine Ondae i Ue Dopeweengakonomo inia andio ndi omiu ka medoito kamimo saru luwuno palili inia andio.

Yosua 5:1

I tempono luwudo Mokole to Amori anu mpo'ia i sumooano oleo koro Yarade ka luwuno mokoledo to Kana'a ia wiwi ntahi, motae Ondae i Ue mokomo'areo koro Yarade i arodo to Isaraeli, onae ka dompokompesakiako, molusaomo aroado ka nami hina sumangado ira mpe'iwaliako ira to Isaraeli.

Puu Mpobitara 3:28

Motaeomo ndi ondae, ”Imentonda aku, nde Ondae i Ue Dopewengakonomo iwalimiu to Moabi atuu ia ngkaemiu.” Mpetii iramo mentondao, domerontuo pesakiakoa i koro Yarade, tetutu i Moabi. Nahina maupo te'asa mia dompo'ineeo mesakiako.

Puu Mpobitara 7:13

Mansano i Gideo hawe i tu'ai, tekonai hinao asa mia montutulu mo'ipino ia walino, ipotae, ”Rongeo, mo'ipi aku, kukitao roti jelai anu bonggoli telundi a kemado to Midia. Mansano hawe a ngkema, irumpaio kema atuu ranta kai terongka ka telundi, kanatuumo iterongka kema atuu.”

Puu Mpobitara 7:15

Mansano rumongeo i Gideo mo'ipi atuu itinutuluako saru pengkonaano, menggolontuuomo mesomba. Ka i'amba mekule ia pekemaado to Isaraeli, ka ipotae, ”Pewangumo, nde Ondae i Ue Dopeweengakonomo pekemaado to Midia ia ngkaemu.”

1 Samueli 14:12

Mpebooli iramo sorodadu mpodagai atuu ndi Yonata ka atano anu mowawa sangka mpeteano, ”Iporakemo ramai! Kami mpoweeakomiu patudu.” Ipotaeakono i Yonata anu mowawa sangka peteano, ”Tonda aku, Dopeweengako iramo i Ue a ngkaedo to Isaraeli.”