Puu Mpobitara 7:13 - Wunta Mempori

¹³ Mansano i Gideo hawe i tu'ai, tekonai hinao asa mia montutulu mo'ipino ia walino, ipotae, ”Rongeo, mo'ipi aku, kukitao roti jelai anu bonggoli telundi a kemado to Midia. Mansano hawe a ngkema, irumpaio kema atuu ranta kai terongka ka telundi, kanatuumo iterongka kema atuu.”

Puu Mpobitara 7:13 ပူးပေါင်းရင်းမြစ်များ

1 KORINTI 1:27

Sine hapa anu pinemonge-mongeno wawontolino, Dobiniki ira Ue Ala ka dopokoko'ii ira mia anu mponto'ori, ka hapa anu pinemolemano wawontolino, Dobiniki ira Ue Ala ka dopokoko'ii ira anu memoroso,

Puu Mpobitara 3:15

Ka do'amba to Isaraeli mpebooli ndi Ondae i Ue, ka Ondae i Ue moweeako ira asa mia pontolosi onaemo i Ehu, anano i Gera, to Benami, onae mia manggali. I Ehu gagi mia i olono to Isaraeli mo'oliwi peki'ue ndi Egelo mokole to Moabi.

Puu Mpobitara 3:31

Umarino onae, petewawa lembuino i Samaga anano i Anata; Ipepate ira nomo etu to Pelisiti mompake tuko pontamba sapi. Kanatuumo ikadudui ira to Isaraeli.

Puu Mpobitara 4:21

Sine i Yaeli kombiano i Hebe, mo'ala pandorano kema ka palu-palu, ka i'umpedaakono meningka-ningka. Ipandorao ia nipi-nipino i Sisera lompahi hawe a wita, kontongaano moturi roodo hangano mokendo, ka mateomo i Sisera.

Puu Mpobitara 4:9

Motae i Debora, ”Moiko, aku metonda! Butumokoa, nahi komohawe pompelangkai ia pelempaamu andio, nde Ondae i Ue ta mewengakono i Sisera ia ngkaeno asa beine.” Mentadeomo i Debora merongaakono i Bara lumako i Kedesi.

Puu Mpobitara 6:15

Sine sangkino ndi Ondae, ”Tabea Miu, Ue, saru hapa ke ba kutolosiako ira to Isaraeli? Ikitaomo, tongkuku anu lalu kodei i olodo tongku Manase ka ongkue andio mia anu lalu mongura i rahado amaku.”

Puu Mpobitara 7:12

To Midia, to Amale ka luwudo mia anu te'inso i sabaano oleo atuu tesiarawo ira i lembono, kana kosume hadiono, ka untado nahi pinokodoa, kana one i wiwi ntahi hadiono.

Puu Mpobitara 7:14

Ka i'amba sumangki walino, ”Ndio asalakono ponaino i Gideo anano i Yoasi, to Isaraeli atuu. Dopeweengakonomo Ue Ala to Midia ka luwuno kema andio ia ngkaeno.”

Puu Mpobitara 8:10

Kontongaano atuu i Sebaha ka i Salamuna kongko i Karakoro saru bara'ura hopulu ka olima nsowu sorodadudo, luwuno sorodadu anu da mentuwu, luwuno mia inso a sabaano oleo. Sorodadu anu memate asa etu ka rua pulu nsowu mia, luwuno mpeponai.