Puu Mpobitara 7:11 - Wunta Mempori

¹¹ ka u'amba perorongeakono hapa pinopaudo. Umari atuu ikomo mosia metii sumapoio kemado atuu.” Ka i'amba metii merongaakono i Pura, atano, hawe ia podagaia anu i arono ntu'u a mpekemaado.

Puu Mpobitara 7:11 ပူးပေါင်းရင်းမြစ်များ

Tegagia 24:14

Po'ineeomo ka igagi kanandio: ana beine anu kutotowoakono pau andio, ’Tulungi aku lingkeo takeamu atuu, ka kupo'inu,’ ka isangki, ’Po'inumo, ka luwuno untamu mbo'u aku mopo'inu ira,’ onaemo anu pinakosi-Miu tiano ata-Miu i Saki. Kanandiomo aku tumo'orio, nine ipopokitaomo pompehohawa-Miu ndi ondae ueku.”

Esera 6:22

Domporame-rameakono oleo langkai Roti Nahi Peragi, memawongkoa ira opitu oleo tehineno hangano Ondae i Ue mokomawongko ira. Ondae i Ue balio aroano mokole i wita Asuri ka ipokowali ira anggaano mpowangua Raha-Do Ue Ala, Ue Alado to Isaraeli.

Nehemia 6:9

Menteeano luwudo inehedo mpokodoito kami, pinewowolodo, ”Ira mpo'ineeo anggaa atuu ranta nahi pinoko'umari.” Sine ongkue me'o'osu aku ntu'u tompaano rosoku.

Peluarakoa 13:18

Sine Ondae Ue Ala tumaate ira tongku atuu mpetanggolili telalo i pada one tetutu i Tahi Teberau. Te'atora moiko baresido, to Isaraeli mpelungka inso i wita Masiri.

EPESU 3:16

Mekakai aku ka Dopokorosoakomiu Penaa-Do i laromiu, montonda kaeano maramba-Do,

EPESU 6:10

Poko'ariano, imemorosomo ndi Ondae i Ue, a morosono pabawa-Do.

PILIPI 4:13

Luwuakoano kupokotembio ndi Ondae anu moweeakune roso.

Puu Mpobitara 7:10

Sine ba doitoko metii i loane, petiimo saru i Pura, atamu, ia pekemaado atuu,

1 Samueli 14:12

Mpebooli iramo sorodadu mpodagai atuu ndi Yonata ka atano anu mowawa sangka mpeteano, ”Iporakemo ramai! Kami mpoweeakomiu patudu.” Ipotaeakono i Yonata anu mowawa sangka peteano, ”Tonda aku, Dopeweengako iramo i Ue a ngkaedo to Isaraeli.”

1 Samueli 23:16

i Yonata, anano i Saulu lumako tepohaweakono i Daudi i Koresa. Ipokorosoo i Daudi ka ipomperorohi ndi Ondae Ue Ala.

1 Samueli 26:6

Ka i'amba i Daudi motaeakono i Ahimele to Heti atuu ka i Abisai anano i Seruya, pepaekompono i Yoabi, ipotae, ”Isema anu ta tumonda aku lumako a mpekemaano i Saulu atuu?” Sumangki i Abisai, ”Ongkue, aku tumondakomiu.”