Puu Mpobitara 6:3 - Wunta Mempori

³ Ba me'umari iramo to Isaraeli mpopaho, me'aiwa iramo to Midia, to Amale ka mia anu nte'inso ia sabaano oleo, melako sumapoi ira.

Puu Mpobitara 6:3 ပူးပေါင်းရင်းမြစ်များ

Tegagia 25:6

sine a luwuno anano anu hinaweno inso a luwuno beine mongurano, ipoweeako ira ihi ngkae. Ka i'amba tempono onae da tuwu, itena ira melako inso i arono i Saki, anano, i sabaano oleo, i Wita Sabaano oleo.

Tegagia 29:1

Ka i'amba melungkaomo i Yako inso i tu'ai lumako i witado to sabaano oleo.

1 Mokole 20:27

Umarino pinaresa sorodadudo to Isaraeli ka domempinontisoako, mpelungka iramo umaropi ira to Arami. To Isaraeli mpekema i arodo kana orua bawaa kodei bembe, sine to Arami buuke asa wawo wita atuu.

1 Mokole 4:30

Pandeno mompewowolo i Salomo, ilaloi pandedo mpopewowolo luwuno mia i Sabaano Oleo ka lumaloio luwuno pandedo mpopewowolo to Masiri.

1 Mokole 5:10

Kanatuumo i Hirami moweeakono keu arasi ka keu sanobari ndi Salomo montonda hadiono anu inemano.

Ayubi 1:3

Onae hinao bawaa bembe bimbano pitu nsowu, unta tolu nsowu, sapi lima nsowu pasa, kalide waino lima etu ka tedoa hadio atano. Onae mia anu lalua mompoli i olodo luwuno mia i sabaano oleo.

Ayubi 31:8

ka po'ineeomo hapa anu rinawoku, ikaano mia susua, ka hapa anu tuwu tiaku po'ineeomo itebuta.

Peluarakoa 17:8

Mewahe iramo to Amale mpeteaako ira to Isaraeli i Rapidi.

Yesaya 11:14

Sine ondae ira mepaso'ulu i sumooano oleo lumaloo oweano torukuno Pelisiti, ondae meronga-ronga momuru ira tongku i sabaano oleo; Edomi ka Moabi ta gagi rontuano kaedo, ka to Amoni ira mpetuundu ndi ondae.

Yesaya 62:8

Ondae i Ue mesumpa Iramo a ngkae ngkoana-Do, a ntokia-Do anu moroso, ”Menteeano, nami Aku mbo'u meweengakono gandumu gagi kaangado iwalimu. Menteeano, mia mehawe nahi ira mpo'inu uwoi anggoromu anu hinawemu a mpe'iseimu.

Yeremia 49:28

Mongkona Kedari ka luwuno poparentaano Hasori anu ninangino i Nebukanesa, mokole i Babeli. Kanandiomo pau-Do i Ue, ”Lakomo sapoio Kedari, pepate iramo mia te'alaako i sabaano oleo!

Yehesikieli 25:3

Pauako iramo inuleno i Amoni: Rongeomo pau-Do Ue Ala: Kanandiomo pau-Do Ue Ala: Hangano omue mebooliako ’Losoko!’ mongkona po'ianga mempori-Ku tempono ilinimpai memporino, mongkona wita Isaraeli tempono wita atuu pinokogagi boni-boni, ka mongkona suku Yehuda tempono ondae asalakono melako a pontadia,

Yehesikieli 25:4

onaemo pu'uno, mentee ntu'u, Aku meweengakomu a mia inso i sabaano oleo gagi miano. Ira mpowangu pekemaado i olomu ka mpowangu po'iangado. Ira mengkaano wua ngkeu kaangamu ka me'inuo susuno pinotuwumu.

Imama 26:16

manasa Ongkue mbo'u Aku weweuo kanandio ndi omiu, onaemo Aku mompotii tededengkea ndi omiu, mehengge mokari saru mokula, anu weweuo mata masola ka tumuwu marasai; nahi ta hina tuduno imerawoo iniimiu, hangano wuano ta pingko domengkaano iwalimiu.

Mika 6:15

Omue komorawo inii, sine nahi kosumowi, omue komonsesa wua saitu, sine nahi ko'umurapiakono lana koroimu; ke monsesa wua anggoro, sine nahi komo'inu anggorono.

Winali 28:51

Tongku atuu ira mengkaano hasilino pinotuwumiu ka hasilino witamiu, ranta kai meropu. Nahi ira mpobintaakomiu moiko gandu, uwoi anggoro, ke lana, maupo ana nsapimiu ke anano asa bawaa bembe bimbamiu, ranta kai memasola.

Puu Mpobitara 10:12

to Sidoni, to Amale ka to Maoni anu bobarasai komiu, itempono kai mpebooli ndi Ongkue?

Puu Mpobitara 3:13

Mokole andio popandei ira inuleno Amoni ka inuleno Amale gagi pe'asano. Melako iramo sumapoi ira ka dontenangi to Isaraeli. Kota Keu Kuruma dompentorokio.

Puu Mpobitara 6:2

pabawado to Midia a nto Isaraeli ko moro-morosono. Hangano medoito ira ia to Midia atuu, to Isaraeli mpoweweu ira pewuniado a mentorukuno, onaemo kunepo ka bente.

Puu Mpobitara 6:33

Luwuno to Midia ka to Amale ka luwudo mia inso i sabaano oleo mpepumpu iramo. Mpesakiako iramo ka mpoweweu kema i lembono Yisereeli.

Puu Mpobitara 6:4

Mpoweweu iramo kema i witado, ka domeropuo wua pinopaho hawe umpeda i Gasa. Nahi dompobinta kaanga hapamokoa i Isaraeli, ka bimba, sapi, ke kalide.

Puu Mpobitara 7:12

To Midia, to Amale ka luwudo mia anu te'inso i sabaano oleo atuu tesiarawo ira i lembono, kana kosume hadiono, ka untado nahi pinokodoa, kana one i wiwi ntahi hadiono.

Puu Mpobitara 8:10

Kontongaano atuu i Sebaha ka i Salamuna kongko i Karakoro saru bara'ura hopulu ka olima nsowu sorodadudo, luwuno sorodadu anu da mentuwu, luwuno mia inso a sabaano oleo. Sorodadu anu memate asa etu ka rua pulu nsowu mia, luwuno mpeponai.