Puu Mpobitara 6:24 - Wunta Mempori

²⁴ Onaemo ka i Gideo mowangu pontunua pesombaa i ra'ai tia-Do i Ue ka ineeakono: Ondae i Ue pu'uno manangaia. Pontunua pesombaa atuu da kongkoo mpiha hawe tempo andio ndi Opara, i kotado to Abieseri.

Puu Mpobitara 6:24 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 12:8

Ka i'amba inso i tu'ai onae melimba a mentorukuno i sabaano oleo Beteli. Ipasao kemano i olono Beteli i sumooano oleo ka kota Ai i sabaano oleo. Ka i'amba i tu'ai iwanguo meda pontunua pesomba ndi Ondae i Ue ka moboio nee-Do i Ue.

Tegagia 22:14

I Burahima numeeakono po'ianga atuu, ”Ondae i Ue mompatinda,” kana dompotae mia hawe kanandio-andio, ”A wawo ntorukuno-Do i Ue, ta pinatinda.”

Tegagia 33:20

Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”

2 Samueli 24:25

I ra'ai i Daudi mowangu meda pontunua pesomba ndi Ondae i Ue ka mompesombaako pesomba tinunu saru pesomba tekaduduia. Do'induomo i Ue pekakai tiano wita atuu ka pohuku menaa-naaomo umalu ira to Isaraeli.

1 Mokole 18:32

Ipontade ira watu atuu gagi meda pontunua pesomba a nee-Do i Ue ka i limbuno meda pontunua pesomba atuu iweweuo pangkoro anu mokompo'ula orua ponsa'u inii.

Esera 3:2

Tempo atuu i Yesua anano i Yosada saru luwuno pepaekompono, luwuno sando mpesomba ka i Serubabeli anano i Sealitieli saru luwuno pepaekompono mpowangu meda pontunua pesomba ndi Ondae Ue Alado to Isaraeli ka dompompesombaako pesomba tinunu i wawono, menunu anu teburi a wunta Taurano i Musa, tetenaa-Do Ue Ala.

Peluarakoa 17:15

Ka i'amba i Musa mowangu pontunua pesomba ka ineeakono, ”Ondaemo i Ue poponangiku!”

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Yeremia 33:16

I tempo atuu Yehuda ta pinotola, ka Yerusale ta tuwu rodo. Sarumo andio mia meneeakono: Ondae i Ue moleoato!

Yehesikieli 48:35

Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Podoaa 26:30

Ndiomo inuleno i Gileadi: inso ndi Leseri sukudo to Leseri; inso ndi Heleki sukudo to Heleki;

Yosua 22:10

Mansado mehawe i Gelilo ia ngkorono Yarade, i wita Kana'a, onaemo ka inuleno i Rube, inuleno i Gadi ka asantia tongku Manase, mpowangu ira pontunua pesomba i ra'ai, i wiwino Koro Yarade, pontunua pesomba anu langkai.

Puu Mpobitara 21:4

Tisomono da mo'oru tongku atuu mpowangu iramo meda mpotunua pesomba i tu'ai, ka dompompesombaako pesomba tinunu ka pesombaa tetolosia.

Puu Mpobitara 6:23

Sine Pau-Do i Ue ndi onae, ”Tekaduduikomo! Si doito, nahi komate.”

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.

Puu Mpobitara 8:32

I Gideo anano i Yoasi mate tempono moputeomo luwu wuuno. Onae kinaburu a mpekaburuano i Yoasi, amano, i Opara kotado to Abieseri.

1 Samueli 14:35

I Saulu mowangu pontunua pesomba ndi Ondae i Ue; onaemo pontunua pesomba ndi Ondae i Ue anu amba-ambano ntu'u winanguno.

1 Samueli 7:17

Umarino atuu ka i'amba mekule i Rama, hangano i ra'ai rahano. Inso i ra'ai ipoparenta gagi puu mpobitara a nto Isaraeli. I tu'ai, ipowangu meda pontunua pesomba ndi Ondae i Ue.