Puu Mpobitara 6:21 - Wunta Mempori

²¹ Mala'eka-Do i Ue tumasio tuko anu ia ngkae-Do, untuno dumanggio bau ka roti atuu. Melangaomo api inso ia watu atuu tumunuo bau ka roti ranta kai pingko. Umari atuu moliuomo Mala'eka-Do i Ue inso ia pongkitano.

Puu Mpobitara 6:21 ပူးပေါင်းရင်းမြစ်များ

1 Mokole 18:38

Ka i'amba metiiomo api-Do i Ue kumaano pesombaa tinunu, keu, watu ka wita atuu, sekonopo uwoi a pangkoro pingko isile'io.

1 Tawarika 21:26

I ra'ai i Daudi mowangu meda pontunua pesomba ndi Ondae i Ue, mompesombaako pesomba tinunu ka pesomba tekaduduia, saru moboi Ira i Ue. Ondae i Ue sumangkiakono api anu metii inso i langi a wawo meda pontunua pesomba tinunu atuu.

2 Tawarika 7:1

Mansano mokotampulao i Salomo pekakaino, metiiomo api inso i langi kumaano pingko pesomba tinunu ka luwuno pesomba sinumbele atuu, ka maramba-Do i Ue buketio raha atuu.

Yesaya 38:7

Ndiomo anu ta gagi petondoni inso ndi Ondae i Ue nine Ondae i Ue Ira weweuo hapa anu Dodandiomo:

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Puu Mpobitara 13:19

Umarino atuu i Manoa mo'ala ana bembe ka pesomba kaanga, ka ipesombaakono ndi Ondae i Ue, a wawo watu. Ka i'amba Doweweuo anu kinohali-haliako, kontongaano i Manoa ka beineno kumikitao.

Puu Mpobitara 13:20

Tempono langano api mewuatako i langi te'inso a pontunua pesombaa, Mala'eka-Do i Ue mewuatako mbo'u a laro langano api pontunua pesombaa atuu. Kumitao atuu i Manoa ka beineno metuundu hawe a wita.

Puu Mpobitara 6:20

Mepau Ira Mala'eka-Do i Ue Ala ndi onae, ”Alaomo bau ka roti anu nahi peragi atuu, naaomo a wawo watu andio, tawao uwoino.” Kanatuumo iweweuo.