Puu Mpobitara 6:20 - Wunta Mempori

²⁰ Mepau Ira Mala'eka-Do i Ue Ala ndi onae, ”Alaomo bau ka roti anu nahi peragi atuu, naaomo a wawo watu andio, tawao uwoino.” Kanatuumo iweweuo.

Puu Mpobitara 6:20 ပူးပေါင်းရင်းမြစ်များ

Tegagia 18:3

Motae i Burahima, ”Ueku, tewala ipehohawa aku, ku'emao si laloo atamiu andio.

Puu Mpobitara 13:15

Motae i Manoa a Mala'eka-Do i Ue, ”Ipemoikoomo, ba ki'onto Komiu i ndi'ai, ka kipokomponahua Komiu ana bembe.”

Puu Mpobitara 13:16

Sine sangkido Mala'eka-Do i Ue ndi Manoa, ”Maupo u'onto Aku i ndi'ai, ninahumu nahi Aku kumaano. Sine ba uweweuo gagi pesomba tinunu, pesombaakonomo ndi Ondae i Ue.” I Manoa nahi pokoto'orio motae Ondae Mala'eka-Do i Ue.

Puu Mpobitara 13:19

Umarino atuu i Manoa mo'ala ana bembe ka pesomba kaanga, ka ipesombaakono ndi Ondae i Ue, a wawo watu. Ka i'amba Doweweuo anu kinohali-haliako, kontongaano i Manoa ka beineno kumikitao.

Puu Mpobitara 6:19

Mewinsoomo i Gideo i larono, isumbeleo asa ana bembe ka inahuo ka ipoweweu roti anu nahi peragi inso ia asa efa tarigu. Inaao bau atuu ia baki ka uwoino ia ngkuro, iwawao i aro-Do itotono keu tarabanti, ka ipatindao.

Puu Mpobitara 6:21

Mala'eka-Do i Ue tumasio tuko anu ia ngkae-Do, untuno dumanggio bau ka roti atuu. Melangaomo api inso ia watu atuu tumunuo bau ka roti ranta kai pingko. Umari atuu moliuomo Mala'eka-Do i Ue inso ia pongkitano.