Puu Mpobitara 6:13 - Wunta Mempori

¹³ Sumangki i Gideo ndi Ondae, ”Tabeamiu, Ue, ba Ondae i Ue kumongkomi kami, tembio ka luwuakoano andio umalu kami? Isua ke luwuakoano wineweu-Do anu kinohali-haliako mami, kana dotutuluakami ue mpu'u mami ndi omami, dompotae: Nde komba Ondae i Ue ke anu kumongkomi kita meluarako te'inso i wita Masiri? Sine kanandio Ondae i Ue Dobinta kami ka Dopeweengako kami ia ngkaedo to Midia.”

Puu Mpobitara 6:13 ပူးပေါင်းရင်းမြစ်များ

Tegagia 25:22

Sine anano a laro mpe'anakaano mambe ewa, ka ipotae, ”Tewala kanandio, tembio ka kupembasaio anu kanandio?” Ka i'amba lumako mesikeno ndi Ondae i Ue.

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

Po'unde-unde 27:9

Siimo Iwuniakune rupa-Miu, siimo Ipebungkuio tetenaa-Miu andio saru tekuda; Omiumo pepetulungiaku, si tadi aku ka si binta aku, oo Ue Ala anu kumadudui aku!

Po'unde-unde 44:1

Tiano petewawado anu mpenani. Inso a inuleno i Kora. Penani pompaguru.

Po'unde-unde 44:2

Oo Ue Ala, saru birimami isa'a kimerongeomo, domentutuluomo uempu'umami ndi omami wineweu anu Iweweuomo i tempodo, i tempo se'eluno.

Po'unde-unde 44:9

Hangano Ondae Ue Ala, omami mpenaniako po'unde-unde i larono asa oleo, ka tiano nee-Miu omami mempauo po'unde-unde nahina tampulaano. Sela

Po'unde-unde 89:49

Isemake anu polio tuwu mpiha ka nahi pembasaio matea, anu polio motolao penaano inso a mpabawano tolinodo mia mate? Sela

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yesaya 63:11

Ka i'amba nterorambe iramo bawaa-Do a tempo se'eluno, tempono i Musa: Isua Irake anu wawa ira mpewuatako inso a ntahi meronga saru luwuno puu mpopakambi bawaano bembe bimba-Do? Isua Irake anu numaao Penaa-Do anu mempori a laro ngkoroido;

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 23:33

Tewala tongku andio, ke nabi, ke sando mpesomba mpesikeno ndi omue: Hapake pinau-Do anu pabawa anu pinopotembi-Do i Ue? sangki iramo: Omiumo tinembi atuu! Onaemo pu'uno Aku tumadi komiu inso i aro-Ku, kanandiomo pau-Do i Ue.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 29:24

Ondae ka luwuno tongku ira mpotae, ”Hapake pu'uno ka Doweweuo i Ue kanandio wita andio? Hapake pengkonaano tekuda anu tensila ntu'u andio?”

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Puu Mpobitara 6:1

Sine to Isaraeli mpoweweu anu mosa'o i aro-Do i Ue. Onaemo Ondae i Ue meweengako ira ia ngkaedo to Midia, opitu nta'u tehineno,

Puu Mpobitara 6:12

Mala'eka-Do i Ue mepopokita ndi onae ka Dopepau kanandio, ”Ondae i Ue kumongkomiko, o tadulako anu mosia.”