Puu Mpobitara 5:23 - Wunta Mempori

²³ ”Totonaao kota Mero!” Pau-Do Mala'eka-Do i Ue, ”Totonaaki ira palilino, hangano nahi dome'aiwa tumeahako Ira i Ue, tumeahako Ira i Ue i olodo luwuno pongkiari.”

Puu Mpobitara 5:23 ပူးပေါင်းရင်းမြစ်များ

Nehemia 3:5

ka umpeda ndi onae, ondae to Tekoa mompoko moiko mbo'u. Sine luwuno mia memota'udo nahi domebehe mpompokowali a anggaano uedo.

Po'unde-unde 94:16

Isemake anu ta mentade umala-alaakune i arodo mia melambaha, isemake anu ta aiwa mokowali aku i arodo anu mpoweweu mosa'o?

Yeremia 48:10

Tetotonaaomo mia anu nahi weweuo anggaa-Do i Ue, ka tetotonaaomo mia anu nahi eheakono ponai-Do inso a mpo'uwua rea!

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

1 KORINTI 16:22

Isema nahi kekewoi Ira i Ue, tetotonaaomo. Maranata!

1 KORINTI 3:9

Hangano omami onaemo pe'asa mpo'angga-Do Ue Ala; omiu onaemo lere-Do Ue Ala, winangu-Do Ue Ala.

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

Puu Mpobitara 13:3

Ka i'amba Malaeka-Do i Ue mepopokita ia beine atuu ka ipepauakono, ”Mentee omue biita, nahina anamu, sine ikomentia ka me'anaako asa ana ntama.

Puu Mpobitara 2:1

Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,

Puu Mpobitara 21:5

Ia tempo atuu mpontae iramo to Isaraeli, ”Isemake anu te'inso ia luwuno to Isaraeli anu nahi pontonda bawaa andio mesomba ndi Ondae i Ue?” Nde mpesumpa iramo a menteano ntu'u mongkona mia anu nahi petonda mesomba ndi Ondae i Ue i Misipa, kanandio, ”Asalakono ta hinuku mate.”

Puu Mpobitara 21:8

Onae ka dompotae, ”Inso ia luwuno suku Isaraeli hinaoke anu nahi hawe mesomba ndi Ondae i Ue i Misipa?” Tengkitaomo nine anu te'inso a palili Yabesi-Gilea nahina maupo te'asa mia anu hawe ia pekemaado bawaa atuu.

Puu Mpobitara 4:6

Metenaomo moboio i Bara anano i Abinoa inso i Kadesi i wita Napatali, ka ipotaeakono, ”Nde Ondae i Ue, Ue Alado to Isaraeli, meparenta kanandio: Imelakomo i torukuno Tabori wawa ira hopulu nsowu mia inuleno i Napatali ka inuleno i Sebulo merongaakomu,

Puu Mpobitara 5:13

Mpetii iramo luwuno anu langkai po'iado anu mentola, bawaa-Do i Ue metii merongaakune kana pongkiari.

Puu Mpobitara 6:11

Ka i'amba hawe Mala'eka-Do i Ue, mentoro ia totongkeu tarabanti i Opara, anuno i Yoasi, to Abieseri atuu. I Gideo ka anano monsesa gandu a mpotirisaa anggoro, kai tewuni te'inso a nto Midia.

Puu Mpobitara 8:5

Ka i'amba motae a nto Sukoti, ”Poweeako iramo ba te'opia roti tiado puu mpetea anu tumonda aku, nde memokendo iramo. Kontongaaku lumuluo i Sebaha ka i Salamuna, mokoledo to Midia.”

Puu Mpobitara 8:6

Sine mesangki ira petewawa to Sukoti atuu, ”Nde ipokonangiomo ke i Sebaha ka i Salamuna, ranta kami mpoweeako ira roti sorodadumu?”

Puu Mpobitara 8:8

Melempaomo inso tahane lumako i Panueli, ka motae koa mbo'u kanandio a to Panueli, sine mesangki ira mia atuudo mengkena koa kana to Sukoti.

1 Samueli 17:47

Luwuno mia anu tepumpu i ndi'ai ira mento'orio nine Ondae i Ue mongkadudui komba mompake ponai, kansai ke pando, hangano peteaa andio peteaa-Do i Ue. Ondae Ira meweengakomiu a ngkae mami.”

1 Samueli 18:17

Motae i Saulu ndi Daudi, ”Ndiomo anaku beine anu aka meneeako i Merabe, kuweeko gagi kombiamu, sine omue kogagi miaku anu moroso ntu'u lumako metea a nee-Do i Ue.” Pinewowolono i Saulu, ”Kasi kaeku mepateo, sine po'ineeomo kaedo to Pelisiti anu mpepateo.”

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.

1 Samueli 26:19

Kanandio-andio ueku mokole, iperorongeakono wainto anu pinauno tetenaamiu andio. Tewala Ondae i Ue anu tumenakomiu umewai aku, po'ineeomo ka Dopemoikoo woono pesomba. Sine tewala inso a mia, tetotonaa iramo i aro-Do i Ue, hangano oleo andio domensaari akumo, ranta nahi kupohawe tia pusaka-Do i Ue. Mpotae iramo, ’Lakomo pesomba a anu pinesombai susua.’