Puu Mpobitara 4:17 - Wunta Mempori

¹⁷ Sine i Sisera melulu molai hawe a ngkemano i Yaeli, kombiano i Hebe, to Keni. Nde mesambe'e ira i Yabe, mokole Hasoro ka pe'etuno i Hebe, to Keni.

Puu Mpobitara 4:17 ပူးပေါင်းရင်းမြစ်များ

Po'unde-unde 107:40

Do'uwuo pompokongkodei a luwuno mia pinemota'u, ka Doweweu ira mpelakopi a mpada malua anu nahina pesalaa;

Po'unde-unde 69:22

Tendeano, domempakaakune rasu, ka i tempono kumokoranga, dompopo'inuakune anggoro mo'olo.

Powadi 29:23

Pompelangka-langkai mompe'uru-uru mia, sine mia anu me'urumako, montarima po'unde-unde.

Yesaya 57:21

Nahina manangai tiado mia mosa'o gaudo atuu,” pau-Do Ue Alaku.

Amosi 2:16

Ka anu lalu mosia i olodo luwuno puu mpetea ta molai kolambe-lambe ia oleo atuu,” kanandiomo pau-Do i Ue.

Puu Mpobitara 4:16

Ilulu ira i Bara kareta ka sorodaduno atuu hawe i Harose-Hagoi, ka luwuno sorodaduno i Sisera memateako hangano mata mponai; nahina anu tuwu mau te'asa mia.

Puu Mpobitara 4:18

Meluarako i Yaeli tepohaweakono i Sisera, ka ipotae, ”Itetoro ueku, ipewinso. Sii doito!” Tetoro i Sisera a ngkemano beine atuu ka itutuwiakono hawu.

Puu Mpobitara 5:24

Rinonsoomo i Yaeli, kombiano i Heberi, to Keni atuu, lalua sekono beine anu susua, rinonsoomo onae, laluaopo sekono luwuno beine anu ilarono kema.

Puu Mpobitara 5:6

Itempono i Samaga anano i Ana, itempono i Yaeli, mia mpebalu-balu nami hina mbo'u, mia anu mpelempa mpontonda sala anu melengku-lengkuako.