Puu Mpobitara 3:7 - Wunta Mempori

⁷ To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

Puu Mpobitara 3:7 ပူးပေါင်းရင်းမြစ်များ

1 Mokole 16:33

Umarino atuu i Ahabi moweweu tinaha Asera ka moweweu laluaopo sekono atuu, ranta mokotesingkao tekuda-Do i Ue, Ue Alado to Isaraeli, laluaopo inso a luwuno mokoledo to Isaraeli anu mese'elungio.

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

2 Mokole 23:14

Luwuno tugu pelahumoa ipuro-puroo ka luwuno karuno pelahumoa ituehio, ka i'amba po'ianga atuu buke ihowuiakono wukuno mia.

2 Mokole 23:6

Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Tawarika 15:16

Tendeano i mokole Asa mokompenaa-naao i Ma'aka, ueno beine inso a mpotorono gagi inedo mokole, hangano ueno beine moweweu tinaha Asera anu minokoburuako. I Asa mobangkuo tinaha anu minokoburuako atuu, umisao ranta kai motutu ka tumunuo i koro Kidironi.

2 Tawarika 24:18

Domebintao raha-Do i Ue, Ue Alano uempu'udo, ka do'amba mpesomba a luwuno karuno lahumoa ka tinaha lahumoa. Hangano hala atuu Yehuda ka Yerusale i'aluo pontekudaako.

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:3

Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

2 Tawarika 34:7

ipobangkuo luwuno meda pontunua pesomba ka karuno lahumoa, ipuroo ka rawo-rawoo luwuno tinaha pina'o saru pontunua dupa a luwuno wita i Isaraeli. Umarino atuu onae mekule i Yerusale.

Po'unde-unde 106:35

tendeano dompesaloako ira luwuno tongku, ka mentondao luwuno wineweudo.

Po'unde-unde 106:36

Ondae mpesomba a lahumoado luwuno tongku, anu gagi pete'umalaado.

Po'unde-unde 106:7

Uempu'umami i Masiri nahi dompokonto'orio luwuno wineweu-Miu anu kinohali-haliako, nahi domerambeo hadio ntu'u pompehohawa-Miu, tendeano ondae me'ewa i wiwi ntahi, i wiwi Ntahi Teberau.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yeremia 23:27

anu mpontooako luwuno mo'ipido anu domentutuluo a asa mia ka anu susua, weweu ira bawaa-Ku mengkolupeo nee-Ku, mengkena kana uempu'udo mengkolupeo nee-Ku hangano Baala?

Winali 16:21

Si mpopaho keu gagi karuno lahumoa i horino meda pontunua pesomba ndi Ondae i Ue, Ue Alamiu, pontunua pesomba anu komiu meweweuo tiamiu.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 8:11

Impope'inandaimo, si mengkolupe Ira i Ue, Ue Alamiu, saru nahi mpe'ini a parenta ka atora ka pompakosi-Do, anu kupohaweakomiu a oleo andio;

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

Winali 8:18

Sine asalakono impewowolo Ira i Ue, Ue Alamiu, hangano Ondaemo anu moweeakomiu roso kai mpohawe pompolia, anu tinoo-Do mokorosoo pedandia anu pinau-Do saru sumpa ndi ondae uempu'umiu, kana kanandio-andio.

Puu Mpobitara 3:12

Sine to Isaraeli da mpoweweu ira mbo'u anu mosa'o i aro-Do i Ue. Ondae i Ue weweuo i Egelo, mokole to Moabi, pabawai ira to Isaraeli, nde mpoweweu ira anu mosa'o i aro-Do i Ue.

Puu Mpobitara 3:8

Onae pu'uno ka itensila tekuda-Do i Ue a nto Isaraeli, onae ka Do'asa ira a nto Kusani-Risataimi, mokole Arami-Mesopotamia. Ka to Isaraeli mpetuundu ira ndi Kusani-Risataimi oalu nta'u tehineno.

Puu Mpobitara 6:25

Wongi koa atuu Ondae i Ue mepauakono, ”Alaomo asa sapi lakino amamu, sapi laki ko'orua, anu opitu nta'u tinuwuno. Rongkao pesombaa Baala amamu, ka tuehio karuno pelahumoaa anu ihorino.

Puu Mpobitara 8:33

Mansano mate i Gideo, wali iramo mbo'u mpelahumoa to Isaraeli saru mentondao Baala ka mpesombaio Baala-Beriti.

Puu Mpobitara 8:34

To Isaraeli nami dompewowolo Ira i Ue, Ue Alado, anu motola ira inso a ngkaedo luwuno iwali pehori-horido.

1 Samueli 12:10

Mpeboo-booli ira ndi Ondae i Ue: Mentehala kamimo, hangano kimpebungkui Iramo i Ue ka mpesomba a luwuno Baala ka Asitore. Kanandio-andio ipotola kamimo inso a ngkaedo iwali mami, kamimo mpesomba ndi Omiu.

1 Samueli 12:9

Sine domengkolupe Ira i Ue, Ue Alado. Dopeweengako ira a ngkaeno i Sisera, tadulako sorodadu i Hasoro ka a ngkaedo to Pelisiti ka mokole Moabi anu me'iwaliako ira.