Puu Mpobitara 3:10 - Wunta Mempori

¹⁰ Penaa-Do i Ue pabawaio ka igagi petewawado to Isaraeli. Lumakoomo metea, ka Ondae i Ue mewengakono i Kusani-Risataimi, mokoledo to Arami, onaemo ka inangio i Kusani-Risataimi.

Puu Mpobitara 3:10 ပူးပေါင်းရင်းမြစ်များ

1 Tawarika 12:18

Ka i'amba Penaa-Do i Ue pabawaio i Amasai, petewawado mia tolu pulu atuu, ipotae, Omami andio mpe'alaako ndi omue, hei Daudi, ka mperonga saru omue, hei anano i Isai! Manangaia, manangaia ka manangaia tia-Do anu tumulungiko, hangano Ondae Ue Alamu, Ondaemo anu tumulungiko! Ka i'amba i Daudi tumarima ira ka motoro ira gagi tadulako sorodadu.

2 Tawarika 15:1

I Asaria anano i Odedi ipewinsokio penaa-Do Ue Ala.

2 Tawarika 20:14

Ka i'amba i Yahasieli anano i Sakaria anano i Benaya anano i Yeieli anano i Matania asa to Lewi inso a inuleno i Asapi, ipewinsokio Penaa-Do i Ue i tonga-tongano bawaa,

Po'unde-unde 51:11

Iwuniomo rupa-Miu inso a halaku, Ipahihiomo luwuno salaku!

Podoaa 11:17

Aku metii ka mepau saru omue i ra'ai, ka Ku'amba umalao asa ntia Penaa anu kongko ndi omue ka numaao ndi ondae, ka saru omue ira mentembio anggaa a luwuno tongku atuu ka siimo mbo'u utembio asa-asamu.

Podoaa 11:25

Ka i'amba metii Iramo i Ue a laro nseru ka Dopepau ndi Musa. Ka Do'amba umalao asa ntia Penaa anu kongko ndi onae ka Donaao a pitu pulu mia memota'u atuu. Mansano Penaa atuu kongko ndi ondae, ipewinsoki iramo Penaa kana nabi, sine umarino atuu naamo mbo'u.

Podoaa 11:29

Sine motae i Musa ndi onae, ”Nde mokuako koa ke mokowali aku? Ha, ande-andeno luwuno bawaa-Do i Ue gagi nabi, hangano Ondae i Ue moweeako ira Penaa-Do!”

Podoaa 24:2

Mansano i Bilea mengkita ngkoraane ka ikita ira to Isaraeli mpekema montonda sukudo, Penaa-Do Ue Ala mewinso ndi onae.

Podoaa 27:18

Ka Do'amba mepau i Ue ndi Musa, ”Alaomo i Yosua anano i Nuni, asa mia anu bukeako penaa, naaomo kaemu i wawono.

IBARANI 6:4

Hangano ondae anu horio pinokomewine aroado, anu horio mpenamio pompowee inso i suruga, ka anu horio mohawe tia a laro Penaa Mempori,

Puu Mpobitara 11:29

Ka i'amba i Yepeta bukeako Penaa-Do i Ue. Ilaloo wita Gilea ka wita Manase. Ka i'amba lumaloo Misipa i Gilea, ka inso i Misipa i Gilea lumako i wita inuledo to Amoni.

Puu Mpobitara 11:32

Ka i'amba i Yepeta telalo a wita inuledo to Amoni ta sumapoi ira, ka Ondae i Ue meweengako ira ia ngkaeno.

Puu Mpobitara 13:25

Ka i'amba Penaa-Do i Ue mompu'u lumeluo aroano i Simeso i Mahane-Dani, anu i olono Sora ka Esitao.

Puu Mpobitara 14:19

Mewinsoomo Penaa-Do i Ue ndi onae. Onae metii lumako i Asikeloni ka ipepate ira tolu pulu mia iraane. Ilohu ira sangkado ka iweeako ira sangka pompelangkai atuu a luwuno mia anu mehaweo sangkino singguruno. Ka i'amba mekule a rahano amano, da tedoa mokula aroano.

Puu Mpobitara 14:6

I tempono koa atuu mewinsoomo Penaa-Do i Ue ndi Simeso, onaemo ka i Simeso sumempaakono kaeno singa atuu kana mosempa ana bembe. Sine nahi tutuluako ira amano ka ineno hapa anu wineweuno atuu.

Puu Mpobitara 15:14

Mansado mehawe i Lehi, to Pelisiti tumotowoo ka domengkokora-kora. Ka i'amba Pena-Do i Ue mewinsokio, ranta koloro a ngkaeno gagi kana seami anu piingko ikaano api ka luwuno ponguno ntebibite inso a ngkaeno.

Puu Mpobitara 3:11

Rodoomo wita atuu pato pulu nta'u tehineno. Ka i'amba mate i Otinieli anano i Kenasi.

Puu Mpobitara 3:8

Onae pu'uno ka itensila tekuda-Do i Ue a nto Isaraeli, onae ka Do'asa ira a nto Kusani-Risataimi, mokole Arami-Mesopotamia. Ka to Isaraeli mpetuundu ira ndi Kusani-Risataimi oalu nta'u tehineno.

Puu Mpobitara 6:34

I tempo atuu i Gideo bukeako Penaa-Do i Ue ipuuriomo tawuwua ka iteahako ira to Abieseri tumondao.

1 Samueli 10:10

Mansado mehawe i Gibea inso iraane, ntepotowo iramo asa bawaa nabi saru i Saulu. Nahi koo-kooo Penaa-Do Ue Ala mansa pabawaio ka bukeakoomo Penaa kana nabi i olodo.

1 Samueli 10:6

Penaa-Do i Ue ta mo'ia ilaromu pabawaiko ka omue mbo'u kobukeako penaa kana luwuno nabi perongamu. Omue kotebali nami pengkena tuwumu se'eluno.

1 Samueli 11:6

Mansano rumongeo i Saulu pinaudo atuu, Penaa-Do Ue Ala mewinsokio ka tensilaomo tekudano tedoa mongkokongiri.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.