Puu Mpobitara 21:19 - Wunta Mempori

¹⁹ Ka dompotae mbo'u, ”Sompo ta'u hinao pompelangkai ndi Ondae i Ue i Silo i utarano Beteli, i sabaano oleo sala langkai anu tetutu inso i Beteli lumako i Sikemi ka te'alaako i selata Lebona.”

Puu Mpobitara 21:19 ပူးပေါင်းရင်းမြစ်များ

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Imama 23:10

”Pepaumo a nto Isaraeli ka potaeako ira: Tewala mehawe komiu a wita anu Aku weeakomiu, ka mposowi hasilino, asalakono impowawa te'asa nte'u inso a hasilino amba-ambano sinowimiu a sando mpesomba.

Imama 23:2

”Pepaumo a nto Isaraeli ka potaeako ira: Luwuno oleo langkai anu pinakosi-Do i Ue asalakono kai mento'orio gagi tepotowoa mempori. Luwuno oleo langkai anu Kupakosio onaemo kana tudano andio.

Imama 23:34

”Pauako iramo to Isaraeli, kanandio: A oleo kohopulu ka olima wula ko'opitu onaemo oleo langkai-Do i Ue, oleo langkai Laika Lewe Ngkeu, opitu oleo tehineno.

Imama 23:4

Ndiomo luwuno oleo langkai anu pinakosi-Do i Ue, luwuno oleo tepotowoa mempori, anu asalakono imento'orio menunu saru tempo anu pinakosi.

Imama 23:6

A oleo kohopulu ka olima wula atuu hinao oleo langkai Roti Nahi Peragi ndi Ondae i Ue. I larono opitu oleo asalakono impongkaa roti nahi peragi.

Podoaa 10:10

A luwuno mbo'u oleo imemawongko, a luwuno maroaamiu ka sompo pompu'uano wula, asalakono imempuurio napiri atuu ia tempo mpopesombaako luwuno pesomba tinunumiu ka luwuno pesomba tekaduduiamiu; tinoono kai merinambe i aro-Do Ue Alamiu. Ongkuemo Ue, Ue Alamiu.”

Podoaa 28:16

”I larono wula anu amba-ambano, ia oleo anu kohopulu ka opaa wula atuu, hinao Pasa-Do i Ue.

Podoaa 28:26

Ia oleo pompesombaako hasili amba-ambano, i tempono impopesombaako pesomba kaanga wo'ohu ndi Ondae i Ue, a oleo langkai pokotampulaano opitu minggu, asalakono impoweweu tepumpua mempori, gagi si mpo'angga angaa mobea.

Podoaa 29:12

Ia oleo kohopulu ka olima wula ko'opitu atuu, asalakono impoweweu tepumpua mempori. Si mpo'angga mobea anggaa hapamokoa; asalakono impoweweuako Ira i Ue porame-ramea, opitu oleo tehineno.

I YOHANE 5:1

Umarino atuu hinao oleo langkaido to Yahudi, ka Ondae i Yesu melungka lumako i Yerusale.

I YOHANE 7:2

Tempo atuu rangkuomo oleo langkaido to Yahudi, onaemo oleo langkai Laika Lewe.

Winali 16:1

Impelangkaio wula Abi kai merame-rameo Pasa tia-Do i Ue, Ue Alamiu, hangano i larono wula Abi atuumo Dowawa komiu i Ue, Ue Alamiu mpeluarako inso i wita Masiri i tempono wongi.

Winali 16:10

Umarino atuu kai merame-rameo oleo langkai Opitu Minggu ndi Ondae i Ue, Ue Alamiu, saru mpesomba a moleono aroa anu komiu mpeweengakono, menunu saru ronso anu Doweeakomiu i Ue, Ue Alamiu.

Winali 16:13

Oleo langkai Laika Lewe ngkeu asalakono imerame-rameo i larono opitu oleo, umarimiu mepumpuo hasili inso a mposesaa ka a mpomporo'iamiu.

Yosua 18:1

Mentepumpu iramo luwudo to Isaraeli i Silo, ka dompoweweu kema tepumpua i ra'ai, nde wita atuu mpetuundu iramo ndi ondae.

Puu Mpobitara 18:31

Kanandiomo domenaao tinaha anu wineweuno i Mika gagi tiado, ka tinaha atuu kongko i ra'ai tempono raha-Do Ue Ala kongko i Silo.

Puu Mpobitara 21:20

Mpe'oliwi iramo a inuleno i Benami, kanandio, lakomo mpontowoki a luwuno lere anggoro.

1 Samueli 1:3

Sompo ta'u i Elikana inso i Rama lumako mesomba ka mompesombaako pesombano ndi Ondae i Ueno luwuakoano i Silo. Orua ira anano i Eli, onaemo i Hopini ka i Pineha gagi sando mpesomba-Do i Ue i ra'ai.