Puu Mpobitara 20:26 - Wunta Mempori

²⁶ Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

Puu Mpobitara 20:26 ပူးပေါင်းရင်းမြစ်များ

Tegagia 28:19

Ineeakono po'ianga atuu Beteli, sekono i ndi'ipua neeno kota atuu Lusi.

2 Samueli 3:35

Luwuno mia hawe mempopandeio i Daudi ka ipongkaa roti da meene, sine i Daudi mesumpa, ”Po'ineomo Ondae Ue Ala humuku aku mobea, tendeano laluaopo mbo'u, tewala napi sumoo oleo mongkaa aku roti ba hapamo koa.”

2 Tawarika 20:3

I Yosapa gagi doito, ka i'amba putusio umungke Ira i Ue. Itena ira luwuno Yehuda ka domempuasa.

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Yeremia 36:9

Kanatuumo a nta'u ko'olima poparentaano i Yoyakimi ana ntamano i Yosia, mokoledo to Yehuda, a wula ko'osio, pinaleleomo puasa i aro-Do i Ue a luwuno palili i Yerusale ka a luwuno palili anu me'aiwa inso a luwuno kotano Yehuda melako i Yerusale.

Yoeli 1:14

Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Yosua 24:1

Ka i'amba pumpu ira i Yosua luwudo tongku to Isaraeli i Sikemi. Ipoboi ira mia memota'u to Isaraeli, luwuno petewawado, puu mpobitara, ka tadulako. Ka dompentade i aro-Do Ue Ue Ala.

Yosua 7:6

Ipeberisakonomo i Yosua lembano, menggolontuomo i Yosua ra'ino hawe ia wita mesomba i arono burua-Do i Ue ranta ngkiniwia, mperonga ka mia memota'udo to Isaraeli, ka toro'uludo domerawosiakono awu wita.

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:25

i oleo ko'orua atuu melako ira to Benami inso i Gibea sumapoi ira, ka dompepate ira mbo'u hopulu ka oalu nsowu to Isaraeli, luwuno anu mo'ini ponai.

Puu Mpobitara 21:2

Itempono tongku atuu hawe i Beteli, ka mpo'ia i ra'ai i aro-Do i Ue, Ue Ala ranta ngkiniwia, mpengese ira tedoa meroku,

Puu Mpobitara 21:4

Tisomono da mo'oru tongku atuu mpowangu iramo meda mpotunua pesomba i tu'ai, ka dompompesombaako pesomba tinunu ka pesombaa tetolosia.

1 Samueli 11:4

Mansado mehawe mia mentinena atuu i Gibea-Saulu ka domempauako ira tongku atuu, mpengese iramo luwu tongku atuu tedoa meroku.

1 Samueli 7:6

Mansado mpepumpu i Misipa, mpontambu ira uwoi ka dome'uwuo i aro-Do i Ue. I ra'ai mempuasa ira oleo atuu ka dompotae, ”Mentehala kamimo ndi Ondae i Ue.” Ka i Semueli moparenta gagi puu mpobitara a nto Isaraeli i Misipa.