Puu Mpobitara 20:18 - Wunta Mempori

¹⁸ Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:18 ပူးပေါင်းရင်းမြစ်များ

Yoeli 1:14

Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

Podoaa 27:5

Ka i'amba i Musa mohaweo teweweudo atuu i aro-Do i Ue.

Yosua 18:1

Mentepumpu iramo luwudo to Isaraeli i Silo, ka dompoweweu kema tepumpua i ra'ai, nde wita atuu mpetuundu iramo ndi ondae.

Yosua 9:14

Dome'alao to Isaraeli kaangado mia atuudo, sine nahi dompo'ema pontiso-Do i Ue.

Puu Mpobitara 18:31

Kanandiomo domenaao tinaha anu wineweuno i Mika gagi tiado, ka tinaha atuu kongko i ra'ai tempono raha-Do Ue Ala kongko i Silo.

Puu Mpobitara 19:18

Dosangkio, ”Tekonai kami mpelempa inso i Beteleme-Yehuda melako i asambalino mentorukuno Eparai. I ra'ai insoaku ka hieno lumakoaku i Beteleme-Yehuda, kanandio kontongaamami mpelempa mpekule i raha. Sine nahina mia moboi aku lumako irahano,

Puu Mpobitara 20:17

To Isaraeli dinoa koa mbo'u hadiodo, nahi tewinso suku Benami, hinao pato etu nsowu mia mo'ini ponai, luwudo atuu sorodadu.

Puu Mpobitara 20:19

Onaemo ka to Isaraeli mpewangu da mo'oru mpekema mebolilio Gibea.

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:7

Kanandio-andio omiu to Isaraeli, mendio komiumo luwu i ndi'ai. Imempauomo i ndi'ai pontimbangamiu ka patudumiu.”

1 Samueli 10:3

Inso i ra'ai pelempa mpiha ranta kau hawe a pu'u ngkeu tarabanti i Tabori. I ra'ai kotepohaweakono otolu ira tama anu melako mpowawa pesomba ndi Ondae Ue Ala i Beteli. Asa mia mowawa otolu ana bembe, asa mia mowawa otulu roti ka asa mia mowawa asa kadu anggoro.